محتاج افاده في الفيات السيينا

[Hadyy]

انا بشتري سيينا 2001 1400cc ب 34000,قبها رخصه 3سنين ( صاحبها (اول يد) باعها لتاجر من شهر وانا بشتريها من التاجر
دواخل فابريكا (رشه بره ( ماعدا السقف والشنطه)
المشكله ان الشكمان بيطلع دخان اسود (صاحب العربيه بيقول انه كان في مشاكل في البنزين (وانه بيحط 80 على 92) وانه غير الرشاشات والميكانيكي قالوه العربيه عايز تطلع مشوار طويل على السريع عشان وبعد كده الشكمان حينضف )
ان مش فاهم ,الكلام ده ينفع ولا اقلق منه , والسعر ايه نظامه, وايه ظرووف السيينا ,كويسه ولا اشوغ حاجه غيرها))
اسف اني طولت عليكم (وكل سنه وحضراتكم طيبين)

[mr_hamed_s]

انا بشتري سيينا 2001 1400cc ب 34000,قبها رخصه 3سنين ( صاحبها (اول يد) باعها لتاجر من شهر وانا بشتريها من التاجر
دواخل فابريكا (رشه بره ( ماعدا السقف والشنطه)
المشكله ان الشكمان بيطلع دخان اسود (صاحب العربيه بيقول انه كان في مشاكل في البنزين (وانه بيحط 80 على 92) وانه غير الرشاشات والميكانيكي قالوه العربيه عايز تطلع مشوار طويل على السريع عشان وبعد كده الشكمان حينضف )
ان مش فاهم ,الكلام ده ينفع ولا اقلق منه , والسعر ايه نظامه, وايه ظرووف السيينا ,كويسه ولا اشوغ حاجه غيرها))
اسف اني طولت عليكم (وكل سنه وحضراتكم طيبين)

بص مادام الشطمان بيطلع دخاح اسود معناه ان السيارة بها مشاكل
و المبلغ المطلوب فيها معقول لو السيارة بحاله ممتازة بس مادام فيها مشاكل يبقى المبلغ ده كتيير عليها
دور لحد ما تلاقى حاجه خالتها احسن السيينا عموما سيارة متوسطة فالامكانيات والرفاهيه بس مشاكلها مش كتييرة لو حالتها كويسة
اناا راى انك تدور على حاجه تانية تكون تظرف فالشكل و الامكانيات ممكن تجيب بونتو 2002لو تقدر تذود المبلغ شويه توصله ل 38000 مقلا والبونتو سيارة احسن من السيينا بكتير
وربنا يوفقق فشراء السيارة

[Hadyy]

شكرا لردك يا باشا
بصراحه انا بدور بقالي اكتر من شهر على عربيه في حدود 35000 (ومستعجل) ومش لاقي حاجه كويسه(لو قدامك عربيه كويسه في السعر ده)
العربيه دي عجبتني بس موضوع الشكمان هو فعلا الي يقلق ( وكمان سمعت ان السيينا فيها مشكله انها بتسخن بسرعه والبارومه بتظهر بسرعه,الكلام ده صح ولا غلط؟)

[Maged_Samy]

فعلا فى سيينا بتركن جنبى علطول كلها بارومه فى كل مكان حتى السقف كأنها موديل من 100 سنه

[mohamedmmm2]

