رجااااااااااء الافاده فيات 125

[keko]

السؤال ببساطة العربية دى كويسة ولا وحشة ؟

انا معايا فيات 125 ستيشن بولندى 1981 1500cc كامة واحدة المشكلة فى 3 حاجات
1 - انا شبه ماسوقتش عربيات غير عربيتى فحاجات كتير معرفش العيب منها ولا القديم كده
2 - بما اننى مستجد فحاجات كتير مبكونش عارف العيب من العربية ولا من الصنايعى عند تكرار العيب
3 - صاحبها القديم كان مهمل جدا وسايب رفايع كتير مش غالية بس بجد حوالى 200 حاجة قعدت اعمل فيهمكتير ولسه ماخلصتش زى فلتر البنزين طبلة بتعلق والخ غير طبعا العلام مع الصنايعية مش ببلاش يعنى مثلا مغير عفشة فى الكامل وماحستش انى عامل حاجه وعايزة تتعمل تانى عند واحد له ضمير
النقطة دلوقتى ان العربية فيها بعض ميزات
1- صالونها واسع بدرجة ملحوظة بنركب 6 على الكراسى و عيلين تلاتة ورا مرتاح !!
2- الستيشن شبه تحت الطلب بس بجيب بضاعة المحل عندى فيها وبتشييييل ماشاء الله
بس عيوبها
1- الكرونة مش قوى فممكن خلال سنة تحتاج كرونة بحوالى 1000 جنيه (دفرانس كامل )
2- عايزة شغل سمكرة كتير وبالمرة دوكو
3 - التابلوه رايح والفرش مهلهل عايزة سروجى
فيه حاجة مش عارف عيب فى العربية ولا من العفشة الوحشة بس بتميل جامد فى الملفات على سرعات والمطبات بحس انى راكب حديده

اهم حاجة انا عايز اعرف هل العربية فيها عيب اساسى (ديل الكلب ماينعدل ) زى مثلا كل الفيليشيا بتسخن او 128 الكبالن بتبوظ على طول مش الحاجات اللى تخص الاستعمال (طبيعة عربية ) زى 132 بتاكل بنزين و اللادا خشنة
فيه حاجة ميكانيكى قاللى عليها انها على ركب وده عيب انا معرفش ايه الركب وبتاثر فى ايه
من الااااااااااااااخر انا مرتاح للعربية وهى مش مريحانى فلو ربنا كرمنى بقرشين اظبطها احسن ولا اقلبها و اجيب 2105 او 132

---------------------------------------------

[abdelmessih67]

اهلا بالاخ الفاضل كيكو

اهم حاجة انا عايز اعرف هل العربية فيها عيب اساسى (ديل الكلب ماينعدل ) زى مثلا كل الفيليشيا بتسخن او 128 الكبالن بتبوظ على طول مش الحاجات اللى تخص الاستعمال (طبيعة عربية ) زى 132 بتاكل بنزين و اللادا خشنة
فيه حاجة ميكانيكى قاللى عليها انها على ركب وده عيب انا معرفش ايه الركب وبتاثر فى ايه
من الااااااااااااااخر انا مرتاح للعربية وهى مش مريحانى فلو ربنا كرمنى بقرشين اظبطها احسن ولا اقلبها و اجيب 2105 او 132

أنا كان عندنا 125 بولندي تجميع النصر للسيارات مو 1977 و ظلت معنا 32 عاما قدتها فيهم مع الوالد رحمه الله و بعد وفاته 19 عاما متواصلة و بالتالي انا اعرفها جيدا .

العربية اولا كويسة جدا كقوة تحمل و ثبات لكن فيها أغلب العيوب التي ذكرتها باستثناء طبعا الكبالن لانها أصلا غير موجودة فيها السخونة عالية لكن بيتم حلها عن طريق تغيير الرادياتير بواحد نحاس أكبر و يا حبذا يكون 3 عين لان الاصلي الفابريكة عندنا كان 2 عين و كانت بتسخن جامد و بالذات بالصيف .

