يا ناس يالى معاكو دوجان او شاهين

[hulk_jotun]

يا ناس يالى معاكو دوجان او شاهين
عاوز اركب فلتر هواء ريس علشان صوت المكنة لما احرق على العربية بيكون وحش اوى
و لما رحت اركبة قالولى انت كاربيراتير لو انجيكشن ماشى
بس انا اسمع انه بيتعملة كوع علشان يركب ياريت الطيرقة و لو حد جريب يقولى بيخلى العربية تسخن و لا لا
مع العلم انا معايا دوجان 1600 موديل 1995

[semsem_uno]

ايه دخل سخونة العربية بالفلتر اساسا؟؟

و بالظبط كده
بيتعمل ماسورة عمولة عند سمكري قولو عايز ماسور للكربراتير و اوصل في اخرها فلتر

[engahmedsamy]

ركب سيموتا كربراتير و خلاص

[smsm_nabawy]

سمسم عنده حق ،، الفلتر مش بيسخن الموتور ،، بس هو عايز هواء بارد عشان الأداء يكون كويس و الموتور يفرفش معاك كده ،، حاول تعمله كوع عموله و ملكش دعوة ،، فيه عادي للكربراتير ،، أنت ساكن فين عامة ً ؟!!

بس لو عملت الكوع ،، اعمله ماسورة كمان و نصيحتي ليك تكون بلاستيك ، من عند أي سباك و طولها و غلفها بعازل حراري و ركب في أخرها الفلتر ،،و بجد حتدعيلي،بعد متعمل الشغل ده ،، أنسى الفلتر ده بعد كده ،، و نبص لحاجات تانية صغيرة و بسيطة ممكن تعمل شغل مع الفلتر ، لو في الأسكندرية و محتاج مساعدة ،، أنا ممكن أنزل معاك في أي وقت نسأل و نعمل الحاجة مع بعض ان شاء الله

و كل رمضان و أحنا كلنا طيبين

[hulk_jotun]

10000000 شكر يا جماعة على الردود
و يا استاذ سمسم انا من السويس فللاسف مش هعرف اقابلك بس حضرتك شكلك معاك العربية دى و بتحبها انت مركب الفلتر؟
انا عموما بكرة نازل ش دمشق و هسأل لو لقيت حد اقنعنى انه فاهم هشترية وامرى الى لله

[smsm_nabawy]

لا يا فندم ،، أولاً أنا عااشق للشاهين ،، أسأل أسماعيل "حبيبي يا سمعة " :))

ثانياً ، أنا كنت على وشك تركيبه فعلاً ،، بالماسورة بتاعته بكله و أتفقت مع الراجل ،، و كانت التكلفه الكليه 180 جنيه ،، بالماسورة بكله بالمصنعية ،، طبعاً كده كده الماسورة مش مكلفه عشان مش كنت حركبها ستانليس ،، بس للأسف حدثت الحادثة المشؤمة ، و الحاج سحب مني العربية ،، بس قشطة ،، بخنصرها ساعات طبعاً ،، بس طبعاً أيام عزها رااحت ، و التعديلات اللي كنت مرتبها كلها بححح ،، و فلوسها صرفت على الحا\ث ،، و ياريت على أصلاح العربية ،، بالعكس كانت على أصلاح السيارتين المتضررتين ،، و اللي كانو هما اللي غلطانين ،، بس هما مكانوش من اسكندرية و كانوا بيصيفوا و التننين كانوا بنات ،، فقلت حرام أحطهم في الموقف الزبالة ده ،، و تحملت أنا كل حاجة
:)
بس برده تحت أمرك في الأستفسار ،،

تمن الفلتر كان 160 ، سيموتا ،يونيفرسال شايب ،، و الماسورة ، كانت بلاستيك ، و هو حيغلفها عازل كمان :))
بس بقى مش عارف الشغل كان حيبقى مطابق للمواصفات ، ولا لا :))

[ahmedfawzy14]

كنت عامل الشغل ده عند مين فى اسكندرية يا باشا

وبخبرة حضرتك كده حيبقى فى فرق فى السحب بتاع العربية

ولا فى الصوت بس

[smsm_nabawy]

بص يا فندم ، الكلام ده في عزبة سعد ،، وكان من حوالي نص الترم التاني من الدراسة الجامعية

مش فاكر أسم الراجل ،، بس حتى أنا كنت متفق مع صنايعي من اللي في المحل ، و هو اللي حيظبطلي الحوار بتاع الماسورة بكله

في السحب ،، طبعاً حيأثر ،، حسب مقريت في الموضوع ده حيديك عزم كويس في الار بي ام العالي ، مش الواطي ،، الصوت مجرد ما بتحرق على العربية و انت ماشي ، بيبقى صوت نعرة جميل ، تحس أنك موتورك ده عمال يشخط في العربيات اللي حوليه و يقول وسعولي ، كنت راكب مع واحد صاحبي عنده بولو فوكس ، و كان ماشي عادي بيحرق ،، و الصوت رهيب ،، لو أقولك كل اللي ماشي يحسبه عايز يشد ، و يجي جنبه و عايز يشد معاه ،،

هو على فكرة الفلتر بتاعه ، مشابه أوي للفلتر اللي كان عندي ، و العمة من فوق برده ، و هو اللي شجعني و قاللي يتعمل في عربيتك كده ،،

السحب اكيد بيبان كويس برده

و الله أعلم ، و يوفق الجميع