استفسار لمالكي الفيات اونو موديل التسعينات

[thegoodhacker]

العربية دي كويسة ولا فيها مشاكل متكررة ؟
وعاوز اعرف ايه اخبار قطع الغيار - يعني قطع الغيار الاصلية موجودة ولا لا ؟ و اسعارها عاملة ازاي ؟ ياريت امثلة للاسعار

[hussein]

العربيه دى ذى الفل كانت معايا 9 سنين بس مش عار اسعار قطع غيارها لأنى بعتها من سنتين
بس قطع غيارها رخيصه وكلها طبعا مضروبه ذى كل سوق العربيات فى مصر
بس انض واحد بتاع قطع غيار الكيلانى اللى ى وسط البلد

[Xpert]

عربيه حلوه .. جو فور ايت ..

[thegoodhacker]

الف شكر لكل من قام بالرد ...... بس يا ريت امثلة لاسعار قطع الغيار

[MEDO80]

احلي عربية ركبتها من حيث الاعتمادية و الصيانة و التوفير و قطع الغيار
بالمناسبة انا معايا فيرنا دلوقتي و كان معايا بيجو 405 و فيليشيا و فيات بانواعها
بصراحة اكتر عربية ريحتني و اشتري منها دماغي بس تكون نضيفة و صيانة كويسة

[hazem_khidr]

ما تقلقش حتلاقي قطع غيار ايطالي و الماني و بولندي وكله نضيف .
عربيه ممتازه بصراحه و تستاهل تمنها

[thegoodhacker]

انا متشكر جدا علي ردودكم ....... بس فيه حد عنده فكرة الفوانيس بتاعتها سعرها كام ؟ و اسعار الاجزاء الميكانيكية زي الاسبيراتير و البوبينة و المساعدين ؟

[MEDO80]

لا بص يا سيدي من سنة و نص تقريبا
الباغات بتاعت الفوانيس الي قدام 20 جنية للواحد و الاشاره ب10
كبالنج زوج ايطالي حوالي350
زوةج مساعدين 400
طقم رومان بيل للعجل 100 جنية بيضا للمقصا امام 90 جنية
تيل بوغاتي ايطالي 60 جنية للرعجل الي قدام
طنابير ايطالي حوالي 250
سلوك اسبراتير 60 جنية تركي بس جامدة جدا
خلي بالك من حاجة مهمة
الاسبراتير الالكتروني بتاعها ( كانت موديل 2000)
صعب الوجود شوية بيتغير كلة مره واحدة بس ما غيرتهوش غير مره واحدة

[unounobebo]

أنا كان معايا أونو موديل 98 ولسة بيعاها من أقل من شهر مش عايزة أقولك إني كنت متضايقة جدا و أنا بأبيعها بس كنت مضطرة علشان كانت من غير تكييف و طبعا ما ينفعش في الجو اللي مصر بقت فية دة عربية من غير تكييف . بصراحة العربة ممتازة أنا كل اللي غيرتة فيها طرمبة المياة ب150 برازيلي و ردياتير برازيلي ب 230 و سير كاتينة و دينامو مش فاكرة و المشط بتاع الكهرباء هو دة اللي ما كنتش بألاقي الاصلي بس بصراحة ما كنتش بأدور في شارع دمشق كنت بأستقرب أي حد في مدينة نصر بس الحاجات التانية دي كلها في شارع دمشق عند السجان و كمان في الكيلاني في وسط البلد . بصلراحة العربية عملية جدا في الركنات و في كل حاجة و ربنا يوفقك للي فية الخير .

[thegoodhacker]

الف شكر يا جماعة علي الردود الوافية