العربية بتاكل بنزين كثير تقريبا زي ال 132 2000 و كانت بتعمل 125 كيلو في الصفيحة و لما عملنا عمرة موتور بقت بتعمل 145 أو 150 في الصفيحة كما أنها خشنة و ثقيلة .

بالنسبة لقطع الغيار للأسف فعلا و عن تجربة لم يعد لها قطع غيار اصلية أنا كنت بأدور على قطع غيار لها بولندي و لا أجد
أغلب قطع غيارها يا أما مصري زي الرادياتير و أكواع المياه يا أما تركي يا أما صيني و الحاجة الوحيدة اللي لقيتها أصلي كانت الدينامو و كان بواقي عند فيات 2000 و بعد كده واحد صاحبي بعدها بفترة أراد يشتريه و راح لفيات 2000 فلم يجده
و داخ عليه و اللي بيتعمل في الحالة دي هو تركيب قطع غيار من موديلات ثانية و فبركتها لتتماشى مع ال 125 .

يعني ممكن فك الدينامو و تغيير البوبينة بواحدة مصري , ممكن تفك الاتوماتيك مثلا من المارش و تصلحه او تركيب أوتوماتيك من موديل ثاني , الرادياتير أنا ركبته 3 عين و مصري صناعة ترياق عيد و هكذا و هذا للأسف يجعل أعطال السيارة كثيرة خاصة لو كان التحميل عليها جامد و سفريات كثيرة .

في مشكلة بالنسبة لل 125 أنه بعد مشروع تخريد التاكسيات القديمة و كان نسبة كبيرة منهم 125 أن تواجد السيارة بالشارع سيقل و بالتالي ستقل معها قطع غيارها بالاضافة الى أنها غير اصلية .

بالنسبة للتغيير أنا في رأيي جرب تمشي بها سنة او اكثر و شوف هترتاح و الا لأ و تعامل مع أعطالها و بعدها قرر

[keko]

بص ياباشا انا بدات فيها خلاص ياريت تساعدنى بخبرتك فيها
ركبت رادتير 3 المانى - غيرت عمود كردان - كشفت على الكرونة والحمد لله طلعت شغاله بس بالنسبة للعفشة رحت كشفت وغيرت شوية حاجات بسيطه وبيقولى كويسة بس مش عاجبانى ناشفة فى المطبات والدركسيون ناشف قلت اغير العلبة بواحده يابانى الميكانيكى قاللى بلاش عك عموما ايه موضوع الركب ده وايه اللى ممكن اعمله يخلى العربية انعم عفشة و دركسيون ؟

[abdelmessih67]

أهلا بالاخ الفاضل كيكو

كيف حالك أرجو ان تكون بخير

بص ياباشا انا بدات فيها خلاص ياريت تساعدنى بخبرتك فيها
ركبت رادتير 3 المانى - غيرت عمود كردان - كشفت على الكرونة والحمد لله طلعت شغاله بس بالنسبة للعفشة رحت كشفت وغيرت شوية حاجات بسيطه وبيقولى كويسة بس مش عاجبانى ناشفة فى المطبات والدركسيون ناشف قلت اغير العلبة بواحده يابانى الميكانيكى قاللى بلاش عك عموما ايه موضوع الركب ده وايه اللى ممكن اعمله يخلى العربية انعم عفشة و دركسيون ؟

تغيير الرادياتير ل 3 عين خطوة جيدة ستساعد مع ضبط الموتور طبعا لوكان عايز عمرة أو نصف عمرة على القضاء على مشكلة السخون لكن انها ناشفة في المطبات فدي مالهاش حل لانه حسب معلوماتي أن التعليق في العربيات القديمة لم يكن تعليق حر بمعنى ان كل عجلة مرتبطة بالعجلة المجاورة لها على عكس العربيات الحديثة كل عجلة منفصلة و معلقة لوحدة و فيها مساعد مربوط بالطنابير و سوستة منفصلة لكل عجلة مما يجعلها ناعمة و مريحة في المطبات لان كل عجلة بتمتص المطب
التي تتعرض له وحدها دون ان تؤثر على باقي العجلات .

