شـد ال 128

[boamengo]

السـلام عليكم ورحمه الله وبركاته

الحمد لله على كل شئ عملت حادثة بال128 هي تقيلة حبتين

بس الحمد لله على كل شئ

انا دلوقتي بسمكر وغيرت رفرف وباب ورا

كنت عايز خبراتكم معايا لو فيه حاجة جديدة مثلا ممكن اعملها فى العربية وهي بتتشد سمكرة وبوية

وكان ليا كام استفسار من حيث الازاز اللى قدام اللى هوا التلات طبقات وفيه شماسة كدا والازاز اللى ورا عاملين كام

والحوض هل ممكن اعمل فيه تقويات ولا الحم الشروخ اللى موجودة وخلاص

وحساب السروجي ممكن مثلا يبقي كام هو فك فرش العربية كله بالسقف ياخد كام مثلا

والكهربائي اللى فك التابلوه وضفيرة العربية وهيرجع يركبهم تانى ويشغل الانوار كدا ياخدلو كام برضو ؟؟؟

وبالتوفيق للجميع ان شاء الله

[mohamed9999]

متابع يا ريس عشان نستفيد .......

[midoo1ahmed]

متابع باهتمام

[محمد بازيد]

أولا قدر الله وماشاء فعل وفداك يا سيدى الف عربية الفئة السبعة والحمد لله انك سليم بس يا سيدى انا شايف انك ممكن تظبط الشروخ الموجودة وتعمل لها تقويات بالنسبة للزجاج الامامى ال3 طبقات انا مركبة للشاهين ب225 فى المنصورة اللى هو فية شماسة من قدام بالنسبة للسروجى ممكن 80-120 حلو قوى لو مش هيعدل حاجة يعنى فك وتركيب والكهربائى 150