اللانشيا عقدتنى ...اغيثوووووووووووووونى

[ashrafbahaa]

انا شارى لانشيا ديدرا من شهر بس كانت مركونه 3 سنين مش بتمشي ومن يوم ماخدتها وانا كل يوم فى ارف لما زهقت وكرهتها والمشكله ان مفيش حد فاهم حاجه من اللى بروحلهم ومش عارف اعمل ايه ارجوكم انقذونى ودلونى

اولا من الركنه كاوتش العفشه نشف وفى المطبات بلاقى هيصه فى العربيه من قدام غير لما اضرب فرامل اسمع طقه
ثانيا امبير الر بي ام فصل ومفيش حد عارف يشغلو وكلوا بيقول الاسلاك راكبه تمام ومفيش حد فاهم
ثالثا/ شحنت التكييف بس فى النهار ولا اكنو شغال لدرجة انى بفتح الشباك يجيب هوا فى عز الضهر ارحم من التكييف وباليل بيكون معقول وساعات فى الحر بلاقى بيقوم ويفصل ورا بعض بمعدل ثانيه وثانيه
رابعا/ ودا الاهم اللى عاوز حد يفيدنى بحل نهائي انا العربي لما ادور بتعلا اوى وكانك دايس بنزين ومش بتوطى غير بعد فترة لوحدها وممكن طول مشوار بتفضل عليه مش عارف ايه السبب بتعلا اوى ليه وممكن تكون باردة او سخنه بيحصل نفس العيب وفكيت العمه ونضفت البوابه بتاع الكربراتير ومفيش فايدة بس لاقيت فى صباع فى النص فى فيشه مش عارف بتاع ايه وجنبه من تحت شمال فى زى مقاومه راكبلها فيشه من الخارج
والعربيه بتاكل بنزين مش عارف ليه ارجو الرد للهميه لانى زهقت بجد
وبعدين بسمع صوت ونه والعربيه واقف بس الصوت بيروح ويجي ومسمع فى العربيه والصاج وبرضو محدش عارف لدرجة قالو الدينامو وفكيتو مرتين عند كذا كهربائي ويقول سليم بس الصوت موجود ومضايقنى وحدش عارف منين
اسف انى طولت عليكم

[heshamzaky]

بص يا باشا ان شاء الله مايكل زميلنا فى رابطة التمبرا كان معاة تمبرا و حاليا معاة لانشيا ان شاء الله حا يفيدك انتظر لما يشوف الموضوع و يرد عليك و الف سلامة للعربية و ان شاء الله بسيطة

[ashrafbahaa]

شكرا يا اتش وانا فى انتظار الحل والاغاثه

[yoko]

1) لازم تغير كل الكاوتش بتاع العفشة وطبعا كل السيور الكوتش والخراطيم الي نشفت
2) أنا كنت قريت مشكلة التكيف دي قبل كده بس مش فاكر حلها (إسأل في قسم التبريد والتكييف)
3) مقلتش ثالثا أصلا
4) هي كربراتير ولا إنجكشن عشان لو فيه قيشة تبقى إنجكشن ودي مشكلة فيشة الtps أو حساس ال idel

[ashrafbahaa]

بصراحه مش عارف كربراتير ولانجكشن
انا فكيت العمي اللى فى الوش ولقيت تحتها مايشبه الكربراتير وفى صباع فى النص طويل لتحت ومن فوقه فيه فيشه ومن تحت شمال فى مقاومه زى حساس راكب فيها فيشه مش عارف ايه السبب وايه المطلوب تغييرة للعطل وبكام وجديد ولا استيراد واجيبو منين عشان انا مش عارف ايه حاجه ولا اجيب منين وشكرا على اهتمامكم

[heshamzaky]

شكرا يا اتش وانا فى انتظار الحل والاغاثه

العفو يا باشا و بص الصور دى علشان لما ميكو يشوفها يشرحلك عليها الى هوة عاوزة انا مجرد رفعت الصور دى و الافادة علية هوة هههههههههههه دة موتور لانشيا على فكرة دى عربية مين يا ترى هههههههههههههههههههههههه

[ashrafbahaa]

هو دا نفس موتورى بالتمام زى اللى فى الصورة
ومحتاج بعدين اعرف هو ايه طقم الكهربا اللى بيتغير غير البوجيهات لان العربيه اخرها 110كم

[yoko]

طقم الكهربى
بوجيهات
سلوك بوجيهات
ابلاتين وكوندينسر

و110 بس أخبار إسطوانة الدبرياج إيه؟

[ashrafbahaa]

الاسطوانه على ماظن تعبانه لان العربيه بترجرج فى الطله وخاصه لما يكون فى ركاب معايا مش بتطلع غير بصعوبه المهم عاوز اعرف مشكله علو الموتور وايه الحل وشكرا ليك وكل سنه وانتم طيبين جميعا

[yoko]

الاسطوانه على ماظن تعبانه لان العربيه بترجرج فى الطله وخاصه لما يكون فى ركاب معايا مش بتطلع غير بصعوبه المهم عاوز اعرف مشكله علو الموتور وايه الحل وشكرا ليك وكل سنه وانتم طيبين جميعا

العلو ده إستنى ميكو عشان أنا معرفش هي كربيراتير ولا إنجكشن
وكده لازم تغير طقم الدبرياج عشان ده سبب كبير في إستهلاك البنزين والسرعة القصوي والسحب الضعيف

[ashrafbahaa]

شكرا يا جميل وفى انتظار الدود

[heshamzaky]

بصراحه مش عارف كربراتير ولانجكشن
انا فكيت العمي اللى فى الوش ولقيت تحتها مايشبه الكربراتير وفى صباع فى النص طويل لتحت ومن فوقه فيه فيشه ومن تحت شمال فى مقاومه زى حساس راكب فيها فيشه مش عارف ايه السبب وايه المطلوب تغييرة للعطل وبكام وجديد ولا استيراد واجيبو منين عشان انا مش عارف ايه حاجه ولا اجيب منين وشكرا على اهتمامكم

لو موتورك هو دة يبقى انجيكشن كبعا و على فكرة سرعة 110 كيلة انت قصدك دة اخر سرعة العربية لا كدة فية حاجة غلط جدا لان النقلة التانية ممكن تجيب 70 و التالت 110 و فى زمن قصير بص الصور دى كدة و لما مايكل يشوف الموضوع حا يشرح لك كل الى هو عارفة

[ashrafbahaa]

فى انتظار الردود وشكرا ليكم

[ashrafbahaa]

تمام موتورى والانجكشن زى الصور تمااااااااااااااااااااااااام بس عاوز اعرف ايه الفيشه اللى فى نص الانجكشن
وبالنسبه للسرعه الاسطوانه تعبانه

[heshamzaky]

على فكرة الانشيا عربية جراية مش بطة لا لو مظبوطة ماشاء الله زى الصاروخ و موزونة على الارض تقيلة مش راكب الهواء و بتجرى