شوفت ألفا روميو 2006 هاتش باك

[mado_9999]

السلام عكليم انهارده شوف عربيه الفا روميو هاتش باك فى معرض اقولت ايه دخلت سالت لقت موديل 2006 والمهم قاعدت ارغى مع الراجل الا شغال فى معرض وقولت متعرفش بكام قال لا لم يجى صاحب المعرض وقال ان صاحب العربيه عايز بيع عشان مش لقى قطع غيار بره التوكيل والتوكيل نارر بس قولته اوك بصراحه العربيه شكله حلو اوووووووووووووووى بس هل فعلا عربيه زى الفا روميو مفيش قطع غيار بره التوكيل ؟؟؟؟؟؟؟؟؟؟؟؟

[power]

اعتقد 147 صح

[mado_9999]

ااا

بصراحه مش عارف بس هى نفس وش الفا روميو العاديه

[mohamedmmm2]

دى 147 1600 سى سى 115 حصان..
حد بقى شاف ال 156 موديل من 2003... بجد اكتر من تحفه شكلها رهييييب يثبت اى حد فى مكانه.. العربيه دى بجد حلم حياتى.. اوعدنى يارب
بس انا اعرف حد كاب من سنه ونص كدة الفا 156 موديل 2001 وكان بيجيب لها قطع الغيار من برة التوكيل عادى بس بصراحه غاليه شويه بس معمرة جدا ما شاء الله..

[mado_9999]

السلام عكليم

بس العربيه دى مش منتشرة خلص عشان ده مفيش حد بيع قطع غيار على ما اعتقد العربيه الهاتش باك 2006 دى شكله مش ممكن جميله اووووى بس للاسف هنا فى مصر مفيش حد بيركب الف روميو

[yoko]

دى 147 1600 سى سى 115 حصان..
حد بقى شاف ال 156 موديل من 2003... بجد اكتر من تحفه شكلها رهييييب يثبت اى حد فى مكانه.. العربيه دى بجد حلم حياتى.. اوعدنى يارب
بس انا اعرف حد كاب من سنه ونص كدة الفا 156 موديل 2001 وكان بيجيب لها قطع الغيار من برة التوكيل عادى بس بصراحه غاليه شويه بس معمرة جدا ما شاء الله..

للأسف شفت ال156

[Moe86]

عربية جميلة فعلا بس مالهاش حظ فى مصر زى الفولفو كدة

[M.almaghraby]

انا بقا شفت ال 156 الفيس ليفت فوق ال 2003

حوالي 4 مرات

عربية منتهي الروعة ,, شكلها عالحقيقة .... وهم ... بجد . نفسي فالعربية دي :(

[mado_9999]

ااااا

معاك حق فى عربيات كترررر مش منتشرة فى مصر رغم انها عربيات جميله بس مش هتبقى اجمل من الا شوفته موديل 2006

[abdelmessih67]

العربية غالبا 147 و لو أن ال 146 تقريبا شكلها شبه الهاتشباك لان عرض الشنطة صغير .

أنا عايز أقولك حاجة يا أخ مادو اللي واخد توكيل الصيانة الخاصة بفيات و الفاروميو هو اوماترا لكن اللي واخذ توكيل قطع الغيار هو الكيلاني في شامبليون و مرة ذهبت لتوكيل البرقان في فيصل و هو فرع من فروع أوماترا لقيت كل فواتير قطع الغيار طالعة من الكيلاني و لقيت التوكيل نفسه بيتصل بالكيلاني بالتليفون يسأله على قطع غيار هيوردها للتوكيل .

يعني ممكن تجيب قطع الغيار من الكيلاني و كمان يوسف عنده قطع غيار الالفاروميو و هي غالية جدا لكن معمرة جدا و كل فترة طويلة لما بتغيرها بالاضافة الى أمانها الشديد .

فعلا للأسف السوق المصري لو بيقدر العربيات المحترمة و ليس فقط الرخيصة لانتشرت الفاروميو كالنار في الهشيم

[mohamedmmm2]

على فكرة قطع غيار الالفاروميو موجودة عادى بس غاليه شويتين..
انا سامع عن واحدة تقريبا فى مصر الجديدة بتبيع قطع غيار الالفا فى الفيلا بتاعتها من ايطاليا على طول.. واى حد معاة الفا غالبا هايكون عارفها

[mohamedmmm2]

بس بجد انا اتثبتت فعلا لما شفت الالفا 156 الموديل اللى فوق 2003 شكلها فعلا فظيييييع انا فضلت واقف قدامها شويه مش عارف اعمل ايه بالظبط.. فيه جمال كدة فعلا.. وكمان كان لونها رمادى فاتح .. اوعدنى يارب