مفيش اخبار يا رجالة عن لينيا الجديدة

[bembodeniro]

كان فيه واحده 2011 فول أوبشن سوداء في التوكيل وإتباعت لواحد هنا في المنتدى (عليكم به -عايز أشوف دم-)
ومستنين تقريرة عن العربيه

ايــــــــــــــــــــــــــــــــــــه يا يوكو انت بتقود الثوره ضدى
والتقرير والله ماليا فيه يعنى مش هاعرف اعمل تقرير زى بتاعك لانى بتاخر فى شغلى وبرجع مهدود ودلوقتى رمضانيعنى صلاه وكده
العربيه بصراحه ماشاء الله سحب تلاقى اتزان على الطريق تلاقى شياكه واوبشن تلاقى
خربشه فى الشنطه تلاقى سرقه الغطاء الوتر بروف تلاقى برضه

[yoko]

معلش وأنا كمان مليش في التقارير أصلا بس مستني تقريرك المصور كمان بس شوفت الناس بتبص إزاي وخصوصا لما تكون ماشي هادي وتجري مرة واحده

[yoko]

وصحيح الغطى بعد ما تحطة تفتح باب العربيه وتحشرة وتقفل الباب

[Medo.Malek]

معلش وأنا كمان مليش في التقارير أصلا بس مستني تقريرك المصور كمان بس شوفت الناس بتبص إزاي وخصوصا لما تكون ماشي هادي وتجري مرة واحده

يا عم بتجرى ولا واقف حتى .. الناس مش بتبطل تبص انا بكون بغسل العربية تحت البيت و الاقى اللى رايح و اللى جاى عمال يبص ببجاحة و واحد فيهم تجرأ و جه اقعد يسألنى على العربية !! و انا بصراحة ما استريحتلوش قمت قافله فى الكلام

[kik]

طيب يا عم ما تقولنا اللينيا الجديدة جبتها ازاي و بكام و مواصفتها عشان الناس بتقول الموديل الجديد لسة منزلش

[yoko]

طيب يا عم ما تقولنا اللينيا الجديدة جبتها ازاي و بكام و مواصفتها عشان الناس بتقول الموديل الجديد لسة منزلش

هي واحده يتيمة كانت في التوكيل

[kik]

طيب اية مو اصفتها و مانيوال و لا اوتو و بكام

[yoko]

مانيوال الفئة ال3 (نفس بتاعت 2009)
السعر لو حب صاحبها يقول يقول لكن أنا مش هينفع أقول

[kik]

شكرا ااااااااااااااا

[damasry]

هى كانت واحدة التوكيل جايبها عشان ينزلها فى معرض اوتوماك اللى فات بس لظروف مقدرش يعرضها، فالتوكيل باعها للعضو الكريم عشان كان عايز العربية وكان زعلان ان التوكيل مش موفر العربية.

وعلى فكرة اللى عايز العربية التوكيل ممكن يبجبها ليك كطلبية خاصة.

[bembodeniro]

طيب يا عم ما تقولنا اللينيا الجديدة جبتها ازاي و بكام و مواصفتها عشان الناس بتقول الموديل الجديد لسة منزلش

انا كنت جبتها عن طريق مستر ماجد مدير اوماترا ودى ايام الايميل اللى اتبعت لايطاليا وبصراحه الناس فى اوماترا اتحسنوا جدا بعد ما مستر ماجد مسكها وفى يوم كنت بكلمه فابساله على الينيا قالى ان فى واحده 2011 كانت جايه للعرض فى اوتوماك وجت بعد المعرض وقالى لو عايز تشوفها روح جسر السويس روحت وخلصتها الحمد لله والعربيه جبتها ب 116000 توب لين الزياده عن العاديه بكروز كنترول و بارك سيسور زى موديل 2009 وبصراحه لو ناوى على لينيا وطبعا انا برشحها بكل قوه عن اى عربيه يبقى تستنى ل يناير وتستاهل لانى كنت هاشتريها فى يناير اللى فات وربنا وفقنى ولاقيت دى صدفه وكنت هاستنى ليناير 2011 لانها تستاهل والاحلى كمان ان فى يناير هينزل منها الاتوماتيك بس السعر الله اعلم واتوقع تغلى 10000 بعد التعريفه الجمركيه الجديده وبصراحه العربيه ماشاء الله جامده جدا وسحبها سريع يعنى فى ثوانى ممكن تلاقى نفسك على 170 وانت مش حاسس ان العربيه بتتهز او هاتطير صوت الموتور عالى سنه بس ده بسبب التربو صوت حلو كده تحب تسمعه لما تشد فى السرعه
وبجد اوماترا دلوقتى فى تحسن مستمر وكفايه ان خدمه ما بعد البيع ماسكها المهندس طارق جبريل راجل فى قمه الاحترام والذوق
من الاخر سيبك من السيراتو او الكروز او اى عربيه تانيه لينيا احسن وتستاهل انك تستنى 3 شهور

[MaZaGAngeE]

من الاخر سيبك من السيراتو او الكروز او اى عربيه تانيه لينيا احسن وتستاهل انك تستنى 3 شهور

هوه ده رأيي برضه و انا مستني من فتره بس ربنا يسهل و تنزل اوتو بسعر معقول

[kik]

تمام يا رجالة نستناها إن شاء الله