جراند بونتو Grand Punto

[alpha]

السلام عليكم

يا جماعة أنا قررت تقريبا أشتري جراند بونتو 2007 بس محتاج خبرات كل إللي عندو

العربية دي من حيث تعاملات التوكيل وقطع الغيار والحاجات التانية بقى

شكرا

[alpha]

فين الردود

إيه يا جماعة محدش عنده العربية ي ولا ايه
أرجوكم انا محتاج رد بسرعة علشان أعرف اذا كنت هخلص فيه ولا لأ
تحياتي لجميع الأعضاء

[CryptonX]

اهلا بيك و مبروك عليك مقدما

السيارة جميلة جدا في كل شيء
توفير بنزين ممتاز - عفشة ممتازة - موتور كويس جدا ( مش بتاع شد و حرق بس سلس جدا و ناعم )

السيارة قطع غيارها غاليا شوية بس زيها زي اي سيارة اوروبي حديثة

التوكيل كان زمان سيء فعلا بس بقوا كويسين جدا دلوقتي واي حاجة بتحصل بيشير عليك تعمل ايه بالظبط و تتغير ولا تتصلح و الفنيين و المهندسين علي مستوى عالي جدا .

لو عايز اي استفسار في حاجة معينة اٍسأل .
و ياريت تبعد عن الالوان الغامقة .

[SEATLOVER]

الف مبروك مقدماً .. و بالنسبة للتوكيل فهو فعلاً ذى ما كريم قال.. بقى غير زمان وبيحاول يرضى العميل بقدر الامكان ..ودى بتبقى مرحلة حلوة انك تجيب فيها العربية بتاعتهم .

ربنا يوفقك .. وتستلمها على خير

[alpha]

انا متشكر جدا يا جماعة على الردود السريعة دي
بس لي سؤال كمان بالنسبة للجير الاوتوماتيك
هل فيه اي مشاكل فيه او في تصليحه في التوكيل واللا الامور هتمشي بسهولة

وشكرا

[CryptonX]

انا متشكر جدا يا جماعة على الردود السريعة دي
بس لي سؤال كمان بالنسبة للجير الاوتوماتيك
هل فيه اي مشاكل فيه او في تصليحه في التوكيل واللا الامور هتمشي بسهولة

وشكرا

معظم الجيربوكس الاوتماتيك الجديد لا يصلح " لا قدر الله " الا في التوكيل
وانا مسمعتش عنه اي مشاكل .

و هو Dualogic و (زي الستيبترونيك يعني ) اوتوماتيك و مانوال مع بعض .

[alpha]

شكرا جزيلا crypton على المعلومات القيمة والرد

تحياتي