ياريت تقولولى الحاجات دى معناها ايه فى 128

[bassem.naguib]

كل عام وأنتم جميعاً بخير وفي صحة وسلام

يااااااااااه !!!!! ده انا كده حاغير معاملتى معاها واركز مع الكارينز بقى
ده انا باحط لها زيت شل ابو 98 جنيه وباغيره كل 3000 كم !!!!
كل سنة وانت طيب يا يوكو ..... أخبار ظهرك ايه ...... احسن الحمد لله؟

أنا كمان بحط نفس نوع الزيت ده وعامل ورقة للزيت وسير الكاتينة لأن الاتنين دول أهم حاجة فعلاً لازم تحافظ عليهم في الـ 128 .. أي حاجة تانية بقى ملهاش مقياس معين زي طقم الكهربا .. مبعملش ليها معدل بالكيلو متر (سايبها بالبركة) .. وده راجع لأن ممكن تكون قطع الغيار مش أصلية (مضروبة) .. فلما بتبوظ وتجيب أخرها بغيرها .

إنما اللي بيعمله يوكو ده بصراحة مش عارف أسميه أيه .. ده حسسني أنه كاره العربية .. وبيتعمد يبوظها .. بس سيبك أنت الأوروبي أوروبي برضه حتى لو التكنولوجيا قديمة .

بالعكس العربيات الجديدة البوجيهات تعيش فيها اكتر من القديمة لان العربيات الحديثة نظام الاشعال فيها متطور و كمان حريق موتورها نضيف انما العربيات القديمة تلاقيها بتبخر شوية زيت يقطر عمر البوجيهات

و تغيير الزيت دة اللي بيحكم عمر لموتور

يعني عربية حضرتك بتغير الزيت فيها بعد 10 اضعاف عمرة ماتستناش انها تمشي 100 الف كيلو من غير عمرات

و عربية اختها لو بتحافظ على غيار الزيت و الصيانة و مابتقرصش عليها حاتعمل الضعف لغاية ماتعوز عمرة

أعتقد أن نظام الاشعال في الـ 128 واحد سواء قديم أو جديد لا متطور ولا دياولو .. وفعلاً الزيت هو روح الموتور

[yoko]

إنما اللي بيعمله يوكو ده بصراحة مش عارف أسميه أيه :l_bhuhhh[1]: .. ده حسسني أنه كاره العربية .. وبيتعمد يبوظها .. بس سيبك أنت الأوروبي أوروبي برضه حتى لو التكنولوجيا قديمة .

أصلا الي حصل ده كان صدفة بحته أختي أخدت العربيه 3 سنين ولما جيت أخدها منها قلتلها بتعمللها صيانة وكده قالتلي طبعا المهم بعدها ب6 شهور جيت أغير زيت ملقتش زين في الموتور كان بينزل كتل من الطين (كتل مش زيت) وهي دي الحكايه أما وش السلندر فده لإني ركبتها بعد اللينيا وكنت متعود على الجري ومراعتش إنها أكبر مني سننا ولازم أحترمها عشان متهزقنيش

[Adham]

أعتقد أن نظام الاشعال في الـ 128 واحد سواء قديم أو جديد لا متطور ولا دياولو .. وفعلاً الزيت هو روح الموتور [/quote]


انا مش باتكلم عن نظام اشعال ال128 القديم و الجديد

انا باتكلم عن نظام الاشعال في ال 128 بابلاتين و كوندنسر و نظام الاشعال الالكتروني في السيارات الحديثة بدون اسبراتير و من خلال كويلات و حساس كامة و حساس كرنك (بالكمبيوتر) و لاحظ ان السيارات الحديثة كتالوجها بيقول تغيير البوجيهات بعد كام كيلو وقارنة بموعد تغيير البوجيهات في ال 128 و ستجد انة الضعف

[bassem.naguib]

أصلا الي حصل ده كان صدفة بحته أختي أخدت العربيه 3 سنين ولما جيت أخدها منها قلتلها بتعمللها صيانة وكده قالتلي طبعا المهم بعدها ب6 شهور جيت أغير زيت ملقتش زين في الموتور كان بينزل كتل من الطين (كتل مش زيت) وهي دي الحكايه أما وش السلندر فده لإني ركبتها بعد اللينيا وكنت متعود على الجري ومراعتش إنها أكبر مني سننا ولازم أحترمها عشان متهزقنيش

والله عربية أصيلة .. لو ماركة غيرها حتى لو موديل السنة .. كانت طلعت لسانها .. بس للأسف الافتقاد للتكنولوجيا (التكييف والباور ..... إلخ) بيخليها كدة خلاص شكراً وتعظيم سلام على الأداء في السنين اللي فاتت

أعتقد أن نظام الاشعال في الـ 128 واحد سواء قديم أو جديد لا متطور ولا دياولو .. وفعلاً الزيت هو روح الموتور

انا مش باتكلم عن نظام اشعال ال128 القديم و الجديد

انا باتكلم عن نظام الاشعال في ال 128 بابلاتين و كوندنسر و نظام الاشعال الالكتروني في السيارات الحديثة بدون اسبراتير و من خلال كويلات و حساس كامة و حساس كرنك (بالكمبيوتر) و لاحظ ان السيارات الحديثة كتالوجها بيقول تغيير البوجيهات بعد كام كيلو وقارنة بموعد تغيير البوجيهات في ال 128 و ستجد انة الضعف[/QUOTE]

طبيعي جداً الكلام ده .. ومش نظام الاشعال فقط .. ده نظام التبريد ونظام التعليق والعفشة ... إلخ فيه فرق تكنولوجيا أكتر من 20 سنة .. كتر خير الدنيا .. ولعلمك مش حتلاقي عربيات 128 في الشرق الأوسط كله إلا في مصر

[Adham]

[size=5][color=darkred][b]
طبيعي جداً الكلام ده .. ومش نظام الاشعال فقط .. ده نظام التبريد ونظام التعليق والعفشة ... إلخ فيه فرق تكنولوجيا أكتر من 20 سنة .. كتر خير الدنيا :b4_556:.. ولعلمك مش حتلاقي عربيات 128 في الشرق الأوسط كله إلا في مصر

متهيألي في العالم كلة مش في الشرق الاوسط بس

العربية اصلا بالكتير موجودة في بعض دول اوروبا بأعداد قليلة و نادرة