شوفولى حل فى النخعة دى فياتاوية -لان بلدنا .مافيهاش ميكانيكية.

[i_Am_Legend]

ابقى ماشى بالعربية على الاول او 2 مثلا-ودايس بنزين او حارق مثلا الغيار-لو شلت رجلى مرة واحدة الاقى نخعة غبية تحس ان الموتور راكب من غير قواعد-لو جيت ادوس تانى الاقى نفس النخعة -مافيش ولا ميكانيكى لقى حل- خالص -بيقولو القواعد سليمة -وقاعدة الفتيس كمان سليمة انا هاتجنن خلاص.العربية على فى الجرى ما تحسش بالكالام دة -بتبان فى البطئ بس والاشارات -وبتبقى
بايخة قوى فى الغيار الاولانى .انا ركبت سوبر فيورا وكان فيها نفس القصة واقوى 5 مرات من عندى بس بردة صاحبها متعقد ومش عارف من ايه.

[memononos]

كانت عندى فى 128 قمت غيرت الشداد والقواعد كلها قامت راحت بنسبه 60% وبعدين رحت اضبط شويه حاجات فى الفتيس عند ميكانيكى تانى قام قالى ايه ده الشداد ده عاوز يتعدل قام اعد يدق عليه لحد خلى العربيه رجعت تانى زى الاول حاجه زفت خالص
بص غير الشداد وشيك على القواعد وشوف النتيجه

[i_Am_Legend]

ال127 مافيهاش شداد اصلا- قعدتين فى الجناب بس -زى الفيورا.

[yoko]

يعني مش دي العادي بتاع الكربيراتير لإنه عندي برده

[semsem_uno]

يبقي تلاقيكو بتدوسو فرامل من غير دبرياش و تزودو تاني بنزين يا حلوين


انا لما باجي ادوس فرامل بدوس دبرياش ابليها و لما اجي ازود تاني بنزين بوازن بالبنزين قبل ما اخفف رجلي عالدبرياش علشان ميبقاش في اي هزة و الموتور مايتفاجئش ب ار بي ام عالي مرة احدة (اختلاف طريقة قيادة)
ياعني لما انا اسوق العربية بتبقي كأنها اوتوماتيك
تيجي مامتي تسوق تلاقي الهزة او (النخعة) ديه لما تسيب بنزين و ترجع تاني (و غالبا بتبقي عالأول و التاني باينة اوي و بتضايق و تحس انها بترد تاني انما في باقي النقلات مش لاينة خالص الا زي نتشة خفيفة اوييي)

[ayman2]

اكشف على وش الاسبراتير او البوبينه وتاكد انهم تمام قبل اى شىء لان دى مشكله فى كهرباء السياره تؤدى الى اندفاع السياره بشده نتيجه حرق مفاجىء وبالتالى الموتور يهتز بشده داخل الحوض على القواعد وان شاء الله فى ميكانيكى كويس فى عين شمس ناحيه احمد عرابى وانا بتعامل معه منذ زمن

[semsem_uno]

اكشف على وش الاسبراتير او البوبينه وتاكد انهم تمام قبل اى شىء لان دى مشكله فى كهرباء السياره تؤدى الى اندفاع السياره بشده نتيجه حرق مفاجىء وبالتالى الموتور يهتز بشده داخل الحوض على القواعد وان شاء الله فى ميكانيكى كويس فى عين شمس ناحيه احمد عرابى وانا بتعامل معه منذ زمن

انا في الأونو عندي كله الكتروني و مش عندي ابلاتين و كوندنسر ولا حاجة من الكلام ده عندي مشط كهرباء و القواعد بتاعت الموتور جديدة و تمام و البوبينة جديد و الوش بتاع الأسبراتير جديد و كله جديد في جديد اصلي و الكهرباء مظبوطة و الكربراتير كمان مظبوط

ده في الفيات القديم كله و يعتمد علي طريقة القيادة
في الأكسيل بتاعتنا مع انها برده كربراتير بس مش بتعمل ال (نخعة) ديه اوي كده
في الأول و التاني خفيفة اوي و في التالت و الرابع مفيش اصلا يعني لو شلت رجلك من البنزين متحسش انك شلت

[MohssenRashed]

انا عندي نفس الموضوع ده في الاكسنت نفسي اعرف لية بضو؟ وعلى فكرة ماكنتش كدة و سواقتي متغيرتش

[zenger]

يا جماعة بعد ازنكو دى حاجة طبيعية بس انا هريح العضو المحترم اللى بيسال مع احترامى لكل الاعضاء اللى شاركت بس الحكاية اولا انك بتفاجئ الموتور بسرعة تانى على غيار مش متكافى يعنى مكونش بحرق على التانى و اجى ادوس دبرياج و اقوم شايل و دايس بنزين تانى
الموتور طبيعى تركب التالت لكن انت كملت على التانى فسرعة مش بتاعته يا اما كنت تقرص من الاول على التانى و تكمل عليه يا اما كنت تغير التالت و تريح العربية
ممكن تكون فى سنة كهربا زيادة ولا حاجة هى اللى تكون عاملة كده اما لو بتحس ان العربية بتنط مرة واحدة كده بيبقى الكربراتير عاوز يتنضف بس مع البوجيهات لو سليمة نضفها و لو محروقة تتغير و تكشف بالمرة على الابلاتين و الكوندنسر
لكن لو قواعد ماتور لا قدر الله هتلاقى الموتور بيسقف اصلا منك و هتلاقى ترزيع جامد مش خبط حتى
و لو حد عنده حاجة تانية انا معرفهاش ياريت يقولهالنا و ميبخلش علينا بيها و ربنا يوفقك ان شاء الله

[i_Am_Legend]

اخر ميكانيكى قال -الاكس اليمين بالكوبلن اكس كامل عايز يتغير.

[engahmedsamy]

دي كهربة موتور مش مظبوتة و بردو عندي ف الشاهين

[semsem_uno]

اخر ميكانيكى قال -الاكس اليمين بالكوبلن اكس كامل عايز يتغير.

فكك منه ده بيشتغلك

[ayman2]

دي كهربة موتور مش مظبوتة و بردو عندي ف الشاهين

+1
وده اللى انا قولته المشكله كلها فى الكهرباء و ميكانيكى بيفهم مش بقال

[zenger]

لو اكس يبقى انت وصفك غلط يا باشا الاكس يعمل رجرجة او دبدبة جامدة تحس ان العربية بتنط منك على ناحية الاكس البايظ تحس انها هتتلوح من الاخر
لكن اللى انت وصفته فى الاول ده بيدل على كهربا مش مظبوطة و تركيب غيارات غلط زى ما قولتلك ده اللى بيخلى المكنة تكلبش منك و تلاقيها بتنط مرة واحدة كده

[i_Am_Legend]

انا جربت فعلا انا وسمسم -وطلع مافيهاش حاجة -الامن مستتب.الف شكر لراجلة فيات اعظم سيارة فى العالم.