لمبة الزيت متورة ومش بتطفي مع اني غيرت الزيت والفلتر

[enayat]

الي الافاضل اعضاء المنتدي
عندي مشكلة في عربيتي 128 موديل 91 وهي
روحت يوم الخميس اشيك عليها واظبطها مع انها كانت فلة وياريتني مارحت
رحت الاول للعفشجي يربط العفشة ويبص علي الكاوتش كله يشحمة ولو حاجه مقطعه يغيرها قالي كله تمام
بعدها طلعت علي الكهربائي يوصل سلك الاشارة الامامي كان مقطوع وبالمرة اغير لمبة الفانوس الامامي يمين المهم ظبط الدنيا ومشيت
بالمرة قلت اعدي علي البنزينة اعمل ترصيص رحت عملت ترصيص وروحت والحمد لله العربية تمام كان الكلام ده الخميس
روحت الجمعه اخر النهار السوبر ماركت اشتري حاجات وروحت وبرضه العربية فلة
قمت الصبح ادور العربية لفت انتباهي
لمبة الزيت بتنور كل مااجي ادوس دبرياج وامور قلت الزيت عاوز تغيير علي ماروحت اغير الزيت كانت اللمبة بتنور بمزاجها مش مرتبطة بموضوع التموير
المهم رحت غيرت الزيت النهارده فضلت اللمبة منورة فغيرت فلتر البنزين اللمبة طفت وقبل مااوصل البيت مفيش دقيقتين نورت تاني فمش عارفه المشكلة فين؟ هل ممكن يكون فيه اسلاك ملمسة فعلا بعد شغل الكهربائي ولو ده فعلا حققي ليه ماظهرش التلميس ده غير بعد يومين وكمان هيا مش بتفضل منورة علي طول دي بتطفي وتنور ارجو سرعة الرد ممن لدية خبرة

[heshamzaky]

دة العادى فى الفيات ال 128 و ال 127 ممكن بس حاجة تكون ملمسة زيارة بسيطة للكهربائى و الدنيا تبقى فلة و المرة دى من غير سجاير هههههه ازيك يا فندم

[enayat]

ههههههههههههه ازيك يااتش اخبارك ايه دايما انت الي ترد عليا والله ماانا عارفه اودي جمايلك دي فين بس الي قلقني في الموضوع انها اول مرة تحصل معايا وانت عارف ان الستات بيحبوا النظام شوية ولو حاجه غريبة حصلت في العربية ولو صغيرة مابيعرفوش يناموا وفي موضوع عطل السيارة ده عمرنا ماهنطالب بالمساواة ابدا الراجل راجل والست ست

[memononos]

تصدقى بالله انا قبل ما ادخل الموضوع عرفت ان عربيتك 128 هههههههههههههه اصل 128 مشاكلها معروفه عموما اللمبه دى حلها غالبا مشكله فى الكهرباء عموما خلى الميكانيكى يغيرلك ترس الزيت هتلاقيه سعره حوالى 13 جنيه

[heshamzaky]

ههههههههههههه ازيك يااتش اخبارك ايه دايما انت الي ترد عليا والله ماانا عارفه اودي جمايلك دي فين بس الي قلقني في الموضوع انها اول مرة تحصل معايا وانت عارف ان الستات بيحبوا النظام شوية ولو حاجه غريبة حصلت في العربية ولو صغيرة مابيعرفوش يناموا وفي موضوع عطل السيارة ده عمرنا ماهنطالب بالمساواة ابدا الراجل راجل والست ست

هههههههه اصل انا عامل زى النحلة على المنتدى لو أصدقائى فى رابطة التمبرا مش متواجدين بلف كدة فى المنتدى و بعدين أول ما شفت الاسم قلت هوبا المرة دة حا تكون بصرة ههههههه بالمناسبة ما هو المنطقة السكنية لكى ممكن أقولك على كهربائى شاطر و رخيص و ممتاز بس فى الزيتون جسر السويس كدة بعيد و لا معقول

