سؤال نفسي أسأله لشركة فيات

[sody]

في حاجه محيراني اوي يا جماعه
هو ليه شركة فيات كل ويه بتنزل موديل وما بتكملش فيه
يعني مثلا التمبرا، الأونو، سيينا وموديلات تانيه كتير أوي نزلوا لفتره قصيره وبعد كده إختفوا
طيب إيه مصير مثلا قطع الغيار ، ما أعتقدش إن الشركه لسه بتصنعها لغاية دلوقتي
حاجه بجد غريبه جدا

[damasry]

اى موديل سيارة الشركة بتلتزم بتصنيع قطع غياره لمدة 10 سنوات وبعد كده بتوقف انتاج قطع الغيار للموديل ده ومصانع قطع الغيار هى اللى بتتولى انتاج القطع.

[hugan]

السبب تراجع شعبيه فيات في مصر بعد ان كانت المتوجه علي عرش السيارات في مصر في السبعينيات والثمانينيات
+ وكيلها الحالي سيء جدا في التوزيع والدعايه والاسعار المبالغ فيها
ونظره المصريين لفيات
يعني اشتري مثلا عربيه ب13000
ولما حد يسال انت راكب ايه يقول فيات
يستغرب جدا السائل وممكن تصعب عليه علي اساس انك راكب 28
+السيارات الكوري والطلب الشديد عليها وسعرها المناسب وقطع غيارها الرخيصه وغير معقده ميكانيكا زي الاوبل مثلا او الميجان

[kamalsalem]

الصراع الازلي بين الكوري والاوروبي على وشك الاشتعال ههههههههه

انا كنت فاكر حاجة تانية لما قريت راس الموضوع.. انه ليه فيات لما بتعمل موديل... بتبوظه على شوية ملح؟

[pioneerahmed]

السيارات الكوري والطلب الشديد عليها وسعرها المناسب وقطع غيارها الرخيصه وغير معقده ميكانيكا زي الاوبل مثلا او الميجان

تعديل بسيط يا باشا الميجان معقدة كهربيا مش ميكانيكيا , الميكانيكا بتاعتها سهلة جدا
الاوبل هى الى الميكانيكا بتاعتها غريبة شوية

و فى الاخر الموضوع نسبة و تناسب عايز اداء افضل ... ادفع

[ahmedmohamed7]

السبب تراجع شعبيه فيات في مصر بعد ان كانت المتوجه علي عرش السيارات في مصر في السبعينيات والثمانينيات
+ وكيلها الحالي سيء جدا في التوزيع والدعايه والاسعار المبالغ فيها
ونظره المصريين لفيات
يعني اشتري مثلا عربيه ب13000
ولما حد يسال انت راكب ايه يقول فيات
يستغرب جدا السائل وممكن تصعب عليه علي اساس انك راكب 28
+السيارات الكوري والطلب الشديد عليها وسعرها المناسب وقطع غيارها الرخيصه وغير معقده ميكانيكا زي الاوبل مثلا او الميجان

كلام حضرتك مظبوط بس ايه علاقة الكلام ده ب السؤال؟السؤال بيقول ليه فيات مش بتستمر فى انتاج موديل معين لمده طويله السؤال يخص فيات الام و ليس ليه علاقه بمصر خالص :)
تقبل تحياتى :)

[ahmedmohamed7]

تعديل بسيط يا باشا الميجان معقدة كهربيا مش ميكانيكيا , الميكانيكا بتاعتها سهلة جدا
الاوبل هى الى الميكانيكا بتاعتها غريبة شوية

و فى الاخر الموضوع نسبة و تناسب عايز اداء افضل ... ادفع

+1

[yoko]

فيات مستمرة في إنتاج الأونو والسيينا وكل الكلام ده لكن بتجمعه حاليا في البرازيل
FIAT - Movidos pela paixمo

[ahmedmohamed7]

و الله السؤال ده كنت بسالو لنفسى كتير و مستغرب ...على سبيل المثال احنا فى البيت عندنا عربيه ريجاتا العربيه ده الى حد علمى انها كانت صاحبة مبيعات و جوده و خامات و تكنولوجبا متقدمه جدا فى وقتها العربيه ديه انتجت من سنة 1984 و قى سنة 1990 نزل موديل اسمو ريجاتا نوفا و هوبا و خلاص على كده و نولو بدلها التمبرا باين و حصل نفس الكام مع التمبرا مع انها عربيه ممتازه بردو :(

حاليا ان شايف بارقة امل فى البونتو من 1993 حتى الان اعتقد انهم بيحسنوا الموضوع ده حاليا :)

[hugan]

فيات مستمرة في إنتاج الأونو والسيينا وكل الكلام ده لكن بتجمعه حاليا في البرازيل
fiat - movidos pela paixمo

[hugan]

كلام حضرتك مظبوط بس ايه علاقة الكلام ده ب السؤال؟السؤال بيقول ليه فيات مش بتستمر فى انتاج موديل معين لمده طويله السؤال يخص فيات الام و ليس ليه علاقه بمصر خالص :)
تقبل تحياتى :)

الاجابه في رد يوكو
السينا مازالت شغاله والاونو
العيب ليس في فيات
المشكله مشكله تسويق في مصر

[hugan]

تعديل بسيط يا باشا الميجان معقدة كهربيا مش ميكانيكيا , الميكانيكا بتاعتها سهلة جدا
الاوبل هى الى الميكانيكا بتاعتها غريبة شوية

و فى الاخر الموضوع نسبة و تناسب عايز اداء افضل ... ادفع

يا باشا مش فارقه كتير
كهرباء من ميكانيكا
كلها مشاكل

[ahmadmidop]

والباليو لسه مستمرة بردووووو

شكر يااحمد على الموقع

[yoko]

والباليو لسه مستمرة بردووووو

شكر يااحمد على الموقع

العفوا

[sody]

طيب ليه مابتنزلش مصر؟؟؟
وبعدين أنا مش حاسس فكرة إن الفيات عربيات تعبانه عشان مرتبطه عندنا بال 128 و ال 131 والموديلات القديمه دي
بالعكس أنا شايف إن الشركه دي قديمه جدا وأكيد عندهم خبره عاليه جدا في تصنيع العربيات وإن 128 و 131 دول كانوا أعلي تكنولوجيا موجوده في العصرهم بدليل إن 128 كانت أحسن عربيه في العالم سنة 1970، والشركه كمان عتيقه فأكيد العربيات الجديده منها ممتازه
هو في حد مثلا ينسي موديلات المرسيديس القديمه اللي كانت بتطلع في الأفلام الأبيض والإسود؟؟ كانت أشكالها غريبه بس في وقتها كانت أحسن عربيات في العالم