سؤال بخصوص الواكس

[Moe86]

اشتريت WD-40 لإزالة البقع الجامدة على العربية اللى مش بتطلع زى فضلات العصافير, و لكن مكنش تأثييره قوى قوى, هو عموما خلى البوية تلمع قوى و شكلها حلو لما جربته فى السقف و الكبوت
بعد كدة جبت واكس و قلت أجربه فى السقف و الكبوت برضو الأول, وزعته فى حركة دائرية و بعد كدة ماعرفتش أعمل ايه بالظبط, لأنهم مش كاتبين على العلبة أى تفاصيل بخصوص الاستعمال
فسبت العربية زى ماهى و قلت أسألكم الأول, المفروض أغسله بقى و لا أعمل ايه بالظبط ؟!!
و برضو مش عارف الكمية اللى أستعملها قد اية ؟ يعنى العلبة اللى فى الصورة دى تكفى مرة واحدة مثلا و لا مرتين ؟؟
دى صور للعربية بعد ما حطيت الواكس عليها







طبعا بخص بالموضوع دة Ahmedmidop علشان عمل عربيته قريب

[ahmadmidop]

المعلم الكبييييييييييير معلش لسه شايف الموضوع دلوقتي بص ياسيدي انته كده تماااااام ووزعته على العربية كلها ... تسيبه ينشف براحته خااالص وبعد كده تجيب كيسين قطن طبي وتعد تفرك في العربية كلهااااااا ..... هيا تعب بس النتيجة ان شاء الله هتبقى تحفة.....

بس لاااااازم تعمل العربية كلها لأن الجزء الي هيتعمل هيبقى بيلمع اكتر من الي مش معمووول .... ان استخدمت العلبة اتبقى حبة صغيرين يعني العلبة تقريبا لمرة واحدة .... بالنسبة للكمية عاااادي على طرف الاسفنجة وتوزع بحيث ما يكنش في مناطق متجمعة فيها كميااات كبيرة ...... وتسبها لحد ما تنشف وبالقطن وتفرك

[ahmadmidop]

انتا الكميات الي في الصور محتاجة تزودها شوية وتدهن كل الصااااااااااااااج ما تسيبش حته مش عليهاااا

[Moe86]

متشكر جدا على النصايح دى
ماخدش بالى ان الموضوع فيه فرك و دعك و بهدلة كدة

[damasry]

ان استخدمت العلبة اتبقى حبة صغيرين يعني العلبة تقريبا لمرة واحدة

يا راجل يا طيب دى العلبة تكفى اربع خمس مرات

متشكر جدا على النصايح دى
ماخدش بالى ان الموضوع فيه فرك و دعك و بهدلة كدة

من جد وجد يا باشا ههههههه

[darehawk]

سؤال بعد اذنك هو الواكس ده بكام ومنين اجيبه شكرا

[amr mokhtar]

الكمية معقولة و متزودش عن كده
لإن اللى بيمسك فى البوية طبقة رقيقة و كل الأبيض ده زيادة هتتعبك عشان تطلعها

المفروض بعد اللى انت عملته تسيبه شوية و تبتدى تمسح بس تمسح من على الوش لحد ما تشيل الأبيض ده و هتلاقى بيفرول معاك
ما تمسحش جامد عشان ماتشيلش الطبقة اللى على البوية اللى انت عايزها

معلش انا عايز أتأكد من حاجة
هو فى wd-40 غير بتاع الصدأ؟؟

الحوار ده عايز مزاج و صحة شوية بس لو الواكس نوعه كويس هتلاقى النتيجة تستاهل التعب

[ahmadmidop]

[QUOTE=damasry;3873100806]يا راجل يا طيب دى العلبة تكفى اربع خمس مرات


ازاااااي بس انا مكترتش ولا حااااجة

[ahmadmidop]

فيينك يا عم محمد عااااوز البيانات بالكااامل عشان ابعت الاماااااااااااااانة كلمتك والله كذا مرة بيبقى غير متاااح وتبقى مكتوبة احسن ......
ويلا عشان نحضر للصفقة الي بعدهااا ههههههههههههههه

[yoko]

انتا الكميات الي في الصور محتاجة تزودها شوية وتدهن كل الصااااااااااااااج ما تسيبش حته مش عليهاااا

يزود إيه ده كتير جدا ده انا ومحمد عملنا عربياتنا الإتنين بأقل من نص العلبه!!!!!!!



وبحيري باشا متحطش الwd-40 على البويه تاني عشان بياكلها

[ahmadmidop]

يزود إيه ده كتير جدا ده انا ومحمد عملنا عربياتنا الإتنين بأقل من نص العلبه!!!!!!!
طب ايه اللي حصل معاياا اكيد عشان عربيتي اكبر من عربيتك انتا ومحمد ههههههه

وبحيري باشا متحطش الwd-40 على البويه تاني عشان بياكلها

+11111

[yoko]

ﻷ الفكرة كلها إنك تحط قليل مش محتاجة كل الكميه دي

[Moe86]

طيب كويس انى بدأت بالكبوت و السقف بس قبل ما أسئل
أنا سايب العربية كدة من انبارح و طلعت أذاكر, هانزل بقى أشيل الطبقة الزايدة دلوقتى و أكمل باقى العربية

بالنسبة للwd-40 أنا جبت الفكرة من موضوع كان موجود هنا على المنتدى و كان فى عضو جاب اقتباس من السايت بتاعهم مكتوب فيه انه امن على الدهان, بس ماكنتش مصدقهم قوى برضو

[Moe86]

نزلت النهاردة علشان أشيل الواكس و ياللهووووول!, ازالته بقطنة صعب جدا, بيأخد وقت و مجهود بطريقة فظيعة, دة غير انى بحس انه مافيش أى طبقة بتتبقى منه على العربية بعد ما شلت جزء من على الكبوت
ازالته صعبة لسببين, لأنى حطيت كمية كبيرة نسبيا و عملت طبقة طخينة فى بعض الأجزاء و كمان علشان مشغول و سيبته يومين على العربية
أعتقد لو استعملت صاروخ من اللى فيه أسفنجة هايبقى أسرع, بس خايف برضو يأثر على الدهان بالسلب
هانزل بكرة أشيل الباقى, الحوار طلع كبير و فى رأيى مش مستاهل التعب و المجهود و الفلوس , أو عايز واحد فاضى قوى يعنى
بعد كدة (لما أخلص امتحانات) هابقى أوديها كار كير و أريح دماغى

[ahmadmidop]

او عايز واحد فاضى قوى يعنى
بعد كدة (لما أخلص امتحانات) هابقى أوديها كار كير و أريح دماغى

+111111111111 اانا متفق معااااااااااااااك جد ابس انا كنت فاااضي هههههههههههههههههه