العربيات الحديثة انعم بسبب نظام التعليق الحر و القديم و خاصة ال 125 خشن و تقيل في المطبات و كمان خشن في الدركسيون و تغيير العلبة أو تصليحها مش هيفرق كثير .

أنا حسيت بالفارق الكبير لما اشتريت التمبرا باور و تعليق منفصل حسيت فعلا بفارق كبير في النعمومة و الليونة في استقبال المطبات .

أنا مع الميكانيكي بتاعك في رأيه لا داعي للتغيير الكثير في العربية و ركب كل حاجة زي الفابريكة دون تعديل أي شئ او تعديله لانه سيسبب مشاكل كثيرة .

بالمناسبة يا أخ كيكو ممكن توضح لي ما هو موضوع الركب ده هل المقصود به رفع السست الخلفية ؟؟؟؟؟؟؟؟ لان أنا يهيئ الوالد رحمه الله عمل الموضوع ده من فترة طويلة قبل وفاته بس كان علشان الشكمان كان بيخبط في أرضية السيارة مش علشان النعومة في المطبات .

ربنا يوفقك .

[keko]

بالنسبه للجكمان غيرته وده وطى صوت العربية شويه و الفتيس فيها واحد 6 غيار بولونيز معتقدش محتاج اغيره اما الكرونه والمكنة فالميكانيكى جربها وقاللى الحمد لله كويسين وموضوع الركب انا عايز اعرفه علشان مش فاهمه (بقينا اتنين ) واما العفشه انا معاك ان العربيات القديمة ناشفة ولكن مع الاهتمام وصنايعى كويس بتختلف كتير انا شفت 124 ماشيه ملبن الحاجه اللى انا محتاج اعرفها دللوقتى ايه مقاس التابلوه اللى ممكن يركب عليها من الموديلات الحديثة ؟؟
مثلا انا اعرف كذا واحد مركب تابلوه اوبل كورسا على ال128 وبيركب من غير اى تعديل وخالى معاه بولونيز جبت له تابلوه بولونيز مو97 باشا المهم بالنسبةلل125 عايز اعرف النوع اللى ممكن يركب من غير ما يحتاج قص او تعديل .
انا سمعت ناس مركبه تابلوه لانوس على 125 بس معرفش عدل ولا لا وسمعت ان شاسيه بولونيز نفس 125 بس معرفش بوضه مقاس التابلوه ايه فرجاء من اهل الخبرة الافاده

[abdelmessih67]

أهلا بالاخ كيكيو كيف حالك

بوخالى معاه بولونيز جبت له تابلوه بولونيز مو97 باشا المهم بالنسبةلل125 عايز اعرف النوع اللى ممكن يركب من غير ما يحتاج قص او تعديل .
انا سمعت ناس مركبه تابلوه لانوس على 125 بس معرفش عدل ولا لا وسمعت ان شاسيه بولونيز نفس 125 بس معرفش بوضه مقاس التابلوه ايه فرجاء من اهل الخبرة الافاده

البولونيز هي هي ال 125 و من انتاج نفس المصنع و نفس الشاسيه و الموتور و العفشة لهذا ممكن ( و لو اني غير متأكد ) أن تابلوه البولونيز بيركب عليها و جرب كمان تابلوه اللادا لان غالبا عرضه أقل من ال 125 و بالتالي هيركب بدون قص و لأو أني
مش من انصار تركيب حاجة من موديل على موديل لانه بيعطي انطباع ان العربية ملعوب فيها و مش زي الفبريكة و بالتالي
بيقلل في ثمنها عند اعادة البيع .

[ahmdmagdy]

انا في رأي انك ممكن تشد التابلوه القديم جلد هيبقي احسن من انك تشتري تابلوه بتاع عربيه تانيه

[keko]

انا فكرت اشده جلد او ارشه بس التابلوه شكله اساسا غبى شوية والعدادات كئيييبة ومافيهاش ار بى ام غير مثلا 127 عداده حلو ولو عملت شغل التابلوه يبان معاك