الفرق بين ال evo pkg1 وevo pkg2

[Mdesouky]

الفروق بين الاتنين كالاتى
Cruise Control
electrochromatic rear windows
Different alloy wheels
Blue & Me system +USB Port
paddle shifters

السوال هو هل هاستخدم الحاجات دى فعلا ؟ حاجة زى ال Paddle shifters ممكن تخلينى اغير رايى و ادفع الفرق بس هل الناس اللى عندها easytronic/dualogic/steptronic transmission بيستخدموه اصلا و لا عالطول شغالين اوتوماتيك ؟ انا شخصيا بحب المانيوال بس خايف من الزحمة عشان كده فكرت فى الاوتوماتيك الدوالوجيك.

[yoko]

الي متأكد إنه هيفرق معايا لو مكنش موجود في اللينيا الblue and me
الفيميه بركب لوحدي مش هتفرق الكروز كنترول بقالي سنة محتجتوش غير مره يتيمه
فرق الجنط شك فقط يعني مش الفئة الأقل طاسات على جنط حديد!!! (زي اللينيا مثلا)
الشيفتات كان هيبقى ليها لازمة من وجهة نظري لو كانت على موتور أقوى

[Mdesouky]

الاول شكرا على الاستجابة السريعة (هو انت شغال Night shift ) بردو ؟؟؟
ثانيا ليه Blue & Me مهم اوى كده ؟

[yoko]

الاول شكرا على الاستجابة السريعة (هو انت شغال night shift ) بردو ؟؟؟
ثانيا ليه blue & me مهم اوى كده ؟

لأ انا صايع في الأجازة
والبلو أند مي بيخليك مركز في السواقة لما حد يكلمك ولما تيجي تكلم حد وبيرحمك من مخالفات الموبيل

[Mdesouky]

سؤال رفيع بقه هل حد عنده فكرة اذا كان ممكن اطلب واحدة EVO multiair special order ؟
انا بصراحة مستقل ال 77 حصان و حاسس انه المفروض عالاقل نجيب موتور احدث شوية عن الجراند ميبقاش شكل و بس.

[yoko]

سؤال رفيع بقه هل حد عنده فكرة اذا كان ممكن اطلب واحدة evo multiair special order ؟
انا بصراحة مستقل ال 77 حصان و حاسس انه المفروض عالاقل نجيب موتور احدث شوية عن الجراند ميبقاش شكل و بس.

المفروض هينزل وسعر العربيه هيزيد شويه! السنة الجايه
بس سبشيال أوردر هيبقى أغلى من ما تجيب واحده السنه الجايه

[damasry]

سعر المالتى اير مش ها يقل عن 115 الى 120 الف لما تنزل لكن الاسبيشال اوردر الله اعلم ها تقف بكام والمشكلة مش فى التكلفة فقط ولكن توافر قطع الغيار ها تكون مشكلة لحين نزول المالتى اير رسميا فى مصر

[onz]

انا شخصيا بحب المانيوال بس خايف من الزحمة عشان كده فكرت فى الاوتوماتيك الدوالوجيك.

علي فكرة عربيتي مانيوال
هو اينعم كونت مواجهه صعوبة فيها في الاول بس مع الوقت بتحس يعني ايه مانيوال في فيات خصوصا

[dabdob86]

الي متأكد إنه هيفرق معايا لو مكنش موجود في اللينيا الblue and me
الفيميه بركب لوحدي مش هتفرق الكروز كنترول بقالي سنة محتجتوش غير مره يتيمه
فرق الجنط شك فقط يعني مش الفئة الأقل طاسات على جنط حديد!!! (زي اللينيا مثلا)
الشيفتات كان هيبقى ليها لازمة من وجهة نظري لو كانت على موتور أقوى

+11111
بس عاوز اقول ان الفيميه الاصلى هايتثبت على الرخصة و مش هيبقى عليه مخالفات

الشيفتات دى مرة جربتها فى كورولا 2009 اللى فيتسها mmt كانت وهمية جدا و احلى حاجة انها كانت بتسقط لوحدها لو نزلت جامد فى السرعة و انا شايف انها هتفرق حتى لو الموتور صغير

[Mdesouky]

