بطاحات اللينيا كنت فاكرها باظت .....................

[elysmeen]

كنت بالعربية اول امبارح فى مشوار فى العالمين وكنت ماشى فى مدق تراب والتراب بتاعة كان ناعم جدا زى البدره واول مخلصت المشوار لاحظت صوت فى العجلة الشمال قدام مكدبتش خبر ورحت مركز خدمة النيل الطارق اللى فى اسكندريه وقبلت هناك مهندس الصيانة وبص على العربية واول ماشفها
قال ان البطاحة الشمال باظت
قلت لة غيرها هى مش فى الضمان
قال لا البطاحات برة الضمان
قلت لة طيب هى تمنها كام
قال 375 الواحدة غير التركيب والضريبة
قلت غيرها
قال هى مش موجودة عندنا دلوقتى استنى نطلبها واول ماتيجي نتصل بيك ولحد ماتوصل دة مفيهوش خطر على العربية
قلت لة شكراااااااااااااااااااااااااااا
واخدت العربية ورحت لواحد ميكانيكى انا واثق فية
ام جاى حالل المساعد وفك البطاحة ونضفها كويس وشحمها وركبها ده كلة خلال ساعة واخد 80 جنية
والحمد لله الصوت راح

[MNabeih]

طب الحمد لله انها ما باظتش, وقعت قلبي

بس شكرا علي المعلومة.

[yoko]

الحمد لله وكنت لسه هقولك نضفها لإن عشان البطاحة تبوظ صعب جدا

[mohamedmmm2]

مين قاللك انها برة الضمان انا غيرت بطاحات البولو فى الضمان على حسابهم مع انهم كانوا برضه عاوزين يتشحموا بس ماكانوش بايظين

[elysmeen]

قالوا كدة فى مركز الخدمة
و لازم ناخد موقف مع اوماترا لان الظمان وهمى

[yoko]

قالوا كدة فى مركز الخدمة
و لازم ناخد موقف مع اوماترا لان الظمان وهمى

مش شرط لإن الي قال كده مركز خدمة مش التوكيل فإحتمال يكونوا بيستهبلوا عشان يخدوا فلوس

[elysmeen]

ممكن حد بيروح التوكيل يعرف لنا ايه الحجات الى بره الضمان ويعمل بيها مشاركة ونروجو من الادارة تثبيتها

[yoko]

ممكن حد بيروح التوكيل يعرف لنا ايه الحجات الى بره الضمان ويعمل بيها مشاركة ونروجو من الادارة تثبيتها

موجوده في كتيب الضمان

[Eng_Moh.Dewair]

موجوده في كتيب الضمان

الحمد لله انها جت على قد كده بالنسبه بقى للحاجات اللى بره الضمان ومكتوبه فى كتيب الضمان ده فى كل الماركات ولا الفيات بس ؟

[yoko]

دي غالبا هتلاقيها مشتركة في كل الشركات ممكن تلاقي إختلافات بسيطة

[onz]

انا عارف انه سوال عبيط
هــــــــــــــــــو يعني اه بطاحة؟؟؟؟؟؟؟
اللي هو مخفف الاصطدامات يعني !!!!!!!

[S.S.E]

انا غيرت البطاحات للفردتين فى التوكيل بالضمان و الكلام ده لما كنت بسمع صوت تزييق و قالولى ممكن تكون علبه الدريكسيون وطلع فى الاخر بطاحات وغيروهالى فى الضمان وخرموا فى الكابوت من الداخل
مش عارف ازاى قالولك بره الضمان

[yoko]

انا عارف انه سوال عبيط
هــــــــــــــــــو يعني اه بطاحة؟؟؟؟؟؟؟
اللي هو مخفف الاصطدامات يعني !!!!!!!

دي القطعة الكاوتش الي بتمسك رأس المساعد

انا غيرت البطاحات للفردتين فى التوكيل بالضمان و الكلام ده لما كنت بسمع صوت تزييق و قالولى ممكن تكون علبه الدريكسيون وطلع فى الاخر بطاحات وغيروهالى فى الضمان وخرموا فى الكابوت من الداخل
مش عارف ازاى قالولك بره الضمان

ده مركز خدمة في إسكندرية والكل أجمع إنهم مش قد كده

[S.S.E]

ده مركز خدمة في إسكندرية والكل أجمع إنهم مش قد كده

انت هاتقولى.. ده انا جربتهم لما الزجاج الخلفى اتكسر وكان فى مشاكل مع اوماترا

[onz]

دي القطعة الكاوتش الي بتمسك رأس المساعد

ياااااااااه
و للدرجة ممكن تبوظ من المشي علي التراب كتييييييييييير
المفروض حاجة زي دي تتاثر من المطبات و الطوب و النقر الكتير