جبت البرافا بعد مشواااااااااار طويل من البحث

[mr_hamed_s]

اخيراا والحمد لله جبت البرافا 2001 بعد مشوار طويل من البحث واخ فاضل من الموقع هنا تم الشراء عن طريقة
عايز اقولكم ماشاء الله رغم ان السيارة 1300cc بس قوية جدا وثابتة وعلى راى صاحبها كالزوجة التى ترغم بالعيش (مبتقولش لا ابا يعنى) المهم بقى يا شباب الفيات الكرام عايز اعملها صياناتها لو حد يعرف حد كويس بفيات ياريت لو يدلنى لانى معلوماتى قليلة جدا عنها

[yoko]

مبروك عليك العربيه بجد أنا ركبتها مره واحده إتوهمت مع إن راكب اللينيا بس بجد وهمتني إنه بالكماليات والفخامة دي من زمان أما مين يشتغل فيها معرفش إستنى بقيت الأعضاء لإن تعاملي كله مع التوكيل

[fouady]

مبروك عربية محترمة

[damasry]

الف مبروك عليك العربية وربنا يديك خيرها ويكفيك شرها

وانا واحد صاحبى بردو بيدور على واحدة بس بيدور على ماريا عشان هو بيحب السيدان

وبالنسبة للصيانة فمعانا الاخ toteda معاه الماريا 2001 وعمل الصيانة اخر مرة فى مركز البرقان فى الهرم وشكر فى الناس هناك

[khalid_adel]

انا برضه كنت حاقولك لو الصيانه يبقى البرقان ناس بجد قمه الذوق وفاهمين كويس اوي وسعرهم حنين جدا
اما بالنسبه لو لقطع الغيار في منها استيراد وقطع الغيار الدوريه في الحرفيين كتير ما شاء الله

[mr_hamed_s]

شكراا اايها الاعضاء المحترمين

شكرا لردودكوا واهتمامكو بجد عربية تحفة جدا وائتريتها بعد معاناه طويلة بس هيات تستاهل وياريت نتبادل المعلومات بقى عن الفيات اللى بجد مظلومة جدا فى بلدنا الحبيبة مصر

[mr_hamed_s]

انا برضه كنت حاقولك لو الصيانه يبقى البرقان ناس بجد قمه الذوق وفاهمين كويس اوي وسعرهم حنين جدا
اما بالنسبه لو لقطع الغيار في منها استيراد وقطع الغيار الدوريه في الحرفيين كتير ما شاء الله

تمام بس ممكن تدينى العنوان بالظبط ا خالد واسماء المحلات بالحرفيين اللى بتبيع الاستيراد ولو كنت اشتريت قطع قبل كده وتقدر تقولى على الاسعار اكون شاكر.
اسف انا بتقل يا جماعة بس بجد العربية ديه من العربيات اللى مش اى حد يشتغل فيها لانها مش سهلة وتحتاج للمعاملة الجيدة

[mobitic]

الف مبروك وربنا يعطيك خيرها ويكفيك شرها.

[khalid_adel]

تمام بس ممكن تدينى العنوان بالظبط ا خالد واسماء المحلات بالحرفيين اللى بتبيع الاستيراد ولو كنت اشتريت قطع قبل كده وتقدر تقولى على الاسعار اكون شاكر.
اسف انا بتقل يا جماعة بس بجد العربية ديه من العربيات اللى مش اى حد يشتغل فيها لانها مش سهلة وتحتاج للمعاملة الجيدة

اولا مركز البرقان ده في شارع العريش وده الشارع اللي مابين فيصل والهرم - او اول شارع يمين كبير بعد سينما ومسرح الهرم
بالنسبه للحرفيين عارف الشارع اللي نازل لتحت كده وشارع طويل في اوله بتوع اوبل وفولكس وبعديهم ياباني
المهم قطع الاستيراد هتلاقي الابيض وده على الشمال ماسك ناصيه
وفيه قبليه بتاع قطع غيار بس ده جديد مش فاكر اسمه بس هو باين على الشمال برضه
وفيه في الاخر واحد تاني او اتنين على اليمين (التاني كان قافل ) ودول بتوع استيراد برضه بس اعتقد الابيض ده افضلهم
بص على العموم متقلقش انت بس اوصل الشارع ده وحتلاقيهم يمينك وشمال مليان والبرافا ليها هناك كتير ان شاء الله

