سؤال بشأن البونتو كلاسيك

[peter123]

أنا أريد شراء سيارة هاتشباك بحدود 70 ألف و لهذا قررت شراء البونتو كلاسيك و لدى اسئلة هامة فارجو المساعدة يا اخوة

1-هل هي سيارة قوية بمعنى اخر هل يمكنها السفر على الطريق الصحراوي؟

2-مدى قوة السيارة اذا حدث اي حادث لا قدر الله هل انا انتهيت ام هناك امل بنجاتي ؟
3-هل قطع غيارها مكلفة ام لا؟

3-مدى ثبات السيارة مقارنة بالسيارات الهاتشباك الاخرى؟

[yoko]

1نعم
2العربيه واخده 4 نجوم في إختبار السلامة وفيها إيرباج!!!
3مكلفة
4ثابته جدا بالنسبة لفئتها

[Dr.A.Nabil]

قطع الغيار مش مكلفه اوي مقارنه بالعربيات الجديده التانيه...

انا باسافر بيها اسكندريه..وفي مره ضربت المشوار للاسكندريه اجيب حاجه ورجعت تاني في ساعتها...وماشي على 120 كم ومشغل التكييف وبسم الله ما شاء الله

الله ينور

[SharpArrow]

بصراحة انا سافرت 5 ايام الساحل و كان معايا اهل مراتي انا في الكيلو 76 و هم في قرية تانية في الكيلو 107
المهم انا فولت و انا قبل ما امسك الطريق
و كنت كل يوم بروح 30 كم رايح و 30 راجع من القرية للقرية عشان نقضي اليوم معاهم مفيش غير يوم واحد بس اللى قضيته في القرية اللى انا كنت قاعد فيها
و كمان كنت مشغل التكييف
بامانة و بجد انا مفولتش تاني غير و انا راجع و كانت قبل ما افول كان فيها مش اقل من 8 ل 10 لتر

طبعا انا مكنتش بحرق نهائيا لو حرقت مش هتعمل المعدل الجامد ده هيبقى اقل

بس طبعا ده اكتر من ممتاز الحمد لله

[SharpArrow]

قطع الغيار في التوكيل مبالغ فيها جدا
انما بره التوكيل معقولة اوي
انا اشتريت ديسكات للعربية ب 380 جنيه انما في التوكيل هي هي ب 1000 جنيه
ممكن يكون ده ايطالي و دي برازيلي مثلا بس الاتنين اصلي وا لميكانيكي اللى ركب اكدلي
و بعد ما ركبت بيومين و التيل و الديسكات طبعو على بعض لقيت الفرامل زيها زي ما جبت العربية زيرو بالضبط مش فارقة خالص الحمد لله

و كمان سعر الفانوس الامامي الاصلي في التوكيل ب 1500 ج شامل الضريبة
بره هتلاقيه ديبو ب 450 جنيه بس زيه زي الاصلي بيقضي الغرض

و قيس على كده حاجات كتير