انا كان معايا سيينا 2001 1400 سى سى... بجد العربيه ممتازة سحب و ثبات وراحه حلوة جدا فعلا... بس فى اى عربيه بصفه عامه سيبك انت من الحاله العامه... بص على العداد و نصيحه هاتلك حاجه عامله 40000 او 50000 كيلو عشان اى عربيه فوق ال 80000 بتبتدى تفتح بقها على خفيف ومعاك وانت طالع...
بجد العربيه هايله بكل المقاييس وموضوع السخونيه دة انساة... العربيه لو فيها مشكله هاتسخن بس فى العادى اصلا ممتازة انا لما كنت بمشى على اى طريق سريع صيف او شتا بلاقى الحرارة نزلت قرب الزيرو.. ولما بتشغل التكييف الحرارة برضه بتنزل عشان السرعه الاولى بتاعه المروحه بتفضل شغاله على طول ودرجه الحرارة الطبيعيه على 90 فى الزحمه.. (انا كذا مرة العربيه سخنت منى بس مثلا بلاقى فى الاخر الريدياتير مخروم او الثرموستات بايظه.. مشاكل عاديه يعنى)
بس العربيه اللى بتتكلم عليها دى سيبك منها خالص شكلها تعبان اوى.. بس موضوع الدخان الاسود دة غالبا رشاش بنزين(فى التوكيل ب 800 جنيه) او بوجيهات او سلك بوجيهات تعبان..
على فكرة انا بايع عربيتى 211000 كيلو وكانت بسم الله ماشاء الله سحب وعزم الزيرو وانا كنت دايما بجرى وبحرق جامد وبعتها عشان عملت حادثه صلحتها وبعتها.. بعتها ب 35000
دور على كونتكت كارز وهاتلاقى اللى انت عاوزة ان شاء الله بي اللى بقوللك عليها هاتعمل 38000 او 40000 بس العربيه جميله جدا بسم الله ماشاء الله اكيد طبعا احسن من البونتو بكتيييييييير وموتورها احسن

[motoxp]

بعد خبرة 3 سنين

موضوع السخونة مفيش خالص الا لو مفيش ميه خضراء او المروحة عطلانة

البارومة فيها حقيقة خلى بالك الصاج مش مجلفن

العربية ماتورها جبار وبيستحمل اوى

العربية ممتازة كمجمل واى خدمة

[mohamedmmm2]

بعد خبرة 3 سنين

موضوع السخونة مفيش خالص الا لو مفيش ميه خضراء او المروحة عطلانة

البارومة فيها حقيقة خلى بالك الصاج مش مجلفن

العربية ماتورها جبار وبيستحمل اوى

العربية ممتازة كمجمل واى خدمة

هو فعلا عشان ماكونش كداب انا جالى قبل كدة بارومه فى السقف فوق الازاز اللى ورا وعملته..
بس اجمالا العربيه ممتازة وعيوبها من وجهه نظرى مكان التانك زباله وكان بيتخبط كتير.. ومشترك الشكمان برضه واطى مش عالى اتبهدل منى ياما ومراياتها تعبانه اوى وبتبوظ بسرعه
بس مافيش اى حاجه تانيه خالص
هو بس موضوع التانك والمشترك دول من المطبات مش اكتر عشان العربيه مش عاليه مايغركش المنظر
بس بامانه عفشتها اكتر من ممتازة خلال 9 سنين كل اللى كملته انى غيرت المساعدين مرتين وغيرت جلب المقصات مرة وموتورها ابن لذينه مابيبوظش

[Mowafy78]

بسم الله الرحمن الرحيم

انا كمان يا جماعة عجباني السيينا جدا و بدور اليومين دول على واحدة كويسة بس ناس كتيير جدا مخوفاني منها و من عدم توافر قطع الغيار او ارتفاع اسعارها و كمان في ناس كتيير بتبعها.