[Fiatbrava]

الف مــــــــــــــــــبروك ياباشا على التحفة بجد
عقبالى يا رب انا كمان انا نفسى فيها من سنتين وعمال احوش فلوسها بس انا عاوز واحدة 1997
1600 cc
ممكن اعرف خلصتها بكام البرافا ؟ويا ريت تقولى كشفت عليها ازاى وفين؟

[mr_hamed_s]

اولا مركز البرقان ده في شارع العريش وده الشارع اللي مابين فيصل والهرم - او اول شارع يمين كبير بعد سينما ومسرح الهرم
بالنسبه للحرفيين عارف الشارع اللي نازل لتحت كده وشارع طويل في اوله بتوع اوبل وفولكس وبعديهم ياباني
المهم قطع الاستيراد هتلاقي الابيض وده على الشمال ماسك ناصيه
وفيه قبليه بتاع قطع غيار بس ده جديد مش فاكر اسمه بس هو باين على الشمال برضه
وفيه في الاخر واحد تاني او اتنين على اليمين (التاني كان قافل ) ودول بتوع استيراد برضه بس اعتقد الابيض ده افضلهم
بص على العموم متقلقش انت بس اوصل الشارع ده وحتلاقيهم يمينك وشمال مليان والبرافا ليها هناك كتير ان شاء الله

شكرا جدا ياكبير على المعلومات القيمة ديه وانت كده طمنتنى لانى كنت قلقان قووى من موضوع قطع الغيار ده

[mr_hamed_s]

الف مــــــــــــــــــبروك ياباشا على التحفة بجد
عقبالى يا رب انا كمان انا نفسى فيها من سنتين وعمال احوش فلوسها بس انا عاوز واحدة 1997
1600 cc
ممكن اعرف خلصتها بكام البرافا ؟ويا ريت تقولى كشفت عليها ازاى وفين؟

بص ياباشا انا تعبت جامد وشفت كتيير برافا لحد ماوصلت للعربية بتاعتى بس بصراحه مشفتش موديلات غير 2001 كلها عموما انا سمعت ان 2001 شكلها من جوه مختلف تماما عن 199* فيارايت تتاكد من المعلومة ديه
بالنسبة للسعر انا ربنا كرمنى بواحد محترم جدا صديق لعضو بالمنتدى واتفقنا انى اخدها منه ب 32000 الف بالنسبة للكشف ف انا كشف فبنتزينة التعاون اللى ف اول عباس العقاد بمدينة نصر لو تعرفها الوحيدة اللى كنت عارف انها بتكشف لانى صديق ليا كشف على عربيته هناك قبل ما يشتريها برده
بس بصراحه انا كنت مطمئن للشكل العربية وحالتها اللى بتدل على انها استخدام محترم جدا لان الراجل بصراجه صاحب العربية بصراحه كان شخص صريح العربية طبعا فيها شوية مصاريف بس بسيطه انشاء واول ما هبتدى اظبط هقولكم التفاصيل والاسعار

[Fiatbrava]

مستر حامد مبروك تانى على العروسة وسعرها ماشاء الله جميل
احنا لازم نكون اصدقاء فى البرافا ونظبط مع بعض عشان انا ان شاء الله هشتريها فى ابريل 2011

[mr_hamed_s]

[QUOTE=Fiatbrava;3872992787]مستر حامد مبروك تانى على العروسة وسعرها ماشاء الله جميل
احنا لازم نكون اصدقاء فى البرافا ونظبط مع بعض عشان انا ان شاء الله هشتريها فى ابريل 2011[/
ده هيبقى شرف ليا اكييد ف اى وقت وان شاء الله ربنا يوفقق وتجيبها

[engahmedsamy]

مبروك عربية محترمة