مشاكل كتير بالعربية محتاج نصايحكم ( نصر 128 موديل 1978 )

[refath]

السلام عليكم ورحمة الله وبركاته
انا لسه شارى العربية من حوالى شهرين وعملت فيها شوية اصلاحات وهى :-
تم تغيير البوجيهات وسير الدينامو وسير الكاتينة وفلتر الهواء وفلتر البنزين
وكمان غيرت العفشة الامامية بالكامل ( استيراد ) وتم تغيير سلك الدبرياج وبارات الدريكسيون والديسك والاسطوانة والبلية
تم تغيير قلب الفتيس بالكامل

لكن ظهرت مشاكل تانية فى العربية وعايز نصايحكم وهى :-
1. صعوبة التدوير صباحا ( بتدور بس بتبطل لوحدها ولو كبستلها بنزين بتشتغل عادى والكلام ده بيحصل الصبح فقط )
2. صوت صفارة جامدة عند التدوير زى ما يكون فى سير بيزيق ( روحت للكهربائى قالى بلى الدينامو سليم لانه سألنى الصفارة دى بتبقى طول اليوم ولا الصبح فقط قلتله الصبح فقط ولما العربية بتسخن مبسمعش الصفارة طول اليوم )
3. صوت صفارة جامدة عند الضغط على الفرامل
4. الفرامل بتمسك فى الحنب الشمال فقط وبتعرض منى لو ماشى على سرعات عالية ودوست فرامل جامد
5. بسمع صوت طقة جامدة من قدام عند الفرملة ( بتاع الزوايا قالى كاوتشات الميزان عايزة تتغير وافحص جلب المقصات وقاعدة الموتور وقاعدة الفتيس )
6. العربية بتحدف يمين وانا ماشى بس بعد فترة من ترك الدريسكيون ( ملحوظة العجلة اليمين مرحلة للخارج حوالى 1 سم تم عمل ضبط زوايا اكثر من مرة ويقولولى كل 128 كده المهم الزوايا تكون مظبوطة )
7. الموتور صوته عالى جدا و ظهور رجة فى الدريكسيون اثناء التدوير صباحا
8. الفتيس بيعلق ساعات مع الاول والثالث ومع المرشيدير والرابع بيبت بصعوبة شوية وكمان الفتيس بيتحرك لما ارفع رجلى من على دواسة البنزين او الدبرياج وهى على اى غيار وخصوصا الثانى
9. ساعات بشم ريحة بنزين ومرة واحدة نتشت جامد منى وانا ماشى على التالت والرابع
10. صوت من الشكمان شبه الطلقات لما انقل على الغيار الثالث واكبس بنزين
11. الدريكسون بيرعش جامد مع السرعات العالية عند 80 كم بالتحديد وكمان لما بعدى 90 كم العربية مبتبقاش متزنه يعنى قالقيها بتتمرجح يمين وشمال بس وهى ماشية فى خط مستقيم

انا عارف انى طولت اوى عليكم بس اعذرونى
منتظر نصائحكم

[hero_1016]

ياريت حد يفيد اخونا ويفيدنا جميعا

[bassem.naguib]

السلام عليكم ورحمة الله وبركاته
انا لسه شارى العربية من حوالى شهرين وعملت فيها شوية اصلاحات وهى :-
تم تغيير البوجيهات وسير الدينامو وسير الكاتينة وفلتر الهواء وفلتر البنزين
وكمان غيرت العفشة الامامية بالكامل ( استيراد ) وتم تغيير سلك الدبرياج وبارات الدريكسيون والديسك والاسطوانة والبلية
تم تغيير قلب الفتيس بالكامل

ألف مبروك على العربية وربنا يبارك ليك فيها

لكن ظهرت مشاكل تانية فى العربية وعايز نصايحكم وهى :-
1. صعوبة التدوير صباحا ( بتدور بس بتبطل لوحدها ولو كبستلها بنزين بتشتغل عادى والكلام ده بيحصل الصبح فقط )
أعتقد ممكن تكون المشكلة في تنظيف بكات الكربراتير .. أو في الكربراتير بصفة عامة .. واستبعد طقم الكهربا لأنك بتقول أنك مغيره .. إلا إذا كنت مغيرتش الأبلاتين والكوندنسر

