إعـــــــلان

Collapse

.

,
See more
See less

فبات 128 موديل 74

Collapse
X
 
  • Filter
  • الوقت
  • Show
Clear All
new posts

  • فبات 128 موديل 74

    بالله عليكم تيفيدونى
    انا اشتريت سيارة فيات 128 موديل 74 ب 9000 جنيه
    عمرة موتور من شهرين كاوتش جديد بطارية بالضمان
    كبالن جديدة مساعدين جديدة لحد دلوقت كويس لااااااااااكن
    بعد مااشتريت روحت للعفشجى لان العربيه كان فيها نتشة
    واكتشفت الآتى
    1-القنطرة والركب مكسورة وعاوزة تتغير
    2- قواعد الموتور عاوزة تتغير
    3- بلى العجل الأمامى والسرة اتعملت على المخرطة
    4-فى شروخات فى الشاسية من الأمام
    5- بارومة فى الصاج والدهان وحش

    ايه رايكم طبعا هتقولوا اتضحك عليا فى العربية عموما هى جت وخلاص المهم
    الحاجات دى تتكلف كام وشكرا

  • #2
    انا هقولك على الى اعرفه قنطره ثمنها 500جنيه

    Comment


    • #3
      المشاركة الأصلية كتبت بواسطة abdousharkawy مشاهدة المشاركة

      ايه رايكم طبعا هتقولوا اتضحك عليا فى العربية عموما هى جت وخلاص المهم
      الحاجات دى تتكلف كام وشكرا
      كلناااااااااااااااا هذا الرجل اتضحك علينا فى الاول

      Comment


      • #4
        السلام عليكم

        انا برضه معايا 128 نفس الموديل
        و ممكن اساعدك فى حاجات كتير من اللى قولتها
        بس انت فى المنصورة يعنى جنبك الزقازيق و ميت غمر ناس اساتذة

        المهم ......
        اول و اهم حاجة ابدا بالشاسية و قواعد الموتور لانهم هيجوا مع بعض خبطة واحدة و انت كده كده هتفك الموتور علشان تظبط الشاسية صح - لانك مهما لفيت و دورت و صلحت طول ما الشاسية مشرخ و مكسر مش هتوصل لحاجة
        اسال عندك على سمكرى شاسية ( متخصص شاسية مش سمكرى عادى اللى بيدقدق و يمعجن ) و لو عاوز تنزل مصر ادلك على واحد تمام - ده بيكون عنده حاجة اسمها شبلونه عبارة عن حديد متظبط على مقاس العربية - بيشيل الموتور عند الميكانيكى (تبقى مجهز قاعدة موتور و شداد للميكانيكى يركبهم لك و هو بيسقط الموتور تانى فى العربية و تشوف برضه قاعدة الفتيس لو مكسورة ) القواعد و الشداد فى حدود 120 - 140 جنيه
        المهم نرجع للسمكرى تانى - هيركب هو الشبلونه فى العربية من تحت و يغير القنطرة و يلحملك الكسور و الشروخات اللى فى الشاسية و يعملك تقويات كمان على المقاسات الاصلية بتاعت العربية اللى هى متظبطة على الشبلونه و بالمرة تخليه يبصلك ورا لو فى اى كسور او شروخ لانه ممكن يحتاج يفك التنك فتعملها بالمرة

        بعد ما السمكرى يخلص هترجع كل حاجة فى مكانها تانى و الميكانيكى يسقطلت الموتور تانى و يركبلك القواعد و الشداد الجداد
        الليله دى كلها كلفتنى فى عربيتى 550 جنيه بس من غير ما اغير القواعد و الشداد و خلصت فى يوم واحد بس بدات من 9 الصبح لحد 10 بالليل لانى كمان فكيت التبلوه كان فى كسور و شروخ وراه

        كده يبقى انت ظبطت اساسيات عربيتك - الشاسية تمام و شايل الموتور صح و السمكرى هيقولك تطلع بعد كده على بتاع ظبط الزوايا يقولك لو فى اى حاجة محتاجة تظبيط ( بس لو السمكرى جامد زى اللى انا روحتله - بتاع ظبط الزوايا اللى انا بتعامل معاه دخلتله العربية و هو متوقع انه هيقولى ظبط كذا و كذا زى كل مرة و يمشينى لقيته اشتغل فى العربية من غير ما يفتح بقه - و خرجت بالعربية من عندة زى الفل لا العجل بيصفر و لا صوت تخبيط ولا اى حاجة )

        بلى العجل و السرة و الكلام ده بقى عادى مش صعب و مش محتاج ميكانيكى جامد ممكن تعمله فى اى حته لو عاوز تعمل كله مرة واحدة هتريح نفسك بس على حسب الامكانيات المادية يعنى البلية ب 35 جنية بس مش عارف السرة بكام و ممكن تكون محتاج طنابير الجوز بجوالى 100 - 120 جنيه و تيل فرامل جديد مع الطنابير طبعا

        معلش هتتعب شوية بس هترتاح بعد كده - انا بعمل بالعربية حوالى 3000 كم فى الشهر علشان الشغل
        بس تضرب المفتاح فى الكونتاكت و تدور و تطير .......

        معلش على التطويل و ربنا يباركلك فيها

        السلام عليكم

        Comment

        Working...
        X