مية سبعة و عشريناية على أدي

[aliabutaleb]

ألف ألف مبروك يا علا
مش هاقدر أزود على نصايح أساتذتنا هنا طبعاً
هازود بس على نصيحة أخونا ذا كينج بخصوص سخونة العربية
إنك مش كفاية تبصي على الرادياتير في أول كل يوم
خللي عينك كمان على مؤشر الحرارة بحيث إنها متزيدش عن الحد الطبيعي اللي هو حسب ما قيل لي نص المؤشر

[sab3aawy]

طبعا بعد ما دوشتكوا كتير بالسيريون و وهمتكوا بيها.. أحب أقول لكوا على مفاجأة ;)

و هي اني جبت 127

مبروك يا ست الكل وعندى ليكى هدية صغيرة

هتلاقيها فى الرابط ده :)

http://nilemotors.net/Nile/showthread.php?t=3576

بالنسبة لمسالة الصدقة فهى حاجة بينك وبين ربنا لأنها ليست فرض ولكن نوع من انواع الشكر لله على نعمته، وبالتالى انتى ومقدرتك تطلعى جنيه تطلعى 1000 زى ربنا ما يقدرك

وربنا يباركلك فيها وارجو ان هديتى الفكاهية-واكرر انها فكاهية ولا شئ غير ذلك-تكون عجبتك

[OlaOsman]

ياجماعة و الله انتوا أسعدتوني جدا بتهنئتكم و شدكم من أزري.. ادعوااااااااااااااااا لي :o

كان نفسي أرد عليكوا نافااااااار نافااااااااااااااااار.. انما الوقت مش هيساعدني.. بس احب اشكركم جميعا و يا رب يكرمكوا و يدخل على قلبكم السرور كما أدخلتموه على قلبي :)

[OlaOsman]

اما موضوع سبعاوي اللي لينكه في مشاركته فباقول له اني قريته.. قريته يا أستاذ سبعاوي قبل ما أقرر اشتري ال 127 و برضه اشتريتها :p

بس موضوع توووووووووووحفة و يعقد من 127.. بس هو مين :D

[Sharky]

الف مبروك و ربنا يبارك لكى فيها

[Nader]

الف مبروك على العربية وتتعلمي عليها كويس

ان شاء الله:)، بس خليكي صبورة وامسكي يمينك

على طول لحد ما تتعلمي،،، بعد ما تتعلمي بقى

ان شاء الله وتبقي بتسوقي كويس، استحلفك

بالله انك متكونيش زي الاخوات والاخوة اللي

بيمشوا على الشمال بسرعة 30 كيلو في اليوم

خلونا نغير فرتنا عن سواقة السيدات.

[OlaOsman]

الف مبروك على العربية وتتعلمي عليها كويس

ان شاء الله:)، بس خليكي صبورة وامسكي يمينك

على طول لحد ما تتعلمي،،، بعد ما تتعلمي بقى

ان شاء الله وتبقي بتسوقي كويس، استحلفك

بالله انك متكونيش زي الاخوات والاخوة اللي

بيمشوا على الشمال بسرعة 30 كيلو في اليوم

خلونا نغير فرتنا عن سواقة السيدات.

أوبااااااااااااااااا.. لهو انا بأه اللي هايبقى علية عبء تحسين صورة المرأة القائدة في شوارع المحروسة و لا
ايه؟

لا يا عم.. مش لاعبة :p

[Nader]

أوبااااااااااااااااا.. لهو انا بأه اللي هايبقى علية عبء تحسين صورة المرأة القائدة في شوارع المحروسة و لا
ايه؟

لا يا عم.. مش لاعبة :p

لية بس، ماهو اول الغيث قطرة ... مش كدة ولا اية؟؟:)

[aif]

الف مبروك يا علا ربنا يعطيكي خيرها ويكفيكي شرها ويعينك علي تعلم السواقة
آسف للتأخير في المباركة
انتي عارفة بقي الاجازة .... يوم في البلد ويوم في السخنة ويوم نايم في البيت
ربنا يملهالك بركة ..

[thegoodhacker]

الف مبروك يا علا علي العربية الجميلة دي اللي سواقتها ممتعة جدا لانها خفيفة في كل حاجة دواسات و ديريكسيون و بتجري كويس .....
انا كان عندي عربية 127 برضه قبل كده و قعدت معايا حوالي 3 سنين و دايما بافتكرها بالخير لانها ما قلتش باصلها معايا غير كام مرة كده و كانت بسبب حاجات بسيطة اوي اتصلحت بسهولة و بفلوس قليلة ....... ان شاء الله تتبسطي منها و تبقي سواقة بريمو و يباركلك فيها يا رب......

[Ahmad_Nawwara]

ألف مبروك وان شاء الله ربنا يبارك لك فيها .. أنا برضه زيك بقيت من اصحاب هذه اللهلوبه من أيام وشايف انها النوع الأصلح لنا في شوارع مصر بحالتها الحاليه وطعمه ولذيذه وصغنطوطه .. ربنا يديمها علينا نعمه ويحفظها من الزوال ويبارك فيها ويرزقنا خيرها .. بس خللي بالك من الملفات وعلى مهلك ولايهمك من الكلاكسات اللي وراكي واثبتي متخافيش منهم .. طنشيهم وخليك في حارتك واللي عايز يعدي يعدي متوسعيش لحد وتخبطي في حد تاني .. وان شاء الله تبقي محترفه وتضحكي على الأيام دي

[OlaOsman]

جزاكم الله خيرا جميعا على التهنئة و التشجيع :)

بس انا بصراحة محتاااااااااااااااسة في أول يوم تعليم سواقة :(

ادعوا لي.