ايه رايكو فى بونتو 2003

[fouady]

اسعار قطع الغيار مثلا الجديده من التوكيل
بوبينه 140
طقم بوجيهات 134
سير كاتينه 115
بليه كاتينه 85
طقم دبرياج كامل اسطوانه وبليه وديسك 950
جوان غطاء تاكيهات 35
جوان فرن الشكمان 55
اويل سيه موبينه 5
فلتر هواء 65
دي كلها اسعار الجديد ومن اوماترا جسر السويس
اسعار الاستيراد
كبوت 500
اكصدام خلقي او امامي 250
باب فاضي 250
باب مليان بالزجاج والمكن والفرش 650
فوانيس فيات اصلي الواحد 350
سربنتينه تكيف و ريداتير و مروحه(طقم تبريد كامل ) 900
قاعده موتور 100
قاعده فيتيس 100
بس ولو في اي حاجه تاني انا تحت امركم

الله ينور

[eng_ahesham]

وعليك يا ريس
العربيه دي بنتي التانيه اصلا

[foffos]

طيب يا جماعة أيه أخبار البونتو كلاسيك 2011
أنا عايز أعرف أيه الفرق بينها وبين 2003 وأنهي أحسن

وهل هي كويسه ولا أدور على حاجة تاني في نفس الفئة السعرية

وشكرًا

[placebo_sh82]

شكرا على النصائح المفيدة جدا تعبتكم معايا....اخر حاجة هسئل عليها التكييف و وسع الشنطه وامكانية استخدامها ووسع العربيه نفسها ...انا ركبت 2009 وعارف انها ضيقة عن 2003 هل ده صحيح اصلى لسه مشفتهاش من جوه قبل كده وبيعجبنى شكلها من بره....اناعيلتى صغيرة 3 افراد بس

[fouady]

بص واسع العربية أنا شيفه 100 100 يعني 5 مستريح وكمان أنا طولي 182 الشنطة هي مش تتقارن بالسدا بس مقرنا بالي زيها هتش
بج هي أكبرهم التكييف اداه حلو فـال حر جامد بيخدلله من 7 لا 10 دقيق كده ويبقى حلو وتأثيره على الأول وبعد كده مش بتحس بيه

[fouady]

بص واسع العربية أنا شيفه 100 100 يعني 5 مستريح وكمان أنا طولي 182 الشنطة هي مش تتقارن بالسدا بس مقرنا بالي زيها هتش
بج هي أكبرهم التكييف اداه حلو فـال حر جامد بيخدلله من 7 لا 10 دقيق كده ويبقى حلو وتأثيره على الأول وبعد كده مش بتحس بيه

[placebo_sh82]

والله انا كنت خلاص شبه استقريت المشكلة ان فى ناس قرايبى بيقولولى ابعد عن الفياااااااااااااااات عموما وخليك فى لانوس 99 مثلا هتبقى افضل...رايكو ايه انصحونى دى الفلوس اللى معايا وخايف اندم

[fouady]

لو ركوبه مينفعش تقرين ده ب ده ك بنزين البونتو اوفر النص ويمكن أكتر من اللنوس ك اعطال البونتو أقل كتير من ال دايوو يعني إن شاء الله لو جبت واحدة ندفع كده واهتميت بالسينات الدورية فـمعدها بتهيألي مش هتقف خالص إن شاء الله يمكن الحاجة الواحدة اللي تكسب فيها اللنوس إنها قطع غيار ارخص ومنتشرة أكتر لانها دايوو

[placebo_sh82]

والصيانة لازم فى التوكيل ولا فى صنايعية كويسين بيفهموا فيها...يا ريت تدلنى على حد فى جسر السويس

[placebo_sh82]

انا لسه مكلم التوكيل عشان احجز ميعاد للكشف على العربيه المهم حسيت انهم ميفهموش حاجة معرفش ليه وكذا مر اتحط على الويتينج وفى الاخر قالى عايزين االاسم وبعد كده هيكلمنى بتوع الحجز يحددوا ميعاد...اظبطها ازاى بين شغلى وشغل اللى هشترى منه؟ولا اكبر دماغى واوديها بنزينة وخلاص

[mohamedmmm2]

انا نصيحه طبعا السيينا افضل كتير من حيث الحجم والموتور والسحب والتكييف..
واصلا انت لو هاتقارن يبقى تقارن البونتو بالبيكانتو واللانوس بالسيينا..
وانا كان معايا سيينا وعارف العربيه دى بتعمل ايه موتورها عنيف وبتستحمل كتير.. سحبها احسن من اللانوس بمراحل والفتيس افضل من اللانوس بكتيييييييييييييير.. انا بعتها 211000 كيلو وكانت سحب وعزم الزيرو والله (انا بجرى جامد على فكرة وغرز وكدة)
لو عاوز تقارن السيينا بالبونتو اكيد هاتبقى مقارنه فاشله عشان السيينا دى اختها الكبيرة.. بس بجد شنطه السيينا كبيرة جدا جدا 500 لتر اكبر من العربيات اللى زيها والبونتو 270 لتر..
الاتنين طبعا تحفه بس مش واسعين وسيبك من اللى هايقوللك الكلام دة.. انا متعود ارجع الكرسى ورا شويتين برضه يعنى بس هى عاديه جدا من ورا مش واسعه ومش ديقه والسيينا اوسع من البونتو طبعا..
موتور السيينا افضل من موتور البونتو طبعا هو 71 حصان وكانت احسن بكتير فى السحب من اللانوس 83حصان والافيو 86 حصان وسحبها زى الكليو ال 1400 بالظبط 95 حصان (الكلام دة كله عن تجربه والله) واللانسر ال 1300 والتويوتا ال 1300 مابياكلوش عيش معاها(الفرق بس فى السرعه القصوى مش التسارع)
انا اقصى حاجه جبتها بالسيينا كانت 184 تقريبا و ممكن كنت اكمل بس ال rpm كان هايعدى ال 6500 لفه (هايخش فى الاحمر يعنى)
نصيحه احسبها مع نفسك وحسب استخدامك وشوف العربيه اللى تناسبك من حيث السحب والحجم بس اكيد طبعا خليك فى الفيات بجد مفيش مقارنه على الاطلاق.. انا لما بعتها والله ماكنت عاوز اشترى غير فيات بس للاسف الفلوس ماسمحتش.. بس جبت المانى برضه الحمد لله.. بس اللى هايسوق الاوروبى بصفه عامه مش هايعرف يسوق الكورى ولا حتى اليابانى..
بس عشان ماكدبش عليك هى نسبيا يعنى قطع غيارها اغلى من اللانوس والاكسنت الحاجات اللى فى نفس الفئه بس اداء افضل بمراااااااااحل ومستوى امان ممتاز فعلا (عن حادثه ربنا يكفيك شرها والدى نام وهو سايق والحمد لله محدش حصله حاجه رغم ان العربيه اتبهدلت اوى والحمد لله محدش اتخربش حتى وجارى برضه عدى لرصيف النحيه التانيه وخبط عربيه فى المواجه والحمد لله محصلوش اى حاجه بالرغم من ان العربيه اتدغدغت)

[placebo_sh82]

انا حابب شكل البونتو عن السيينا بس قعدت مع واحد امبارح قاللى الباور سيتى ده بيبوظ بسرعه وماكله كتير ايه رايكو

[eng_ahesham]

لا بيبوظ ولا حاجه بس اللي يزييد عن حدوا يتقلب لضدو