استفسار عن العربية فيات 1100 (القردة ) ؟

[misoalex]

مع احترامى لحضرتك الواضح ان حضرتك راكب سيات يعنى مش هتفرق كتير فى الركوبه عن دى انا اسف لو هاضيقك بس انا بقولك وجهة نظرى

اولا انا مش راكب سيات معلوماتك غلط انا كاتب العربيه الاولى سيات
يا سيدى الفاضل ولو على الفرق بين الاتنين لا الفرق كبييييييييييييييييييييير
وانا ركبت 3 عربيات سيات ورا بعض وكلهم معدلين فى الشكل والموتور يعنى اول واحده كانت فيها عتب وكساحات وفتحه سقف ولونها نحاسى ميتاليك وبموتور 127 وصالون وتابلوه بيج
اركب السيات ولا العربيه الى فى الصوره الى من ايام تحتمس

تركب سيات بالمواصفات الى بقول عليها ولا تركب 1100

وبعدين السيات ليها جمييييييييييييع قطع الغيار جديده واستعمال
وبيتعدل فيها كل حااااجه حتى الموتور بيتغير بواحد 127 زى مكنت عامل وانا كنت بحب السيات جدااااااااا لانها عربيه لذيذه وخفيفه ولو هى مش عجبانى مكنتش ركبت 3 عربيات ورا بعض سيات كنت غيرت لاى حاججه تانيه


حضرتك بقا ال1100 صاحبى كان شاريها ب 7 الاف وكان داااااااايخ بيها ومش لاقى ليها قطع غيار ولا حد بيفهم فيها وحتى حاجات عبيطه مكانتش موجوده ليها زى الفوانيس والباغات بتاعه الاشارات و حاجات فى المكانيكا وغيره وكانت بتقف بالاسابيع عشان قطعه غيار ده غير صوت الكرونه الجمييييييييييل الى اقوى من صوت الموتور الى يخليك تنزل من العربيه عامل دماغ موسيقى ميكانيكيه
والسيات طبعا حاجتها موجوده عند البقال وارخص من 127 وبتتوافق معاها فى حاجات كتير
اظن الميزه الى فى ال1100 ان الموتور ادام (بس برضه بتسخن ) والعربيه ليها باب ورا بس برضه ضيقه جدااااااااااا
انا بتكلم عن تجربه العربيتين وشوفت الفرق بينهم والفرق كبيييييييييييييييير

ولو حضرتك امتلكت عربيه من ال 2 ياريت تقول ايه وجهه نظر حضرتك وتجربتك

[moamen_mo3gza]

الصراحه مركبتش العربيتين دول بس انا مش قصدى ازعلك لا والله عادى بس ادينا بندردش وسورى لوزعلت من كلامى وبعدين السيات عربيه زى الفل علشان انتا ركبتها هههههه

[misoalex]

الصراحه مركبتش العربيتين دول بس انا مش قصدى ازعلك لا والله عادى بس ادينا بندردش وسورى لوزعلت من كلامى وبعدين السيات عربيه زى الفل علشان انتا ركبتها هههههه

لا يا باشا ربنا ميجيب زعل بس انا بشرح الفرق بين العربيتين وانه فرق كبير (لو بنقارن بينهم على اساس انهم من نفس الفئه )

وهى السيات مش جميله اوى كده برضه فيها عيوب ومشاكل وغيره بس اغلبها بيتم التغلب عليها بحلول وفهلوه المصرين ههههههههههه

وبرضه الاحسن طبعا من ال 2 ال 127 مهما كان