طلعة أكتوبر_اجيلوا يمين_يجيلى يمين_اجيلوا شمال يجيلى شمال_طاخ!_وباليو إتعورت.

[ahmdmagdy]

الحمد لله جات بسيطه

[mr_sameh]

الحمد لله علي اي شئ

[mhmdalsaadany]

حمد لله علي سلامتك يا كبير وسلامه باليو الف سلامه المفروض تبخرها من عيون العربيات الجديده ههههههههههه

[kamalsalem]

فكرتني بالبولونيز لما كانت سليمة.. واحد بتويوتا افنسيس دخل فيا من ورا... عربيته اتكلفت 25ألف وانا عربيتي اتكلف 3 جند

[أحمد الجندى]

قول بسم الله ما شاء الله على عربيتك ما يحسد المال إلا اصحابه .

بالنسبة ليا أول ما اشوف حد قدامى أو ورايا بيتكلم فى الموبايل وهو بيسوق بابعد عنه خالص ولو حكمت وامشى وراه بتبقى عينى فى وسط راسى ، اما بقى لو كانت ست فأنا باتشاهد بصراحة !!

[i_Am_Legend]

الستات_معظمهم_مطلع الرخصة بالواسطة_للأسف.تحولوا_لقنابل موقوتة فى الشارع_اهزة تنفجر_فى إنسان سواء ماشى او راكب سيارة.والمرور والكوسة هما السبب.

[semsem_uno]

يكونشي الراجل فاكر نفسه بيلعب Frogger

الف سلامة عليها ديه حبيبتي !! و قول ما شاء الله عليها

[moh.aboelkheir]

حصل خير الحمد لله ... انا بقى النهاردة ماشي في خالي و كل شوية حد يحدق عايا و والله جنبو كان فاضي و انا لازق في الرصيف .... يا رب خلصنا من الحم ....* يا رب

[power]

حلال فيها بصراحه

[i_Am_Legend]

حلال فيها بصراحه

مين اللى حلال فيها _اوعى يكون قصدك باليو.ههههههه

[ayman2]

حمدا لله على السلامه وجت سليمه .... لكن انت مش كنت بعت السياره ولا انا فهمت غلط

[aymanay32]

اوعى تطلع المطلع دة تانى على سرعة 60 لانهم بيحطوا واحد تقريبا تابع للمرور فى اخر المطلع و بيعمل الحته دى اشارة و يوقف الطريق فجأة فخلى بالك علشان لو على سرعة 60 انته اللى هتلبس فى اللى فوق كمان انته مش هتشوفه كويس الا لما تطلع فوق على الكوبرى و بيقف على ايدك الشمال

[moh.aboelkheir]

بمناسبة كوبري الحوادث كوبري اكتوبر ماشي قبل منزل صلاح سالم و طبعا الحتة دية على طول فاضية ف كنت جايب 100 و مخنوق من السواقة في الجيزة و قرفها ... الفكرة مرة واحدة للقيت جين 2 ضرب فرامل ( السبب غير معروف ) راح وراة فيرنا ضربة فرامل و البس .. و العبد لله وراهم بردة فرامل ... بس بهدوء اعصاب كدة عملت ذجذاج خفيف علشان ازود المسافة و لو 10 سم ... و الحمد لله بجد العربية وقفت قبل الفيرنا ب مللي و انا اعني مللي ... انا طبعا افتكرت نفسي خبط فشوفت العربية كدة قعدت اضحك من الفرحة و رضى ربنا عني الحمد لله بجد ... و بعد كدة قلت لبتاع الفيرنا قدر الله و ماشاء فعل و خلعت ... طبعا الجين 2 و الفيرنا بقو بزرميطة و انا الحمد لله مخدتشتش العربية الحمد لله بجد

[i_Am_Legend]

الحمد لله ربنا بيسترها معانا جامد والله_بنت ماشية على أكتوبر بردة_انا ماشى فى الشمال 100 كيلو_وببص جنبى لقيت بيكانتو _سايقاها بنت حوالى 30 سنة_قافلة المراية الشمال_وبتتلكم_بايديها فى الموبايل_لانها مش محجبة_فمش مسقطة الموبايل جوة الطرحة!!_وقافلة الأزاز_وصوت الموتور عالى جدا_تقريبا حرقة على الغيار ونسيت_وطبعا قافلة ازازها_ولا هى هنا_وعمالة ترمى عليا_هاتطلعنى على الرصيف_انا فضلت مسنتر الدريكسيون_ورحت مسقط 3_وحرقت طلعت قدام_أكصدامها حكنى من إلاكصدام الخلفى بردة_رحت طالع قدامها ومشغل إنتظار_وشدت الهاند_ونزلتلها!!_وانا اصلا قرفان_وبقالى فترة كدة ساكت ومش بتنرفز_وجت فيها هى بقى_رحت فاتح الباب وفاتح المراية المقفولة! وقولتلها يعنى قافلة المرايا_وبتتكلمى فى الموبايل_ حضرتك_هاتقلبينى من على الكوبرى_سيبى الزفت دة_او اشتريلك سماعة_والناس واقفة ورا بتتفرج_وساكتين_ماحدش داس كلاكس حتى_وهى ردت بكل بروود_ماختش بالى_قولتلها نعم_انتى مش حاسة اصلا_وللأسف البنت شاكلها بتشرب حاجة_لأنها كانت بتدخن كمان وشميت الريحة لما فتحت الباب_مع إنى بحترم الجنس الناعم جدا جدا_وبمسك نفسى معاهم_بس دى بقى_جننتنى_انا فعلا كنت هاطلع على الرصيف_مع إن الحارة اليمين فاضية_هى ماشية فى النص_بعدها رحت رازع الباب _بسبب ردها البارد جدا_ورحت راكب عربيتى ولحد ما نزلت مدينة نصر_وهى ماشية فى اليمين زى ال.. وسابت الموبايل.

[moh.aboelkheir]

بجد كوبري اكتوبر دة لعنة ... ربنا يسترها علينا منه