132 افضل ام البولونيز

[keko]

لو لادا انا شايف ال 2105 احسن بكتييييييييير ما عدا ان 2107 باور

[kamalsalem]

بولونيز لأ... م الاخر دي عربية سهل عليها جداً انها تهينك مهما كنت واخد بالك منها

ده وانا بكامك عن عربية معانا من الزيرو من سنة 88 يعنى مش واخدنها مستعملة

انت عارف انه عمرة البولونيز كلفتني 4000 جنيه؟

[yoozrnem]

يا جماعه انا شايف انا كافت ال132 ارجح بكتير من البلونيز مهما انا كانت وشكرا على الموضوع الجميل اللى خلنا نتبادل المعلمومات

[blazer]

لو لادا انا شايف ال 2105 احسن بكتييييييييير ما عدا ان 2107 باور

معلش سؤال برده الموضوع
هو ايه الفرق ما بين ال 2107 و ال 2105

[keko]

معلش سؤال برده الموضوع
هو ايه الفرق ما بين ال 2107 و ال 2105

اهم فرق ان 2105 من ورا سوست ورق مش يايات وقدام مساعدين عادى يعنى ركب العمارة كلها ورا ونت مطمن
غير كده ان اغلبها صناعة روسى مش مصرى والروسى افضل بمراحل ضيف انها كاربراتير مش انجيكشن طبعا فيه ناس هاتقول ده عيب بس انا شايفه ميزة للى زى حالاتنا بيحط بنزين 60 مش 80 حتى انما الانجيكشن يفضل بنزين 92
وطبعا الصاج والكلام ده كله
وتتميز ال 2107 بالدركيون الباور وفارق السحب بين الانجيكشن والبنزين الى جانب الكراسى الجديدة بتاعتها تحفة

وعموما لو مش غاوى موديل معين انت ممكن تلاقى لادا تسعينات فى نفس امكانياتك وقطع غيارها زى ال 128 بتتصرف على بطاقة التموين بس تاكل ال 128 فى التحمل وال 128 تاكلها فى الجرى

[semsem_uno]

وتتميز ال 2107 بالدركيون الباور وفارق السحب بين الانجيكشن والبنزين الى جانب الكراسى الجديدة بتاعتها تحفة

و بيض المقصات اللي معدش بيقع

[smsm_cato]

مع احترامى للبولونيز لا يوجد وجه مقارنة اطلاقا بـ 132 من حيث الفخامة والوسع والقوة والنعومة فى القيادة ونعومة الفتيس والكارونة اما اللى بيقعدوا يقولوا قطع الغيار بتاعة 132 غالية دول بيتكلموا على سمع لكن اللى معاه العربية دى وبيجيب قطع غيارها هيلاقيها قريبة جدا من قطع غيار 128 وده بناء على تجربة شخصية منى لانى كان معايا 128 وحاليا 132 واما اسعار الصاج عادية جدا ومتواجدة جديدة واستيراد وعلى سبيل المثال انا من فترة عملت عمرة كاملة للمتور كلفتنى 2100 بالمصنعية مع العلم انا مغير عمود الكرنك وديسك واسطوانة وفى الـ 128 كلفتنى 1900 او 2000 مش فاكر بالظبط وكانت من غير تغيير عمود الكرنك اما دلوقتى بجدد العربية سمكرة وفرش ولون وجبت ستارة امامية جديدة 120 جنية وجوز عتب جديد 95 جنية وشبكة امامية جديدة 40 جنية وداير رفرف خلفى 45جنية وطبلة باب 65 جنية انزلوا ارض الواقع يا جماعة واحكموا بلاش نتكلم عن سمع وخلاص

[semsem_uno]

مع احترامى للبولونيز لا يوجد وجه مقارنة اطلاقا بـ 132 من حيث الفخامة والوسع والقوة والنعومة فى القيادة ونعومة الفتيس والكارونة اما اللى بيقعدوا يقولوا قطع الغيار بتاعة 132 غالية دول بيتكلموا على سمع لكن اللى معاه العربية دى وبيجيب قطع غيارها هيلاقيها قريبة جدا من قطع غيار 128 وده بناء على تجربة شخصية منى لانى كان معايا 128 وحاليا 132 واما اسعار الصاج عادية جدا ومتواجدة جديدة واستيراد وعلى سبيل المثال انا من فترة عملت عمرة كاملة للمتور كلفتنى 2100 بالمصنعية مع العلم انا مغير عمود الكرنك وديسك واسطوانة وفى الـ 128 كلفتنى 1900 او 2000 مش فاكر بالظبط وكانت من غير تغيير عمود الكرنك اما دلوقتى بجدد العربية سمكرة وفرش ولون وجبت ستارة امامية جديدة 120 جنية وجوز عتب جديد 95 جنية وشبكة امامية جديدة 40 جنية وداير رفرف خلفى 45جنية وطبلة باب 65 جنية انزلوا ارض الواقع يا جماعة واحكموا بلاش نتكلم عن سمع وخلاص

انا لما قلت قلت نفس كلامك بس قلت ان القطع غالية لأني سألت واحد في الحرفيين بقولو كبوت 132 بكام قاللي 2000 جنيه!
يبقي جايز او اكيييييد بما انها كده يبقي اللي سألت عنده ده نصاب

[smsm_cato]

انا لما قلت قلت نفس كلامك بس قلت ان القطع غالية لأني سألت واحد في الحرفيين بقولو كبوت 132 بكام قاللي 2000 جنيه!
يبقي جايز او اكيييييد بما انها كده يبقي اللي سألت عنده ده نصاب

اكيد طبعا نصاب سعر الكبود انهاردة 775 ودى اول كلمة من التاجر يعنى ممكن تنزله شوية كمان وده سعر الكابوت جديد وطبعا لو جبتة استيراد هتجيبة اقل من كده