برجاء المساعدة يا شباب

[abdo_kmal]

حد فيكم يا جماعة سمع عن car spa ؟؟ هي زي شركة صغيرة كده في إسكندرية شغلتها العناية بالسيارة من الداخل والخارج …. يعني زي التلميع ومعالجة الخدوش وال كلام ده ….أنا سمعت عنهم وكنت بفكر ارحلهم بس كنت عايز أسأل الأول هل في حد جربهم قبل كده ؟؟!! أو حتى سمع عنهم ؟!! يا ريت شباب اسكندرية بذات يفيدوني …شكرا

[Eng_Moh.Dewair]

انت قصدك على اللى فى سموحه فى البنزينه ؟

[abdo_kmal]

آسف على تأخر الرد ....أيوه هو أساسا عندهم ورشة في سيدي جابر بس كمان دلوقتي فاتحين في Esso سموحة ....حضرتك جربتهم ؟!!

[Eng_Moh.Dewair]

لا مش انا اللى جربتهم ده واحد صاحبى و هو جرب اللى فى سموحه
على العموم هم كويسين بس لازم تكون موجود اثناء تنظيف وتكون متابعهم كويس

[abdo_kmal]

21 مشاهدة ورد وحييد !!!! منوريين يا شباااب !!

[Eng_Moh.Dewair]

معلش ممكن انا بقى اسالك عن حاجه هو انت جيبت الفيات البرافو بكام ؟ وهل هى فعلا مش ثابته ؟ وانت بتحطلها بنزين كام؟ وناوى تعمل الصيانه فين ؟ والف مبروك على العربيه

[abdo_kmal]

شوف يا باشا ...... أنا جايب pkg 5 اللي هي بـ 145000 ...... والحمدلله العربية معايا باسم الله ما شاء الله زي الفل حتى الآن ....وبالنسبة للثبات أنا من تجربتي معاها واللهِ شايف إن ثباتها جيد جدا يعني بافتح سرعات زي ماأنا عايز وباخد غرز زي الفل واللهِ وبعمل كل اللي أنا عايزه بيها والحمدلله راضي جدا عن أدائها معايا ....ومعملتش معايا مشاكل ولا في الثبات ولا الفرامل (اللي بالمناسبة ممتازة جدا جدا جدا ) زي مافي ناس قالت وأنا اعتقد إنها مشاكل فردية ....وطبعا أنا بحط بنزين 95 زي الكتالوج مابيقول مليش دعوة بكلام التوكيل اللي بيقول 92 ده ....وال صيانة إن شاء الله أنا معتمد إن عبال ماتعمل معايا 5000 كيلو يكونوا فتحوا فرع التوكيل في إسكندرية ..هي دلوقتي عاملة معايا 2000 كيلو في شهرين .... والله يبارك فيك يا باشا وتحت امرك في أي سؤال

[Eng_Moh.Dewair]

يعنى ثباتها ممكن يتقارن بالاوكتافيا a5 ؟

[abdo_kmal]

شووف يا باشا اكدب عليك لو قلتلك آه أو حتى لأ ....عشان أنا أصلا ماركبتش A 5 قبل كده ..... لكن أنا ركبت حاجات تانية زي السيات ليون و هوندا سيفك ومازدا 3 الجديدة وبصراحة مفيش فرق ...أنا رأيي إن عربيتي والحمدلله ثباتها جيد جدا وأنا راضي عنه .... لكن في نفس الوقت مثلا أنا معايا برده Peugeot 407 وطبعا دي ثباتها خررااافي وفي فرق بينها وبين البرافو في الثبات .... عندك برده برده السوبارو مع إن البرافو أحسن منها لكن السوبارو ثباتها افضل ... فـفي النهاية إنت بتقيم العربية ككل ...... لكن أنا باقولك والله على موضوع تشكيك الناس في ثبات البرافو ده غير صحييح

[Eng_Moh.Dewair]

الف شكر يا باشا انت كده طمنتنى
على فكره انا اسمى محمد دوير طالب فى هندسه اسكندريه

[abdo_kmal]

ياا رااجل !!! أنا اسمي عبدالرحمن كمال و أنا معيد في كلية هندسة جامعة إسكندرية يعني طلعنا بلديات أهوه ....إنت قسم إيه ؟!

[Eng_Moh.Dewair]

غاز طبيعى و بتروكيماويات