الشاهين

[adel_edrees]

أنا أمتلك سيارة شاهين مو 2001 كان سعرها وقتها 33700 جنيه على الزيرو و أعتقد أنها كانت تمثل أحسن أختيار فى وقتها و قمت بتركيب تكييف ساندن عليها من أول ما أشتريتها السيارة بالنسبة لسعرها وقتها كانت معقولة جدا جدا لكن يجب أن تحدد من الأول أنت عايز عربية رفاهية و ألا عايز صندوق بأربع عجلات بتكلفة معقولة فأنا عندما أركب السيارات الحديثة الأخرى مثل التويوتا كورولا و اللانسر و الأوكتافيا و الرينو ميجان و حتى اللانوس و الفيرنا تكتشف مدى سوء هذه السيارة و ستكتشف أن شركة النصر تبيع عجل أحسن لها أولا السيارة فى فترة الضمان و هى أقل فترة ضمان ممكنة لأى سيارة (خللى الزوزو الزبون يعيش مع نفسه مش هو اللى جالنا و ألا أحنا اللى جرناه و لا مؤاخذة) السيارة فى فترة الضمان يتم تغيير المساعين الأمامى و الخلفى و طبعا لازم تفتح دماغك و ألا ما فيش حاجة حتتغير و الأرضية الموكيت أنا مغيرها فى فترة الضمان خلصنا الضمان وبعدخمس سنين من شرائها أكتشفت ان العفشة باظت (50000كيلو من الأستخدام علىطرق سريعة) و روحت مغير العفشة بالكامل كل حاجة ممكن تتخيلها فى العفشة أنا غيرتها و فى التوكيل المهم ما علينا تيجى تفتح الباب تلاقى غطاء الأكرة الداخلية و قع تيجى تثبته أنسى أنت بتتكلم أزاى و خد عندك بقى الحاجات الصغيرة اللى تحرق الدم تقعد حد وراك يعتبرك بتعاقبه لا هو عارف يفرد رجله و لا عارف يقعد بيقعد بجنب و خد عندك أستهلاك عالى للبنزين بتعمل تقريبا 210 كيلو فى الصفيحة من الأخر عربية تدل على مدى الفوضى التى نعيشها و سمعت أن الأنجشكن بتاعها فى مشاكل ياما حد فك الأكصدام اللى أدام مافيهوش تحته حاجة خالص أبيض ياورد هى بس علشان الصاج بتاعها مافيهوش ألتواءت حد حاول يضغط على الجزء الأوسط من الرفرف الخلفى و الله عربية عجب أنا بأستغرب الناس اللى بتقوللك العربية دى صاجها جامد لا جامد و لا أحزنون (ملحوظة عربيتى مازالت بدوكو الفابريقة) كان عندنا عربية بيجو 304 مو 1977 لاحظ فارق السنوات تخش وتشغل الأضاءة من ذراع واحد فقط ألم تنتبه شركة توفاس الى هذه التقنية المتقدمة ألا فى سنة 2003 عندما غيروا التابلوه
أنا سمعت أنها بقت ب 58000 ألف نفسى أشوف المجنون اللى بيشتريها بالسعر ده و أمشى وراه و أقول عواد أشترى شاهين ياولاد شوفوا طوله و عرضه ياولاد يالا ياشباب عليكم وعلى الشاهين دى عربية ممتازة !!!!!!!!!!!!!!!!!!!!!!!!!!!!!!!!!

[Xpert]

انت قولتها .. قرر انت عاوز تشتري عربيه رفاهيه ولا بوكس باربع عجلات .. و لاءن معظمنا هنا في مصر عاوز بوكس باربع عجلات للخدمه الشاقه (الخدمه الشاقه لانها انشف من الكوري .. و في نفس الوقت وش الفانوس ب 10 جنيه و الاشاره ب 8 جنيه و مشي حالك ..) .. انما انا شخصياً مابركبس غير بي ام موديلات لحد 1995 . عشان العربيات دي برضه خدمه شاقه ... هيا قطع غيارها غاليه شويه انما بتعيش ;)

[فادى]

حضرتك متحيز للغاية.
أنا معايا شاهين 1600 موديل 2006 العربية سعرها كان 68 ألف بالتمام و الكمال يعنى أغلى من القيرنا 62 ألف و اللانوس حوالى 55 ألف على ما أذكر وقتها, و قررت شرائها و لم أندم لما سمعته عن مشاكل الفيرنا, و اللانوس و أدائها الفقير جدا, و لما سقت بعدها لانسر 1600 اوتوماتيك, عرفت فعلا انى راكب عربية محترمة جدا, فى الأداء الرجولى و متعة القيادة و الثبات, و لم أجد أى ميزة تحسب للانسر سوى التكييف فقط!
و لا تنسى أنها مزودة بتقنية الدفع الخلفى التى لا تجدها حاليا الا فى سيارات مرسيدس و بى ام فى.
و مش أى ميكانيكى و لا بتاع زوايا يقولك غير مش عارف ايه فى العفشة تروح تغيره, لأنه بيبقى عايز يتفلسف و خلاص, و لازم يطلعلك القطط الفطسانة فى عربيتك.
و اذا كانت الشاهين تنتمى للمدرسة الايطالية حاملة لواء القيادة الرياضية الخشنة (ارتفاع صوت المحرك, نسب علبة التروس القصيرة, قسوة التعليق, وضعية القيادة المائلة لليمين), فهذا ليس عيبا بقدر ما هو ميزة تحسب لهذه السيارة التى قلما تجد مثلها الأن.
و على فكرة الانجيكشن بتاعها أنا سمعتها بالحرف من ميكانيكى ذو خبرة طويلة (الانجيكشن بتاع الشاهين الجديدة عمره ما بيعطل). و فعلا العربية معايا فوق ال40 ألف و مفيش أى مشكلة و مغيرتش المساعدين و لا حتى فتحت الكابوت, بدور و أمشى.

[eldeplomasy]

انا معاك يا استاذ فادي في كل اللى بتقوله بس مع احترامي لرأيك انا معايا برده شاهين 1600 مو2006 ولحد دلوقتي فعلا مفتحتش بقها ولا بتاع بس مكيفها زباله بكل المقاييس ده اولا ثانيا ليه مسقش عربية بنفس مواصفات القوة في العفشه والرياضية بس انا متعبش وانا بسوقها انا تسارعت مع النوبيرا و اللانسر والكورولا والبي ام دبليو ال 316 وكان اداء الشاهين نفس اداء كل دول مع فارق ان البي ام دبليو واوكتافيا فرقت شوية لان قوة العربيات دي 104 حصان عند 3800 لفة/دقيقة لكن النوبيرا واللانسر والكورولا واللانترا 120 حصان عند 6000 لفة/دقيقة وطبعا فارق لكن لما اسقت الباسات والجيتا لقيت العربية عفشتها ناشفة زي الشاهين ويمكن انشف كمان لكن العربية بتتساق بأقل مجهود ممكن ده غير اني بعمل كل حاجه جوه من عجلة القيادة وانا مركز تماما في الطريق ده غير هدوء العربية وانت قافل الزجاج كله مبسمعش اي حاجه بره ده غير المكيف الجبار ده غير الكاسيت اللى صوته بيوصل للعربيات حوليه في الاشارة وانا ان شاء الله هبيعها واجيب جيتا اعلى اوبشن