jeep 128

[bogyman123]

السلام عليكم
يا جماعة انا شايف ان 128 واطية شوية وخصوصا لما اكون مركب معايا ناس بنسحف بيها
وطبعا مطبات والحفر اللى فى الشارع باخدها كلها فى العربية من تحت وافضل اسمع صوت الحكة واعيــــــــــــــــــــــط وكل ما تحك اعيــــــــــــــــــــــــط وهنيئا لبتوع العفشة
فقررت ان :
اعلى العربية بى شكل كان قدامى كذا احتمال
انى اركب سوست ومساعدين بتوع ريجاتا مثلا
او فى بيقلولى ممكن تحط كوتش تحت المساعدين او تشد السوست

وكنت عايز اعرف رايكم فى هذة المشكلة ؟ بدل ما انا عمال اعيــــــــــــــــــــــــــــــــــــط
:D:D:D:D:D:D:D:D

[hazem_khidr]

لو عملت كده العربيه حتعوم منك و حتسمع فيها اصوات ليها العجب و عمرها ما حتظبط بالوضع دا.
غير المساعدين و اليايات بقطع زيهم و جديده و بتاع ال 128 و لا تسمع كلام ركب مساعدين بيجو و يايات مرسيدس و الكلام العك دا .

[mig44n]

اوعى تعلى العربيه وتغير المساعدين والسوست بمساعدين وسوست لعربيه تانيه.......
انا بيركبو معايا 3 وراء حجمهم متوسط وممكن اتنين حجم كبير وواحد رفيع والعربيه مبتحكش خالص.....
خالى بالك ممكن يكون فيه مشاكل فى المساعدين بتوعك الى وراء علشان كده العربيه بتهبط من اقل حمل عليها...............

[thegoodhacker]

علي فكرة ممكن العربية تكون واطية من ورا نتيجة ان المساعدين الورق -اللي موجودين ورا بعرض العربية - يكونوا ضعفوا و بالتالي العربية بتوطي بسرعة....... انا كان عندي نفس المشكلة في عربيتي ال127 و الراجل بتاع العفشة قالي المساعدين تمام بس لازم ازود ورق ( ده اللفظ الدارج للمساعدين الصلب اللي موجودين ورا بعرض العربية)

[Xpert]

انا بيركبو معايا 3 وراء حجمهم متوسط وممكن اتنين حجم كبير وواحد رفيع والعربيه مبتحكش خالص..............

معندكش واحد حجم عائلي ههععععع :D :D
مش عارف اقولك ايه انا مش دايس في ال 128 .. بس غير المساعدين بجديد و هات يايات تكون اتخن شويه بس نفس الارتفاع و غير اليايات الورق هات واحده تكون اتخن شويه و فيها ورقه اكتر و ان شاء الله يتعدل حالها