قلقان بصراحة ياريت حد يطمنى من غلطة كهربائى !

[nicegypt]

اللى حصل بأختصار ان العربية كان الكهربائى بيركب المارش بعد اصلاحة
اثناء التركيب خبط فردة سلك من التيرموستات الخاصة بمرواحة الريداتير
المهم حاسبتة على مصنعيتة وجيت اركب العربية قالى استنى شوية علشان يطمن ان المروحة اشتغلت
قربت من العربية حسيت بصهد حرارة غير طبيعية
بصيت على امبير الحرارة لقيتة 120 والمؤشر بيرفع ببطئ يعنى هيعدى
بطلت العربية فوراَ وقلت لة لقى سلك المروحة مفكوك من الترموستات طبعا اضايقت جدا وكنت على اخري
انتظرت لحد ما العربية بقت فى درجة حرارتها الطبيعية واخدتها ومشيت بيها شوية وجريت بيها
والحمد لله سحب زى الفل وكلة تمام .. طبعا العربية كان معمول لها عمرة فى شهر رمضان للعلم
وقلقان من اللى حصل دة يكون اثر على حاجة وانا لسة دافع مبلغ محترم على السيارة
مش عارف اية رأيكم من الناحية العلمية .. والناحية العملية فى السيارة .
وامتى يكون فية خطر فعلاَ على الماتور .. اشكركم .

[bassem.naguib]

ولا حاجة يا باشا .. خطأ وارد يعمله أي صنيعي .. هو السلك اتشال من مكانه وركبه تاني .. مفيش أي مشاكل خالص .. اطمن طالما المروحة شغالة وبتفصل والحرارة مبتزدش عن الطبيعي .

[nicegypt]

انا قلقان ليكون فية حاجة اتسلعت .. جوان وش سيلندر مثلا نشف .. سبيكة اخدت لسعة بسيطة
قلقان لتكون اثرت على حاجة لان 120 درجة مش سهلة

[bassem.naguib]

متقلقش يا باشا .. علشان يحصل اللي حضرتك بتقول عليه لازم تكون الحرارة مستمرة لفترة طويلة وأنت مش واخد بالك.

وعلى العموم لو قلقان قوي تابع أداء العربية في الفترة اللي جاية .. وإن شاء الله مفيش حاجة .