دفندر للايفو !!!؟؟؟

[onz]

ممكن يا جماعة اركب دفندر للايفو
و لو ممكن اجيبه منين من التوكيل ولا من بره و هل بيتم ترخيصه ؟؟؟
و هيبقي سعره كام ( كنت عاوز دفندر امامي و خلفي )

[yoko]

ده لو وقفت بيه في لجنه قضية أمن دولة وهتتسحب العربيه ومستحيل ترخصة!!!

[onz]

ده لو وقفت بيه في لجنه قضية أمن دولة وهتتسحب العربيه ومستحيل ترخصة!!!

اه يا عم ده كله
للدرجة دي ممنــــــــــــــوع
حتي لو كان فبريكة مع العربية ( انا عارف ان الكلام ده مش في الايفو طبعا ) عمومــــــــا يعني

[Moe86]

ديفندر فى الايفو ؟ حرام عليك هاتبوظ شكلها خالص
قضية أمن دولة ؟! طب ليه بشوفه متركب فى ماتريكس كتير لحد دلوقتى ؟

[تامر.محمد]

ده لو وقفت بيه في لجنه قضية أمن دولة وهتتسحب العربيه ومستحيل ترخصة!!!

انا عارف انه ممنوع
بس انا باشوفه في عربيات كتير جدا , اغلب ال 4x4 و خد عندك الفيتارا و الشيروكي و الجالوبر , و مؤخرا التيجو و ال113 بتوع سبيرانزا و طبعا الماتريكس , و غيرهم و غيرهم و غيرهم ...

كل ده ازاي ؟

[yoko]

انا عارف انه ممنوع
بس انا باشوفه في عربيات كتير جدا , اغلب ال 4x4 و خد عندك الفيتارا و الشيروكي و الجالوبر , و مؤخرا التيجو و ال113 بتوع سبيرانزا و طبعا الماتريكس , و غيرهم و غيرهم و غيرهم ...

كل ده ازاي ؟

لو مش نازله فبريكة قضيه أمن دوله لو وقفت في لجنه والي بيبقوا مركبنها بيبقى ليهم ناس يحولوا المخالفة لبروز في العربيه وخلاص عشان ميتعملوش قضية

أصل سائل فيها لواء شرطة وعميد في أمن الدولة

[Ghamrawy]

لا ده تهويل
شكلها كده فشره ما تصدقهمش
لا امن دولة و لا غيروه
دى تبقى ناس فاضية على اساس انى بالدفيندر ده حاقتحم مقر الجيش الثانى الميدانى او قصر عابدين مثلا

و على كده يبقى الفيميه و الرووف راك امن دولة هو كمان على اساس انه مش نازل فى ترخيص العربية

هو بس الفكرة ان العربية حايبقى شكلها وحش جدا و بيئة كمان بالاضافة انه حايزود وزن على عربية 77 حصان مش ناقصة

[yoko]

لا ده تهويل
شكلها كده فشره ما تصدقهمش
لا امن دولة و لا غيروه
دى تبقى ناس فاضية على اساس انى بالدفيندر ده حاقتحم مقر الجيش الثانى الميدانى او قصر عابدين مثلا

و على كده يبقى الفيميه و الرووف راك امن دولة هو كمان على اساس انه مش نازل فى ترخيص العربية

هو بس الفكرة ان العربية حايبقى شكلها وحش جدا و بيئة كمان بالاضافة انه حايزود وزن على عربية 77 حصان مش ناقصة

لأ مش تهويل وخالي كان هيتعمله قضية أمن دوله عشان إتمسك على الصرحراوي ماشي 180 وعرفت بعديها إن فوق ال160 أمن دوله ولولا الوسايط كانت إتحجز فيها!

[amrseba]

يا جماعه انا شوفت تريوس مركبه وكمان المرور مركبله النمر فيها و خارم النمر من النص مش من الفتحات بتعتها و بالمسامير بتاع المرور يبقى المرور هو الى عامله و عادى كل حاجه بتمشى فى مصر انا فى التيوتا كان فيها فاميه فضى فى الازاز الخلفى و عده فى الفحص اصلا عشان معمول بطريقه لازم ابوظ الازاز وانا بشيله بس ربنا ستر ووقعنى فى راجل جدع

[yoko]

يا جماعه انا شوفت تريوس مركبه وكمان المرور مركبله النمر فيها و خارم النمر من النص مش من الفتحات بتعتها و بالمسامير بتاع المرور يبقى المرور هو الى عامله و عادى كل حاجه بتمشى فى مصر انا فى التيوتا كان فيها فاميه فضى فى الازاز الخلفى و عده فى الفحص اصلا عشان معمول بطريقه لازم ابوظ الازاز وانا بشيله بس ربنا ستر ووقعنى فى راجل جدع

هتلاقيه رتبه ولا حاجة لكن مبيتثبتش على الرخصة

[theking2690]

لأ مش امن دوله ولا حاجه انا كنت مركبه وشيلته هما بياخدوا مخالفه عليه امن ومتانه بس و بعدين تكيش 50 جنيه وانت واقف فى الكمين وتمشى وشيلته بعد ام اتخنقت من الموضوع ده

[onz]

لأ مش امن دوله ولا حاجه انا كنت مركبه وشيلته هما بياخدوا مخالفه عليه امن ومتانه بس و بعدين تكيش 50 جنيه وانت واقف فى الكمين وتمشى وشيلته بعد ام اتخنقت من الموضوع ده

يعني برده الكلام ده مليان مشاكل لا غني عنها
فاكرتني قبل كدة كنت حاطيت استيكر في الازاز الادام و دخلت كمين
قالي ( امين شرطة ) مخالفة ملصقات و اشتغلي فيها - كيشتله 10 جنية و المسائلة خلصت و الحمد لله
وبرده ماشلتش الاستيكر لحد دلوقتي .,..............

[sherifahmed]

يعنى معلش يعنى
الدفيندر دا بيتركب فى الدول اللى فيها غابات و اعربيات الدفع الرباعى عشان يعرف يمشى
انما فى مصر اى حد بيركبوا عشان يحمى عربيتو و توظ فى عربيات الناس
دا غير ان لو خبط بيه واحد بيموت على طول لانه بياخدوا تحت العربية عكس جسم العربية الاصلى اللى بيبأه انسيابى عشان يبب اقل ضررر للمشاه

[azmeralda]

طب ايه احسن شكل اكصدامات ليها وخصوصا الخلفى لأن عربيات البوكس مستقصدانى

وياريت صور

[yoko]

لأ مش امن دوله ولا حاجه انا كنت مركبه وشيلته هما بياخدوا مخالفه عليه امن ومتانه بس و بعدين تكيش 50 جنيه وانت واقف فى الكمين وتمشى وشيلته بعد ام اتخنقت من الموضوع ده

ده قبل ولا بعد القانون الجديد؟
ولو كده يبقى كان بيشتغلوني أو يكون كلمهم صح بس مبيطبقش