بس بردو عجباني يا ريت لو الناس هنا تنصحني.
و شكراً

[mohamedmmm2]

انا عمرى ما واجهتنى مشكله ابدا فى قطع الغيار كل حاجه بنت بلاقيها من اصغر حاجه لاكبر حاجه

[eng_hatmido]

انا كمان معروض عليا واحدة سيينا 2001 فبريكة دواخل وفيها خدش بسيط تحت الباب الامامي .. بس انا خايف جدا من موضوع البرومة ده خصوصا ان في برومة صغيرة ظهرت فيها .. وبعدين كمارن انا عندي واحد صاحبي اشتري سيينا وكنت بركب معاه
تنك البنزين ككان بيتخبط في كل مطب مهمها كان .. و الشكمان كان بيتجرر في المطبات من الحك اللي بسمعه
وكذا مرة تنك يتخرم ويلحمه لحد ما زهق وباعها .. انا مش عارف ايه الحل .. عارفين انا كل اللي معايا 35 الف وصاحبها بيقول لا 38 وكنت هستلف عشان اكمل .. بس خوفت جدا من عيوب العربية .. ياتري انا غلط ولا صح افيدونا يرحمكم الله

[mohamedmmm2]

موضوع التانك ده فعلا مشكله سخيفه بس الشكمان عمرة ما وقع منى انا قصدى على المشترك اللى تحت الموتور اول الشكمان يعنى بس فيه احلى من كدة دور على كونتكت كارز هاتلاقى حالات احسن ونصيحه عند شراء اى عربيه شوف عامله كام الف كيلو يعنى لو لقيت حاجه عامله 50000 كيلو ولا حاجه تبقى لقطه وكمان افضل تجيبها فابريكه برا وجوا عشان تضمن ان محصلهاش حوادث ولا حاجه قبل كدة.. هاتبقى اغلى شويه بس هاتريحك
بس لو خدت بالك فى المطبات عادى مش هايدايقك التنك

[motoxp]

موضوع خبط التانك حصل عندى و دى حقيقة
المرايات دى مصيبة بقى انا مغير المرايتين اكتر ما بغير زيت حاجة قرف (احد عيوب السيينا)
قطع الغيار متوفرة وسعرها عادى
ماتورها عنيف جدا

[mohamedmmm2]

موضوع خبط التانك حصل عندى و دى حقيقة
المرايات دى مصيبة بقى انا مغير المرايتين اكتر ما بغير زيت حاجة قرف (احد عيوب السيينا)
قطع الغيار متوفرة وسعرها عادى
ماتورها عنيف جدا

طب ليه مش بتحاول تصلحها انا كنت بصلحها... جرب صلح القديمه اللى عندك.. نمى مجال الابتكار عندك وحتى لو الازاز بتاعها اتكسر بيتغير عادى..
ولما غيرت قبل كدة المرايا جبتها من الوكاله ب 100 جنيه الاصلى بتاعه العربيه

[walid_hashem]

انا كمان يا شباب قدامي عربيه حلوه اوي و نضيفه و انا مش معايا فعلا غير 35000 يعني اتوكل علي الله ولا ايه , انتو خوفتوني من موضوع ان العربيه واطيه في المطبات

[fido2010]

[color="rgb(139, 0, 0)"][color="rgb(139, 0, 0)"]موضوع ان العربية واطية في المطبات ده انا عمري ما شفته خالص
انا ساعات بيبقي معايا في العربية 3 افراد و انا و عمرها ما حكت و لا اي حاجة
انا معايا سينا 2002 ماتورها 1600 و كاملة فول اوبشن
من تجربتي العربية بجد جامده قوي و ماتورها جبار بجد - انا عن نفسي بحب النقطة دي جدا
مش علشان القرص لكن انا بحب العربية تكون عفية اكيد انت فهمني
التبريد و الحرارة طول ما الدورة سليمة و كله سليم عمرك ما هاتشوف العربية سخنت منك
انا يمكن جبت عربيتي غالية شويه بس علشان فبريكة جوه و بره و كانت عامله 73 الف كليو بس
و متغيرش فيها حاجة بره التوكيل
الموضوع يرجعلك في احتياجك ايه من العربية - يعني انت عايز من العربية ايه ؟ وسيلة مواصلات و لا بتستمتع بيها و بتستمتع بسواقتها
الموضوع يفرق جداااااااااااا
و في النهاية ربنا الموفق في الاختيار و شكراُ[/color][/color]