حكايه جديده مع تاكسى فيرنا و الميكروباص يا رب ارحمنا بقى

[amrseba]

بسم الله الرحمن الرحيم

اولا بجد بقت حاجه مستفزه اوى ياعنى الميكروباصات و التاكسيات و الموتوسيكل الصينى الى العيال ركباه و كل واحد معاه 3 جنيه فى جيبه رايح يجيب موتوسيكل

حكايتى مع الميكروباص الاول

وانا ماشى لا بيا و عليا و لا حوليه و بسمع اليسا و مندمج مع الاغنيه

الاقى واحد بى ميكروباص واخد من اقصى الشمال لا اقصى اليمين طب ده تعمل معاه ايه ياعنى راجل متخلف اصلا و ملوش فى اى حاجه بس ربنا سترها الحمد لله

تاكسى الفيرنا بقى عندنا طريق رايح جاى وانا ماشى برده لا بيا و لا عليا و لا حوليا و بسمع عم حماقى و انا جيلك و نويها

الاقى الراجل بتاع التاكسى ماشى فى الطريق اليمين و انا واخد الشمال و هو جاى فا فيه زى مطب كده نحيته و لا حته مكسره فى الارض كده الى زى الحفره و الراجل جى بسرعه وانا ماشى براحه مش بجرى اصلا القى صحبنا بدل لما يهدى عشان ياخد البتاع ديه لا يعمل ايه الذكاء بقى اشتغل راح خد غرزه نحيتى وطبعا فى عربيات راكنه جمبى ود جاى بسرعه و رحت خدت شمال خفيف و رديت تانى بسرعه و هو خد يمين عشان يعدل نفسه الحمد لله كان مفيش عربيه راكنه جمبى
بس لو كان مش كده كنت يا هتخيش يا هتخيش و الله المستعان

و فيه حكمه قالها الحكيم ابو سمسم بن اونو طبعا عارفينه

" حلال فيكم الظباااااااااااااااااااااااااااااااااااط "
رواه amrseba

و طبعا عارفين سمسم هو المتحدث الرسمى للفياتويه لهيونداى شوفلنا حل بقى من السواقه ديه اه انت و انا و مين تانى مش فاكر اه و يوكو ضحيه ال i10 ههههه ربنا معانا يا جماعه

[i_Am_Legend]

وانا ضحية الأكسنت_اللى العيال اتشقلبوا فيها_وبسببها_كان زمان عم ايوب_رشق على الكابوت_وطلعلى لسانة على البرابريز_بس الحمد لله_علمت على الأكسنت بالقوى_قولولى بس وانا هاخد حقكم_ربنا يخليلنا باليو_آمين آمين.

[semsem_uno]

ههههههههههههههههه
ابقي بص عالكرسي اللي جمب السواق عندي لما تركب (تحتيه عصاية كوريك تمساح) :)))))) علشان هو ده اللي ينفع تجري وراه و بالبتاع ده في الفوانيس

[amrseba]

و الله لو كان حصل حاجه كنت وقفت و نزلت بالعصايه الحديد و جبتله البربريز و المرايات و هقدره فى كل الى معاه هيع هيع هيع هيع

[ahmed_mido1889]

انا حاطط تحت المشايهاللي جنبي سيخ حديد سلح علشان اعمله خرم في اي حته في الازاز

[slim_shika]

الفيتاوية هنا مابيهازروش...ههههههههه...

[i_Am_Legend]

لا انا مش شايل حاجة خالص_انا لا أحب العنف_لكن وقت الجد _اعععععععا_الباليو تقوم بأحلى واجب_عربية مصفحة_انا مرة تاكسى بيجو_زنق عليا جامد_رحت رامى عليه بالأكصدام دخل فى الباب بتاعة_الباب تقريبا مش هاينفع يتسمكر تانى_وكل اللى حصل عندى الرفرف اليمين لونة اسود_والأكصدام_اسود_من بوية التاكسى_بس هو كان يستاهل علشان شتم_وشكلة كان مبرشم.

[Moe86]

مرة تاكسى بيجو_زنق عليا جامد_رحت رامى عليه بالأكصدام دخل فى الباب بتاعة_الباب تقريبا مش هاينفع يتسمكر تانى_وكل اللى حصل عندى الرفرف اليمين لونة اسود_والأكصدام_اسود_من بوية التاكسى

هاهاها, هى دى العربيات الفيات الأصلى

[i_Am_Legend]

يعنى ايه_فيات_فيات يعنى عربية 1000 سى سى_تخيط عربية 1300_وأحدث منها بكام سنة.

[i_Am_Legend]

فيات=موتور صغير=هورس باور عالى=توفير بنزين=خامات ليك_ولأحفادك=صاج ناشف متصنعة من صاج براميل ههههه=ثابتة ثبات التنين=قطع غيار بملاليم.
وللأسف_معظم الشعب المصرى مش وش نعمة_ولسة بيشترى كورى_ههههههههههههههههه.

[semsem_uno]

فيات=موتور صغير=هورس باور عالى=توفير بنزين=خامات ليك_ولأحفادك=صاج ناشف متصنعة من صاج براميل ههههه=ثابتة ثبات التنين=قطع غيار بملاليم.
وللأسف_معظم الشعب المصرى مش وش نعمة_ولسة بيشترى كورى_ههههههههههههههههه.

احلى تعليق سمعته

[moh.aboelkheir]

فيات=موتور صغير=هورس باور عالى=توفير بنزين=خامات ليك_ولأحفادك=صاج ناشف متصنعة من صاج براميل ههههه=ثابتة ثبات التنين=قطع غيار بملاليم.
وللأسف_معظم الشعب المصرى مش وش نعمة_ولسة بيشترى كورى_ههههههههههههههههه.

قلت لواحد النهاردة ان فيات عندها ( الفا روميو . مازيراتي . لانشيا . فيراري ) رد و قال فيات التعبانة دية و مكنش مصدق ....
بجد فيات في مصر عايزة حملة اعلامية ضخمة علشان الناس تعرف اية فيات دية ... و انها مش 127 و 128 و شاهين و كدة بس .. و انها مش بتطور ... د انا وريت واحد البرافو في الشارع قالي اية العربية العجيبة دية .. قلتلة فيات ( استغرب )

[i_Am_Legend]

بس بس بس:صلوا على النبى:انا عربيتى موديل 79_وانا مواليد 85 _يعنى أكبر منى ب6 سنين_طيب هاتولى عربية زى الفيات 127 دى_تابلوها لسة زيرو._مثلا بيجو 104_إنقرضت_وبقت معوقة_رينو 5_فى الضياع ومعوقة بردة_هوندا سيفيك_بردة معوقة_سيتروين أوليست_معوقة_أيه تانى نقولوا_ايه تانى_ودلوقتى ال127 التوب_هى العرية الصغيرة الوحيدة فى كل العربيات دى_لسة ماسكة_سعر_ولسة ناس بتشدها_وبتجنطها_ولسة_بنركبها وبنعمل بيها الاف الكيلو مترات_وبنطلع بيها إسكندرية_وبنأمرك بيها_وب15 جنيه بنزين 80 توديك إسكندرية.فيات_يعنى فيات. يعنى أم الاوروبى_ومنها لله ال128_اللى بوظت سمعة فيات فى مصر_هى وشركة النصر للسيارات.
كان يوم اسود يوم ما فيات_سابت شركة النصر تجمع_وتبيع.