انا برضه شايف ال paddle shifters حاجة جامدة فى العربية بس بصراحة كده نفسى اتسدت عن العربية كلها بعد تقرير cryptonx اللى مش عاجبه فيها موتورها و هو اينعم انا مش بجرى و لا حاجة بس برضه لما العربية تبقى بتجاهد عشان تجيب 100 تبقى ضعيفة يعنى.
أنا كنت عايز اسأل فى حاجة هنا هو موتور ال Linea 77 hp هوه نفسه موتور ال Grande Punto 77 و ال EVO 77 ؟ لان لو هوه نفس الموتور يبقى اكيد العربية دى مش اتقل من ال Linea و بالتالى مش ابطأ ؟؟؟؟

[ahmedmohamed7]

انا برضه شايف ال paddle shifters حاجة جامدة فى العربية بس بصراحة كده نفسى اتسدت عن العربية كلها بعد تقرير cryptonx اللى مش عاجبه فيها موتورها و هو اينعم انا مش بجرى و لا حاجة بس برضه لما العربية تبقى بتجاهد عشان تجيب 100 تبقى ضعيفة يعنى.
أنا كنت عايز اسأل فى حاجة هنا هو موتور ال linea 77 hp هوه نفسه موتور ال grande punto 77 و ال evo 77 ؟ لان لو هوه نفس الموتور يبقى اكيد العربية دى مش اتقل من ال linea و بالتالى مش ابطأ ؟؟؟؟

هو نفس الموتور و العربيه تحت ال100 عاديه او طبيعيه المشكله فى السرعات العليا بيكون تسارعها مش كويس
انا بتكلم من غير تجربه انا بقول الخلاصة الى فهمتها من كلام الناس ولو غلط ياريت حد من الناس المحترمه الى هنا يصححلى
عامتا المالتى ايرهينزل اول السنه ان شاء الله و مشكلة الموتور ديه هتتحل تماما بس طبعا هيكون فيه زياده فى تمن العربيه

حاجه كمان عايز اقولها ان موضوع الموتور ده حضرتك اكتر واحد ممكن تحكم عليه بمعنى انا ممكن اجرب العربيه و الاقى الموتور مناسبنى جدا و مش هحتاج اكتر من كده يبقى مش هيفرق معايا بقى 77 حصان من 100 مادام انا مقتنع اقصد ان حضرتك حاول تجرب العلربيه بنفسك ان شاء الله
و كمان الموضوع ده الناس مختلفه فيه او كل واحد ليه وجهة نظره فيه ناس شايفه ان الموتور كويس و عادى و ناس تانيه شايفه العكس

[onz]

العربية سحبها كويس اوي لغاية 90 - 100 كم احسن من عربيات كتتتتتتتتير
بعد السرعة دي انا مجربتش الحقيقة اوصلها ( اعلي سرعة وصلتها بالعربية هي 100 كم )

[Mdesouky]

العربية سحبها كويس اوي لغاية 90 - 100 كم احسن من عربيات كتتتتتتتتير
بعد السرعة دي انا مجربتش الحقيقة اوصلها ( اعلي سرعة وصلتها بالعربية هي 100 كم )

يبقى اكيد عمرك ما بتطلع الدائرى أو المحور
بس برضه 100 ما تاكلش لما تكون كل يوم بتضرب مشوار زيى من مدينة نصر ل سمارت و راجع

[onz]

يبقى اكيد عمرك ما بتطلع الدائرى أو المحور :m_yes[1]:
بس برضه 100 ما تاكلش لما تكون كل يوم بتضرب مشوار زيى من مدينة نصر ل سمارت و راجع

ده صحيـــــــــــــــــــــــــــــــــح
انا كل مشواري من عين شمس للعباسية ( من البيت للكلية و العكس) بس كده
علشان كده انا شايف العربية ممتازة كسيارة ستيي ( مدينة ) و جيدة كسيارة سفر ( و عن تجربة )

[yoko]

انا برضه شايف ال paddle shifters حاجة جامدة فى العربية بس بصراحة كده نفسى اتسدت عن العربية كلها بعد تقرير cryptonx اللى مش عاجبه فيها موتورها و هو اينعم انا مش بجرى و لا حاجة بس برضه لما العربية تبقى بتجاهد عشان تجيب 100 تبقى ضعيفة يعنى.
أنا كنت عايز اسأل فى حاجة هنا هو موتور ال linea 77 hp هوه نفسه موتور ال grande punto 77 و ال evo 77 ؟ لان لو هوه نفس الموتور يبقى اكيد العربية دى مش اتقل من ال linea و بالتالى مش ابطأ ؟؟؟؟

أيوه هو هو بالملي بس الجراند أخف ب 50 كجم بس