استفسارات بونتاوي جديد

[foffos]

السلام عليكم ورحمة الله وبركاته

بمناسبة شراء سيارة بونتو كلاسيك جديدة والحمد لله

بارك الله لنا فيها وكفانا شرها

ارجو من الأعضاء ويوكو باشا لو يسمح الرد على بعض استفساراتي الخاصة بالسيارة الجديدة

أولاً: ما هي الاحتياطات اللازمة الواجب عملها في استعمالي للسيارة الجديدة

وهذه بعض من الأسئلة المطلوب الرد عليها
ما هي السرعة المطلوب عدم تخطيها؟ وحتى كام كيلومتر؟
ما هو الـ rpm الأقصي خلال الفترة الأول ، وإلى كام كيلومتر؟
مواعيد الصيانات؟
نوع البنزين "هام جدًا"؟ "وخاصة وأني سمعت آراء كثيرة داخل وخارج التوكيل".
مواعيد تغيير الزيوت لخاصة بالسيارة وكذلك السيور
هل لابد من الاطمئنان على المياه والزيت كل يوم؟

آسف على الإطالة

وشكرًا جزيلاً

[yoko]

أولا مبروك عليكي العربيه

وهذه بعض من الأسئلة المطلوب الرد عليها أنا تحت أمرك
ما هي السرعة المطلوب عدم تخطيها؟ وحتى كام كيلومتر؟
ما هو الـ rpm الأقصي خلال الفترة الأول ، وإلى كام كيلومتر؟ إجابة السؤالين مع بعض الrpm ميعديش ال3000 أول 1000كم
مواعيد الصيانات؟ الأول 5000 وبعد كده 10 20 30
نوع البنزين "هام جدًا"؟ "وخاصة وأني سمعت آراء كثيرة داخل وخارج التوكيل". 92
مواعيد تغيير الزيوت لخاصة بالسيارة وكذلك السيور الزيت كل 10 (موبيل أو شيل التخليقي) والسيور على حسب ما التوكيل يقول
هل لابد من الاطمئنان على المياه والزيت كل يوم؟

العربيه جديده ممكن مياة وزيت كل 5 الاف كيلو

[mnomno]

مبروك يا فوسفوس بارك الله لك فيها و يعطيك خيرها و يكفيك شرها و شر الطريق

[mohamed1]

الف مبروك على البونتو وعقبال البرافو:b4_611:

[wael17]

ألف مبروووووك
بارك الله لك فيها و يعطيك خيرها و يكفيك شرها و شر الطريق

[foffos]

شكرًا يا جماعة على التعليقات الجميلة دي

الحمد لله العربية كويسة وماشية

يا دوب كملت الألف الأولى

وظهرت حاجة غريبة - أو كانت موجودة وزادت - مكنتش واخد بالي منها

وهيا إنى كنت بسمع صوت هواء داخل السيارة من ناحية دواسة البنزين

المهم - قلقت لأن الصوت كان بيزيد



فرحت اتصلت بالتوكيل وحجزت في حسر السويس

ورحت - ولما وصلت وكشفوا على العربية لقوا السيرفو بتاع الفرامل بايظ - عيب تصنيع

والغربية إن السيرفو مكانش موجود

قالولي استنى عشرة أيام لغاة ما يجيبوه من إيطاليا



حاجة غريبة جدًا - لا تعليق

[Moe86]

معلش, عيوب التصنيع واردة جدا فى أى ماركة, بس طبعا التوكيل فاشل من غير قطع غيار
لو ماجتش بعد 10 أيام ليك حق تتخانق و تكلم جهاز حماية المسهتلك على طول

[mnomno]

لا حول و لا قوه الا بالله معلش فداك و الحمد لله انها جت على اد كده ان شاء الله بسيطه و فعلا لو متحلتش فى الفتره دى متسكتش يتصرفو و يسلموك العربيه مفهاش عيب

[karimalaa]

أنا مش فاهم يعني ايه السيرفو مش موجود!!!!
المفروض قطعة غيار زي دي مفيش عليها طلب يبقى في منها عدد و لو حتّة يتعد على صوابع اليد الواحدة و لما تقل يبعتوا يجيبوا غيرها!!!!
نفسي اعرف التوكيل ده سياسته ايه في قطع الغيار و التسويق؟!!!!!!!!!!!!!

[foffos]

شكرًا على الردود

وأنا على العموم هأبقي اتصل اعرف أيه الأخبار

وأرد عليكم إن شاء الله

وأشوف موضوع قطع الغيار ده أخرته أيه