فلتر بنزين أصلى للتمبرا

[heshamzaky]

استاذ عبد المسيح الف شكر يا باشا على الكلام الجامد دة ههههههههه أنا مش أد كدة يا باشا ههههههههههههه . بص أنا العربية عندى أنجيكشن ف مفيش عندى الفلتر دة و مش عارف دة بيتفك و لا جواة اية بصراحة بالنسبة لموضوع منظف الانجيكشن الافضل هات النوع بتاع الانجيكشن مش الى فى الصورة الى فى الصورة منظف كاربراتير عادى و رخيص جبتة من التوفيقة ب 13 جنية تقريبا هو ضعيف شويتين عن بتاع الانجيكشن و بتاع الانجيكشن ينفع للكربراتير برضو دة منظف بس قوى و فية منة نوعين عبوة صينى ب 25 جنية و عبوة امريكانى ب 39 جنية من الماركت الى فى محطة توتال بجيبة و أنا بجيب الى ب 25 جنية أداؤة ممتاز و مش بتفك غير العمة و تدور العربية و ترش بالراحة جوة الكربراتير و تزود بنزين بس كدة و اتفرج على النتيجة بعد كدة و أدعيلى

[heshamzaky]

ميكو الفلتر الى عند التانك راكب تحت العربية دة فى الانجيكشن فقط لا أعتقد انة فى العربية الكربراتير و قولى الفلتر الى فى الصورة دة بكام أنا الى بجيبة بيبقى ب 30 جنية

[heshamzaky]

دة الفلتر بتاع الانجيكشن الى كان عندى و غيرتة بيبقى راكب عند التانك تحت العربية من ناحية اليمين تحت الغطاء الكبير

[heshamzaky]

دة المكان الى فلتر العربية الانجيكشن بيبقى راكب فية

[Frozen_Pain]

بص ياباشا انا كان معايا تمبرا وكانت فيها نفس المشكلة بتاعتك لدرجة انها كانت وهى ماشية بتبطل

فى حاجتين ومش شرط يكون الفلتر هو اللى فيه المشكلة لانى ايام مكنت بعمل الصيانة فى شركة مصريات قالى ان الفلتر ده مش بيتغير اساسا الله اعلم الكلام ده صح ولا غلط

ممكن يكون المشكلة فى الفلتر البلاستيك اللى بيكون على الشمال اول ما تفتح الكابوت

او المشكلة عندك ان تنك البنزين فى وساخة وده اللى كان عندى لحد ما وديت العربية لميكانيكى نضفلى دورة البنزين كلها

[mikology]

الفلتر ده كنت شاريه من الكيلانى ب 35 او 40 كمان - مش فاكر الصراحه
بس سؤال على الماشى - متعرفشى بيتغير كل كام الف كيلو ؟؟

[heshamzaky]

بص يا ميكو لو غيرتة على 20 الف أعتقد مش حا يقول لآ و لو عاوز أقل من كدة أنت و مزاجك طبعا أنا مش لاقى الحجم الكبير زى الى كان راكب فى العربية لانة كان جاى فى العربية من برة

[m_bakr]

بص ياباشا انا كان معايا تمبرا وكانت فيها نفس المشكلة بتاعتك لدرجة انها كانت وهى ماشية بتبطل

فى حاجتين ومش شرط يكون الفلتر هو اللى فيه المشكلة لانى ايام مكنت بعمل الصيانة فى شركة مصريات قالى ان الفلتر ده مش بيتغير اساسا الله اعلم الكلام ده صح ولا غلط

ممكن يكون المشكلة فى الفلتر البلاستيك اللى بيكون على الشمال اول ما تفتح الكابوت

او المشكلة عندك ان تنك البنزين فى وساخة وده اللى كان عندى لحد ما وديت العربية لميكانيكى نضفلى دورة البنزين كلها

فيه ميكانيكى تانى قال كدة، وواحد أحسن منهم قال إن الكاربيراتير محتاج إصلاح
أنا ناوى أصلح الكاربيراتير
وجزيل الشكر لكل الأخوة الذين شاركوا بمعلوماتهم

[heshamzaky]

خلى بالك الكاربراتير حساس و مش بيحب لعب كتير فية و سعر الكاربراتير استيراد حوالى 450 جنية