نصيحة جميلة

[zenger]

انا اسمى احمد نبيل طالب بتجارة القاهرة اسمى هنا فى المنتدى zenger
انا ظبط العربية و نضفت الكربراتير بايدى و البوجيها و ظبط الموبينة و الهاند بريك كمان
كل ده بنفسى علشان اظبط و كده
طلعت اجرب الهاند و كان للاسف فى الارض رملة كتير عوم العربية منى فاتخبطت خبطة جامدة و الشنطة من الجنب شكرا
الهاند فى الريجاتا مش حلو
للاسف انا نضفتة و ربطة خليتة ولا الجديد و ادى النتيجة كان اغبى من الجديد كمان
يعنى اللى مش عاجبه هاند الريجاتا يقول الحمد لله
مع العلم انى مش جديد فى حوار شد الهاند انا و الحمد لله طلعت الطلعة بتاعت كوبرى اكتوبر و مرة كوبر 26يوليو
بالهاند بريك و طلعتها دريفت و هى مرة و مكررتهاش
عاوز تدى دريفتات فى مكان واسع و ميكونش فى تراب ناعم كتير ده المغزى لحد يقولك ده لسه جديد ولا حاجة و شكرا و معلش طولت عليكوا بس اهى نصيحة يمكن حد يحب يجرب و يرجع عن اللى فى دماغه فناخد ثوابه
كل عيد و اعضاء نايل موتورز كلهم بخير

[heshamzaky]

قدر الله و ما شاء فعل معلش جت بسيطة و بلاش الحاجات دى بالعربية و الله أفضل و احسن و سلامات يا باشا

[zenger]

الله يسلمك يا باشا و كل عيد و انت بخير

[lameey]

والله ياريت بلاش الحاجات دى بالعربية

والف سلامه ياباشا




.

[yoko]

سلامتك يا باشا
وبصراحة أنا يمكن بجري كتير لكن عمري ما أحب ألعب بالعربيه (بستحرم) والمرة الوحيده الي شديت فيها هاند كنت بفادي إني أنزل تحت مقطورة

[zenger]

الله يسلمك يا باشا هى غلطتى بس انا حسيت بفرق جامد لما اشتغلت فى العربية بايدى ده اللى عجبنى فك الكربراتير و الحاجات دى ظبطت و لما عملت الفرامل بقت ولا الجديد بس الملف كان ضيق و اتنين ورا بعض اخدت الاول و التانى بقى هوة اللى لمست فيه طرف الشنطة كده بس سليمة الحمد لله مسمعتش جوا

[yoko]

الله يسلمك يا باشا هى غلطتى بس انا حسيت بفرق جامد لما اشتغلت فى العربية بايدى ده اللى عجبنى فك الكربراتير و الحاجات دى ظبطت و لما عملت الفرامل بقت ولا الجديد بس الملف كان ضيق و اتنين ورا بعض اخدت الاول و التانى بقى هوة اللى لمست فيه طرف الشنطة كده بس سليمة الحمد لله مسمعتش جوا

أنا لما فاديت المقطرة دخلت يوترن بالهاند كنت 120 لبست الفرامل واول ما إتزنقت ولقيت العربيه مش هتقف والمقطورة قفلت الطريق بالعرض قمت شادد الهاند ودخلت الملف والحمد لله إن العربيه متقلبتش (أفيو)

[zenger]

طب تمام يا باشا الحمد لله انا كنت هتفرم على الدائرى بس دى بقالها كتير كنت يا ادوس اجيب اخر الدواسة علشان اطلع يا كانوا هيطلعوا عليا الجمعة اللى بعدها ان شاء الله