[enayat]

هههههههه اصل انا عامل زى النحلة على المنتدى لو أصدقائى فى رابطة التمبرا مش متواجدين بلف كدة فى المنتدى و بعدين أول ما شفت الاسم قلت هوبا المرة دة حا تكون بصرة ههههههه بالمناسبة ما هو المنطقة السكنية لكى ممكن أقولك على كهربائى شاطر و رخيص و ممتاز بس فى الزيتون جسر السويس كدة بعيد و لا معقول

معقول نسيت ان انا مرور المنصورة ؟
طيب يعني كهربائي ولا ميكانيكي يغير ترس الزيت واوعي تقولي الاتنين

[enayat]

تصدقى بالله انا قبل ما ادخل الموضوع عرفت ان عربيتك 128 هههههههههههههه اصل 128 مشاكلها معروفه عموما اللمبه دى حلها غالبا مشكله فى الكهرباء عموما خلى الميكانيكى يغيرلك ترس الزيت هتلاقيه سعره حوالى 13 جنيه

متشكرة جدا ياميمو بس كده هاروح لكهربائي وميكانيكي ولا ايه؟
وان شاء الله بكره الصبح هاروح اشوف الموضوع ده طبعا الصبخ بتاعي الساعه 1 ظهرا وهاقولكم عملت ايه لما ارجع ان شاء اللهعلشان الناس تستفيد

[heshamzaky]

معقول نسيت ان انا مرور المنصورة ؟
طيب يعني كهربائي ولا ميكانيكي يغير ترس الزيت واوعي تقولي الاتنين

أة صحيح معلش الزهايمر بس أنا كنت فاكر ان فية مرور النزهة و العربية هى الى من المنصورة معش السن لة أحكام بقى ههههههههههههه بانسبة لموضوع الترس بجد و الله أنا مش عارف أصل ال 127 مش كدة المشكلة بتبقى أن سلوك الكهرباء مستوية فى حلة بريستو و دايما تقل بأصلها بس الكهربائى ممكن بس ما يكونش قفل على السلوك بشريط لحام عدل يعنى أستخسر يلف السلك كويس مع أن شريط اللحام ب 2 جنية بس هى بخل من الصنايعى شوية

[enayat]

خلاص ان شاء الله بكره كهربائي الاول ولو كله تمام اطلع علي الميكانيكي ولما ارجع ان شاء الله هاقولك عملت ايه
موضوع حلة برستو وحلة استانلس ده انا معرفش غير حلل المطبخ هههههههههههههه
بكره هاكلمك واقولك بالا سلام

[heshamzaky]

خلاص ان شاء الله بكره كهربائي الاول ولو كله تمام اطلع علي الميكانيكي ولما ارجع ان شاء الله هاقولك عملت ايه
موضوع حلة برستو وحلة استانلس ده انا معرفش غير حلل المطبخ هههههههههههههه
بكره هاكلمك واقولك بالا سلام

ان شاء الله كلة تمام و دى حاجة بسيطة جدا مش شغلانة و فى انتظار الاخبار الجيدة

[boamengo]

روحي للكهربائي وخليه يبص على حاجة اسمها بومبة الزيت

تحياتي

[enayat]

اولا متشكرة جدا لردودكم دي والحمد لله المشكلة اتحلت روحت النهارده للكهربائي قالي لا مفيش اسلاك ملمسة طلعت بعدها علي الميكانيكي قالي ساعة الزيت وغيرها والمشكلة اتحلت الحمد لله اشكركم علي الاهتمام وسرعة الرد

[heshamzaky]

اولا متشكرة جدا لردودكم دي والحمد لله المشكلة اتحلت روحت النهارده للكهربائي قالي لا مفيش اسلاك ملمسة طلعت بعدها علي الميكانيكي قالي ساعة الزيت وغيرها والمشكلة اتحلت الحمد لله اشكركم علي الاهتمام وسرعة الرد

كفارة و ان شاء الله تبقى العربية زى الفل و شكرا ههههههه