مطلوب استشارة ومساعدة من خبراء الفيات

[haroun707]

السلام عليكم ورحمة الله وبركاته

يا جماعه انا محتاج منكم المشورة بجد

انا بدور على عربية بقالى فترة وحالياً لقيت عربية
فيات فلوريدا موديل 2004

ياريت تفيدونى
العربية دى ايه اخبارها من المميزات والعيوب وقطع الغيار والصيانة

[engahmedsamy]

نصيحة مني بلاش
دي عربية من كل فيلم اغتية

[haroun707]

نصيحة مني بلاش
دي عربية من كل فيلم اغتية

اولا احب اشكرك على ردك
وثانيا انا عاوز اعرف عيوبها ايه وايه معنى من كل فيلم اغنية ؟

[abdelmessih67]

أهلا باخ هارون كيف حالك

على حسب معلوماتي , الفلوريدا ليست فيات و انما خليط من أكثر من موديل لفيات يعني شاسيه خاص بفيات تيبو , عفشة أونو
موتور بتاع موديل تاني و هكذا , كما انها تصنيع يوغسلافي من المصنع اللي كان بيصنع ال 128 ال gls اليوغسلافي و هي زي ال 125 البولندي القديمة بتاعتنا , يعني التصميم مأخوذ من فيات مع بعض التعديل لكن التصنيع قلبا و قالبا لا علاقة له بفيات

حتى لو دخلت على موقع فيات او الموسوعة ويكيبيدا لا تجد لها أثر

[heshamzaky]

باشا انا ما شفتش حد الا و قال انها عربية فاشلة ابعد عنها و نصيحتى روك كدة محلات قطع الغيار و شوف اذا قطع الغيار متوفرة و لا لآ و على فكرة الصالون بتاعها خامات الفيبر بة رديئة جدا شوف عربية تانية احسن

[amrseba]

ديه مش فيات يا باشا و حالها زى حال عربيات كتير زى الشاهين و البلونيز

[semsem_uno]

ديه مش فيات يا باشا و حالها زى حال عربيات كتير زى الشاهين و البلونيز

انتا بتقول ايه يبني ديه اوحش بكتييييييييييييير ملهاش علاقة بيهم اصلا
و القطع الخارجية بقي مش موجودة اساسا
شوفلك اونو يا باشا او تمبرا فاضية احسن بس انا افضل اونو لأن هتكون حالتها كويسة بالسعر القليل

و فعلا العربية ديه مش فيات انما يوغوسلافي
و لو حضرتك غاوي الشكل و الحجم ده شوفلك Tipo نفس التمبرا في كل حاجة و لكن بدون شنطة بس برده طويلة كده و عريضة و لكن الأختلاف في الخوارج عدا الأبواب

[haroun707]

يا جماعه والله انا كل يوم بحس بفخر انى عضو فى المنتدى ده
من تكاتف اعضائة وتبادلهم الخبرات والنصائح والمشورة

الف مليون شكر لكل اللى دخل علشان ينصحنى واكيد انا حعمل برأيكم ان شاء الله

[heshamzaky]

ديه مش فيات يا باشا و حالها زى حال عربيات كتير زى الشاهين و البلونيز

يا عمر ههههههههههههههه الشاهين و الله عربية جامدة مش زى ما انت متخيل كدة و قطع غيارها متوفرة و رخيصة و البولونيز انا كنت بجيب بيها 160 مش وحشة كدة بس تقيلة على الارض

[semsem_uno]

منا بردو مش عارف ايه اللي قالو ده كان هينقطني :(
الشاهين حلوة بس مفيش امان و البولونيز ليها تعديلات خفيفة بتخليها حلوة بردو

[amrseba]

الحكايه مش حكايه كده لازم نقول الحقيقه هى جميله الشاهين بس مش فيات و نحاول نوصل كده للناس اه عشان نحسن صوره فيات مش تلاقى واحد يسب ويلعن فى الشاهين وهو فاكرها فيات فى الاخر اه هيا عربيه شغل من الطراز الاول وشغاله تكسيات بس عربيه بدائيه و الله ناقص يقولو لادا تبع فيات

انا بقول لواحد فيات ولا احدى الشركات الكوريه لاقيته بيقولى شوف فيات 128 و 127 و الشاهين و البلونيز و كرلى دسته مش تبع فيات و الناس خدت العربيات انها تبع فيات ليه مع ان العربيات ديه لا عليها المركه ولا اي حاجه و كمان الناس بتقارن عربيات تكنولوجيا 40 سنه بتكنولوجيا مبقلهاش 5 سنين شوف مثلا ال 128 الايطالى بص انا عندى نظريه اى عربيه فيات تقفيل مصرى معلش لحضرتك يا هشام او اى حد معاه عربيه فيات تقفيل مصر سواء 128 او 127 او ريجاتا او حتى تمبرا مش تبع فيات ياعنى واحد يقولى تمبرا 98 ولا 2000 اقوله مش تبع فيات بجد الى ركب الاتنين يعرف الفرق فى الاعطال و التقفيل و الراحه

انا معايا تمبرا 93 ركبت مع واحد تمبرا 2000 ياعنى فرق 7 سنين ولاحاجه و ياعنى عامله كيلو مترات اقل و بتاع مش عايز اقولك زباله بجد فى فرق فى قفله الباب فى التقفيل كبير جدا فى فرق فى النعومه ياعنى حسيت انى راكب مركه تانيه والله و اى حد بيعيب او بيشتم فى فيات اركب الايطالى وبعدين قول الى تقوله بس متجيش تركب المصرى وتقعد تعيب
والله يا باشا صاحبى معاه 128 كان بيشيل فيها شكاير اسمنت فى الكنبه و الشنطه العربيه كان هاريها و موديل 74 ألايطالى والله لو عربيه مصرى مكنتش هتتحمل