2. صوت صفارة جامدة عند التدوير زى ما يكون فى سير بيزيق ( روحت للكهربائى قالى بلى الدينامو سليم لانه سألنى الصفارة دى بتبقى طول اليوم ولا الصبح فقط قلتله الصبح فقط ولما العربية بتسخن مبسمعش الصفارة طول اليوم )
صوت الصفارة ده ممكن يكون ليه أكتر من سبب .. ممكن يكون بلية الكاتينة أو أي بلية تانية .. ولازم تتبع الصوت طالع منين بالظبط لتحديد السبب .

3. صوت صفارة جامدة عند الضغط على الفرامل
تيل الفرامل وحش .. ومعظم اللي في السوق كدة لسوء الخامات المستخدمة .. وطالما العربية بتقفش مع الفرامل يبقى مفيش مشكلة كبيرة .. ويمكن التعايش معها بتنظيف الطنابير وصنفرة التيل كل فترة .. بس الأصوات حترجع تاني بعد شوية

4. الفرامل بتمسك فى الحنب الشمال فقط وبتعرض منى لو ماشى على سرعات عالية ودوست فرامل جامد
القصة دي خطر جداً ولازم تشوفها في أقرب فرصة .. والسبب فيها أن الماستر الفرعي في الجانب الأيمن فيه مشكلة ولازم يتغير أو يتركب ليه طقم إصلاح .

5. بسمع صوت طقة جامدة من قدام عند الفرملة ( بتاع الزوايا قالى كاوتشات الميزان عايزة تتغير وافحص جلب المقصات وقاعدة الموتور وقاعدة الفتيس )
ده احتمال وارد .. واحتمال تاني بص على الركب في الحوض ممكن تكون عاوزة لحام .. وممكن برضه المشكلة تكون في قواعد الموتور أو الشداد .

6. العربية بتحدف يمين وانا ماشى بس بعد فترة من ترك الدريسكيون ( ملحوظة العجلة اليمين مرحلة للخارج حوالى 1 سم تم عمل ضبط زوايا اكثر من مرة ويقولولى كل 128 كده المهم الزوايا تكون مظبوطة )
علشان تخلص من المشكلة دي بشكل نهائي .. العربية يتعمل ليها زرجينة علشان تظبط المقاسات من فوق ومن تحت في الحوض .. وطبعاً مش كل ال128 كدة .

7. الموتور صوته عالى جدا و ظهور رجة فى الدريكسيون اثناء التدوير صباحا
صوت الموتور العالي ده مع المشي وبعد ما العربية بتسخن ولا في المجمل .. والرجة اللي في الدركسيون دي سببها أن العمود الواصل بين الدركسيون وعلبة الدركسيون ومن ضمنها القطمة مش محكمة كويس .. وكمان تظبيط كهرباء السيارة بيفرق في الرجة دي وكمان الصوت .

8. الفتيس بيعلق ساعات مع الاول والثالث ومع المرشيدير والرابع بيبت بصعوبة شوية وكمان الفتيس بيتحرك لما ارفع رجلى من على دواسة البنزين او الدبرياج وهى على اى غيار وخصوصا الثانى
قصد حضرتك عصاية الفتيس مش الفتيس نفسه .. ودي عاوزة تغيير لـ (معلقة) الفتيس .. حتظبط معاك الحارات بتاعة الغيارات وكمان الهزة اللي في العصاية .. وبالمرة أعمل حشو لعصاية الفتيس للزيادة في الإحكام للعصاية

9. ساعات بشم ريحة بنزين ومرة واحدة نتشت جامد منى وانا ماشى على التالت والرابع
أعتقد أن دي كلها مشاكل في الكربراتير .. سواء تسريب منه أو تسريب من الخراطيم الواصلة ليه .. والنتشه دي من الكهربا

10. صوت من الشكمان شبه الطلقات لما انقل على الغيار الثالث واكبس بنزين
الصوت ده يطلق عليه مجازاً "مدافع" وده سببه أن فيه بوجية قاطع ومحتاج تشوف المشكلة فين بالظبط سواء تركب حاجة اسمها كراسي في مكان تركيب البوجيهات أو الموتور نفسه مش مظبوط .

