تعديل فانوس التمبرا الخلفى (الفرامل مع الشبوره)

[eng_tefa]

بسم الله الرحمن الرحيم
ازيكم يا رجاله التمبرا
من غير تطويل كالعاده
وباتباع قاعده التعديلات بتاعتى
"لف وارجع تانى"
بمعنى ان ممنوع اللعب فى الضفيره ولو حصل اى مشكله نرجع كما كنت
المهم
انا فكرت ازاى اعمل كدا من غير معدل فى الضفيره
لقيت فكره سهله جدا .. انى اضحى بلمبه ام جوز جنيهات احسن ملعب فى الضفيره
اه نسيت التكلفه
ولا حاجه ههههههههه حته سلكه
دا شكل الفانوس طبعا بعد مفكيناه انا عامله بلزق نيكل عشان الانعكاس يبقى اقوى(طريقه مجربه وشغاله لوز العنب)



هنلحم السلكه فى الطرف الموجب من اللمبه بقصدير اللى هو الجزء المحمر دا



ونوصلها بالطريقه دى

هتشل الحديده اللى بتوصل بتاعتها خالص عشان نفصل الشبوره الخلفيه

ودا الشكل بعد التركيب

[heshamzaky]

تسلم يا تيفا انت عملت كوبرى كهرباء مع اللمبة العلوية و خد الصور دى يا باشا هههههههههههههه اى خدمة يا استاذ علشان يبقى الموضوع من مجاميعة ههههههههههههه

[heshamzaky]

و بعدين الاضاءة

[eng_tefa]

تسلم يا تيفا انت عملت كوبرى كهرباء مع اللمبة العلوية و خد الصور دى يا باشا هههههههههههههه اى خدمة يا استاذ علشان يبقى الموضوع من مجاميعة ههههههههههههه [

ايه دا يا استاذ هشام انت ركبت كل اللمبات اللى ورا ليدات ؟؟؟
تصدق فكره حلوه وهى اخف بردو على الضفيره
انت مركب النوع دا صح؟؟؟

انا بقى نفسي الاقى الانواع دى فى مصر
بتفرش فى المكان

[ahmedbasto]

شغل عالى أووى تسلم أيدك

[JUVENTUS]

الله ينور يا تيفا شغل عالي يا باشا

[ahmadmidop]

عااااش عااش

[HOSSNY]

هو ده الكلام تسلم يا نجم الكهرباء

[rasim]

تلم ياباشا طب المض اليدت ديه جابها منين

[heshamzaky]

تلم ياباشا طب المض اليدت ديه جابها منين

اللمض الليدات الى راكبة فى الفانوس من التوفيقية على الرصيف بيتباعو كتير جدا

[semsem_uno]

اللمض الليدات الى راكبة فى الفانوس من التوفيقية على الرصيف بيتباعو كتير جدا

الله ينور يا ملك التمبرا

بس هو البتاع اللي بيلمع ده منين اللفة ديه علشان انا عندي عملتو بفويل مطبخ هههههههههههه

[heshamzaky]

الله ينور يا ملك التمبرا

بس هو البتاع اللي بيلمع ده منين اللفة ديه علشان انا عندي عملتو بفويل مطبخ هههههههههههه

هههههههههههههههههههههههههه فويل مطبخ يا مفترى ههههههههههههههههههههههه لآ لآ لآ مش ممكن يا سمسم ههههههههه بص يا سيدى دة بيتباع فى التوفيقية المتر ب 3 جنية و فية لزق من الظهر منة فية هات متر و نص حا تغرق الدنيا كفاية جدا جدا عند واحد جنب كشك بيبيع سماعات فى التوفيقية برضو ناصية شارع زكى مع التوفيقية و سمسم المقص الى فى الصورة من على الرصيف برضو ب 150 قرش ههههههههههههههه

[M.Nasr]

مجهود رائع يا شباب شجعتونى ادور على تعديل فانوس اللانسر

[mohamed2002]

باشا البتاع اللي شبه الفويل دة اسمه اية ؟ واكيد عمل فرق في النور عن الآول؟

[JUVENTUS]

باشا البتاع اللي شبه الفويل دة اسمه اية ؟ واكيد عمل فرق في النور عن الآول؟

بص ياباشا روح لاي بتاع اكسسوارات سيارات و قوله عايز لزق عاكس بتاع الفوانيس و عمل فرق الفانوس اضاءته اقوى طبعا و شكله كمان احلى