النصيحه يا اهل الفيات 131

[HOSAMSAMSOON]

اشكرك يا استاذ حسام و اشكر كل اللى شاركونى الرد ... انا فعلا سألت شويه على الحاجات اللى حضرتك قولت عليها الابواب و الاكسسوارات و كده و فعلا بحسبه بسيطه مع مصنعيه السمكره و الدوكو و العفشه و كمان الفرش ادركت ان العربيه هتفتح منى جامد انا كان نفسى اعمل عربيه زى اللى بشوفها فى الصور او حاجه كده تكون متميزه جدا وده هيكون فعلا مكلف جدا ... لكنى اتشرفت فعلا و استفدت براى حضرتك هحاول اشوف حاجه تانيه تكون مش محتاجه المصاريف دى كلها كمان بفكر و بستخير ربنا كده فى شراء عربيه سيتروين ايه اكس موديل 95 بتاعه والده واحد صاحبى العربيه لسه بحالتها لانها معظم الوقت مركونه و فيها تكييف و سنتر و زجاج كهربا و انا عارف انها سليمه لانهم جيرانى و عارف تاريخ العربيه دى من الزيرو و ده السبب الوحيد اللى خلانى افكر فيها .. عموما انا عارف ان حضرتك متخصص و عالم فى الفيات 131 انما برضه متاكد من خبرتك عامه فى السيارات فارجو المشوره ايضا ولك جزيل الشكر لكل الاخوه الكرام فى المنتدى و كل سنه و انتو بخير

[frame="9 10"]
الحمد لله انى قدرت افيدك
بس خلى الك العربية المعروضة دى كويسة دا للشد
بس طبعا محتاجة فلوس كتير جدا جدا
و 131 ىالابرث احسن شكل فى عربيات 131بعد الشد على الاطلاق

وشد اى عربية حيكلف من فبر و جنوط و كراسى و ابواب و حجات كتير جدا بتحسن من شكل العربية و تكلف لاكن عند البيع بتخسر كل التكلفة دى و البيع مبيعوضش تكلفة الشد ابدا
بالنسبة للستروين

للاسف دى منطقة مقدرش افيدك فيها زى 131
بس المتعارف علية فى شراء اى عربية مستعملة التالى
1- حالة اساسيات العربية
2- حالة الموتور
3-اسعار قطع الغيار الدورية
4- توفر الميكانيكى المتخصص فيها باسعار مقبولة

ربنا يوفقك و اتمنى انى اكون افدك
و اسئلك الدعاء
[/frame]

[HOSAMSAMSOON]

فى منها أوتوماتيك فعلا بينزل فى إيطاليا لل 131 بس 3 سرعات ...

[frame="9 10"]
بارك الله فيك
المعلومة دى جديدة عليا
بس فعلا انى شفت صور ليها اوتوماتك
وعلى فكرة في منها ديزل كمان
موتور 2000&2500
[/frame]