11. الدريكسون بيرعش جامد مع السرعات العالية عند 80 كم بالتحديد وكمان لما بعدى 90 كم العربية مبتبقاش متزنه يعنى قالقيها بتتمرجح يمين وشمال بس وهى ماشية فى خط مستقيم
رعشة الدركسيون دي سببها الترصيص .. والمرجحة يمين وشمال دي ممكن تكون من الميزان أو المساعدين مش كويسة.

انا عارف انى طولت اوى عليكم بس اعذرونى
منتظر نصائحكم

معلش كنت عاوز أسأل حضرتك .. هل دي أول عربية ليك .. ومدى خبرتك في العربيات أيه؟! وأنت اشتريت العربية دي ولا حد اشترهالك .

نصيحة أخوية أبعد عن طقم الصنايعية اللي بتتعامل معاهم لأنهم شكلهم مش بيفهموا كويس .. حاول تسأل عن ناس تانية يكونوا أحسن من كدة .

العربية أعتقد أنها محتاجة مصاريف شوية .. بس ده النصيب .. حاول تظبط فيها واحدة واحدة لحد ما تظبط كلها إن شاء الله .

[refath]

معلش كنت عاوز أسأل حضرتك .. هل دي أول عربية ليك .. ومدى خبرتك في العربيات أيه؟! وأنت اشتريت العربية دي ولا حد اشترهالك .

نصيحة أخوية أبعد عن طقم الصنايعية اللي بتتعامل معاهم لأنهم شكلهم مش بيفهموا كويس .. حاول تسأل عن ناس تانية يكونوا أحسن من كدة .

العربية أعتقد أنها محتاجة مصاريف شوية .. بس ده النصيب .. حاول تظبط فيها واحدة واحدة لحد ما تظبط كلها إن شاء الله .

الف الف شكر على ردك
دى فعلا اول عربية ليا ومعنديش اى خبرة سابقة فى العربيات وكان فى حد معايا وانا بشتريها بس منه لله

إلا إذا كنت مغيرتش الأبلاتين والكوندنسر

فعلا انا مغيرتش الابلاتين والكوندنسر

ولازم تتبع الصوت طالع منين بالظبط لتحديد السبب .

الصوت طالع من ناحية الدينامو

العربية يتعمل ليها زرجينة علشان تظبط المقاسات من فوق ومن تحت في الحوض

ممكن حضرتك تحددلى مكان عشان اعمل الزرجينة دى

صوت الموتور العالي ده مع المشي وبعد ما العربية بتسخن ولا في المجمل

الصوت ده فى المجمل

رعشة الدركسيون دي سببها الترصيص

انا روحت اكتر من مرة لبتوع الزوايا ومفيش حد قالى احنا حنرصص
ولا لازم انا اللى اقولهم

[bassem.naguib]

الصوت لو طالع من ناحية الدينامو .. ممكن يكون طالع برضه من ناحية بلية الكاتينة .. لأن الاتنين جنب بعض .. بمعنى أخر لازم ودن تكون خبيرة وتعرف الصوت منين بالظبط .

الزرجينة تعملها عند السمكري .. بس يستحسن أنه يكون مشهود ليه بالكفاءة .. علشان الشغل يطلع مظبوط .. والزرجينة دي علشان تتعمل صح وبالأخص من تحت .. لازم الموتور يتحل .. والسمكري يظبط المقاس من فوق ومن تحت .. بس مش دي المشكلة الأهم دلوقتي ومعتقدتش أن ده وقتها .

بتوع الزوايا لازم تقول ليهم عاوز أرصص العجل (والعجل الأمامي هو المهم).. لأن منهم مبيسألش على أساس أن الزبون فاهم هو عاوز أيه .. وعاوزك برضه تشوف الكاوتش أخباره أيه .. ممكن يكون وحش وهو اللي مسبب المشكلة دي .


