كبالن السيارة 127

[szrateb]

ما هو أحسن نوع كبالن للسيارة فيورا 127 وما هو سعرهم التقريبي حيث انني ركبت كبالن استيراد ولم يمضي 3 شهور على تركيبها حتى سمعت صوت طقطقة مع العلم اني حريص جدا في الملفات

[sab3aawy]

ابعد عن الإستيراد طالما فيه جديد معقول

نادر جدا ان تلاقى قطعة غيار استيراد سليمة 100%

بالنسبة لل 127 فيه نوع كبالنى ايطالى ونوع المانى ، والتنين كويسين، بس اهم حاجة تتأكد انه ايطالى او المانى اصلى

[szrateb]

شكرا على الرد... ولكن

شكرا على الرد... ولكن كيف أعرف أن الكوبلن أصلي وهل ترشح مكان معين للشراء منه وهل تعرف السعر التقريبي للكوبلن

[أبو_حمزة]

فى نوع كويس قوى اسمه DAR
ايطالى فى التوفيقية
على ما اذكر كانت الفردة 100 أو 120
مش فاكر اوى
و كمان فى تشيكى و ده ممترز بس أغلى
الفردة تعمل 150
و اسمه CEFAM

[MOHAMED ABD EL SHAFY]

الكوبلن الاستيراد لو من الوكالة ممكن يكون محشى بلى قبل كدا ويبيعة على انة استيراد وليس فك
وتعرفة انك تلاقى برشام لحام عند مخ الكوبلن ودا طبعا بيكون اضعف من الاصلى وبيفرط بسرعة لان اللحام عمرة ميكون زى الاصلى وتعرفة انك قبل ما تشترية اضرب العمود خبطة جامدة على الارض هتلاقى المخ فرط واللحام انفك
وسعرة استيراد ( مش محشى ) حوالى 40 جنية للفردة

[szrateb]

ذهبت إلى الميكانيكي لأخذ موعد لتغيير الكبالن فقال لي انة يوجد نوع صيني ثمنة حوالي 120 جنية وهو نوع كويس ودايما يستعملة .. هل جرب أحد النوع الصيني وما رأيكم فية

[hazem_khidr]

طالما في ايطالي و الماني في السوق و اسعارهم مقاربه ايه لازمه بقي تركب صيني؟
شوف الايطالي او الالماني احسن طبعا.

[szrateb]

شكرا على الرد ولكن هناك فرق كبير في السعر تقريباً الضعف هل فرق السعر يكافئ فرق الكفاءة والعمر؟

[hazem_khidr]

اكيد طبعا الفرق يعادل الكفاءه

[Hossam_Hassan]

هات الألمانى من التوفيقية من عند الراجل اللى متخصص فيات قدام أبوطارق بتاع الكشرى و انساهم 3 - 4 سنين بالميت، أو 5 - 6 سنين من غير الميت. :D :D :D :D

[medo_eng]

انا جبت الصينى و باظ بعد أسبوعين

[lord2006]

كام سعر الالماني او الايطالي حاليا

[kokmedo]

السلام عليكم
أنا عندي لما بحود يمين ولا يسار بسمع طقطقة
فكدة كبالن عايزة تتغير
أي نوع أحسن بعد تجربة الصيني ولا أي نوع ثاني إيطالي أو الماني بعد تجربة الموضوع كان من سنة 2007 لحد دلوقتي أية الاخبار
وسؤال مين اللي بيغيرة الميكانيكي ولا العفشجي ولا بتاع الكبالن
أرجو النصيحة والمساعدة
والسلام عليكم

[heshamzaky]

نصيحة و عن تجربة أكشف الاول عند بتاع زوايا على العفشة و الزوايا الكشف بالكمبيوتر حا يبين العيوب الى فى العفشة علشان لو حا تفك يبقى تغير كل المطلوب مرة واحدة .
انا كنت بجيب كبالن أيطالى نوع اسمة corm دة ممتاز كانو بيبقو فى حدود 240 جنية للجوز بس للأسف بقى فية حاجات مش اصلية فى السوق و حاجات مضروبة . فى الحالة دى الصينى معروف انة صينى أنا عمرى ما ركبت كبالن صينى بس سعرهم رخيص جدا الجوز ب 120 جنية و لو عاشو سنتين يبقى حلو جدا و تغيرهم . أنا ضد الصينى عموما بس طالما حا أشغلهم سنتين و السلام و يتغيرو ممكن تركبهم و ناس أعرفهم ركبوهم و مبسوطين منهم

[memononos]

انا جبت كبالن صينى ب 120 جنيه من سنتيت ولسه شغالين لحد دلوقت زى الفل اتكل على الله واشترى الصينى زى الفل