أنا رأيي بالنسبة لمشكلة حضرتك .. أنك ترتب الأولويات .. وأول حاجة تعملها تشوف موضوع الفرامل اللي بتمسك في ناحية والتانية مبتمسكش .. لأن دي أهم حاجة .. ويا ريت فوراً


بعد كدة خش على تظبيط كهربا الموتور وظبط الكربراتير .. ولو حضرتك لسه بتسوق جديد .. سيب بقية المشاكل لوقت تاني لحد ما تبقى متمرس في السواقة شوية (سوري في اللفظ لحد ما تروح غشومية تعلم السواقة) وبعدين تعمل المشاكل اللي فيها بالتدريج وعلشان كمان متبقاش المصاريف كتيرة ومرة واحدة .

[refath]

الف شكر على النصايح اخى الكريم
وجارى التنفيذ بإذن الله يوم الجمعه وسابلغك بالنتيجة

[bassem.naguib]

الشكر لله .. وبالتوفيق إن شاء الله

[ahmdmagdy]

الله يكون في عونك العربيه كلها مشاكل ربنا يسهلك الحال و العربيه تتظبط معاك

[mohamed9999]

كل مشاكلك فى ال128 كلنا مرينا بيها و مفيش 128 فى مصر ممرتش عليها المشاكل دى و انت بتتكلم حاسس انك بتتكلم على عربيتى لكن انا ظبطت كل المشاكل دى حتى اسال باسم كده ..................ال11 سؤال دول كلنا سالناهم فى 128

[mohamed9999]

المشكله 1 و 9 تنضيف كربراتير
المشكله 3-4 اكشف على الطنابير و التيل ولو وحشين غيرهم
المشكله 6-11 رصص وظبط زوايا عند حد محترم ولو العربيه فيها جنوط سبور ركبلها رينجات عشان تحبك مع الطنبوره
الماتور صوته عالى كل 128 كده بس لو متاخر ع الزيت غيره وبالنسبة للمارشدين حاول تكشفع العصاية ولو العصايه بسوسته فى المارشدين غيرها بوحده عادية من غير سوسته عشان ام سوسته دى مؤرفه اوى

[refath]

المشكله 1 و 9 تنضيف كربراتير
المشكله 3-4 اكشف على الطنابير و التيل ولو وحشين غيرهم
المشكله 6-11 رصص وظبط زوايا عند حد محترم ولو العربيه فيها جنوط سبور ركبلها رينجات عشان تحبك مع الطنبوره
الماتور صوته عالى كل 128 كده بس لو متاخر ع الزيت غيره وبالنسبة للمارشدين حاول تكشفع العصاية ولو العصايه بسوسته فى المارشدين غيرها بوحده عادية من غير سوسته عشان ام سوسته دى مؤرفه اوى

الفا الف شكر على اهتمامك اخى
بارك الله فيك
النهاردة ان شاء الله حروح للميكانيكى بتاعى وحقوله على الحاجات دى ان شاء الله

[refath]

الحمد لله تم حل جميع المشاكل
المشكلة رقم 1 و 7 و 9 تم حلها بظبط الكربراتير والكهرباء
المشكلة رقم 2 ما زالت موجودة وسببها بنسة 90 % سير الدينامو محتاج يتغير
المشكلة رقم 3 تم حلها بتسليك خرطوم فرامل الكاوتش الامامى شمال
المشكل رقم 4 تم حلها ( وجدنا ان الفرمل الخلفية كانت ملغية فى العربية من الاساس )
المشكلة رقم 5 المشكلة مطلعتش من كاوتش الميزان ( تم تربيط بعض الاجزاء فى القنطرة واجزاء من تحت الدواسات )
المشكلة رقم 6 تم تبديل الكاوتش اليمين بدل الشمال ومازالت المشكلة موجودة بس الحدفة المرة دى شمال
المشكلة رقم 8 تم تغيير المعلقة وتم تركيب سوسته
المشكلة رقم 10 الشكمان كله عايز يتغير بس انا شاكك فى الموضوع ده
المشكلة رقم 11 تم عمل ترصيص للكاوتش الامامى شمال فقط لان جنط الكاوتش الامامى شمال مش نافع خالص واشتريت جنط استعمال

الف الف شكر لكل من ساعدنى فى التخلص من هذه المشاكل

[bassem.naguib]

طيب الحمد لله أنها بقت تمام .. أكتر حاجة تعكنن الواحد أن العربية متبقاش مظبوطة .