مساعدة عاجلة لبونتو 2011

[foffos]

السلام عليكم ورحمة الله وبركاته

سؤال مهم جدًا وعاجل

عربيتي البونتو 2011

كنت بسمع فيها صوت هواء وأنا باسوقها زي صوت وش الراديو لما ميكونش فيه موجة محطة إذاعية بس على خفيف



ولما كنت بضغط على الفرامل كان الصوت بيروح وكأن الواحد بيقفل أمبوبة بوتاجاز منفسه

بس إمباح حسيت بالصوت جامد

والغريبة إن الصوت المرة دي كان بيزيد لما بضغط على الفرامل كأن الفرامل بتنفس

ومش عارف أعمل أيه

خايف يكون في مشكلة في الفرامل، وخايف اتحرك بيها



يا ريت حد يقولي أيه السبب والحل ؟؟؟؟
أو حتى يقولي أتصرف إزاي في الموضوع ده وأروح لمين يشوفهالي ؟؟؟؟ ولا الأحسن أروح التوكيل ؟؟

مع العلم إن العربية يا دوب مقفلة أول ألف كيلو

آسف على الإطالة وشكرًا

[yoko]

روحي على التوكيل عشان العربيه يا فيها هواء في الفرامل يا السيرفو ضارب والموضوع خطير ومتأمنيش للفرامل بتاعت العربيه لحد ما يشوفوها

[foffos]

روحي على التوكيل عشان العربيه يا فيها هواء في الفرامل يا السيرفو ضارب والموضوع خطير ومتأمنيش للفرامل بتاعت العربيه لحد ما يشوفوها

شكرًا يا يوكو على النصيحة

أنا فعلاً رحت التوكيل

ولقيت السيرفو بايظ وقالوا هيغيروه لكن لسه هييجي من إيطاليا بعد عشرة أيام

هل الكلام ده صحيح ولا اشتغاله كالعادة

يعني العشر أيام بتاعتهم عشرة فعلاً ولا زي الاستلام الأسبوع بقى شهرين

دي العربية ملحقتش

[yoko]

المهم إدوكي ورقة بالكلام ده ولا لأ ولو مكنش إطليبيها منهم وأنا بكرة إن شاء الله هكلمهم أتأكد

[foffos]

المهم إدوكي ورقة بالكلام ده ولا لأ ولو مكنش إطليبيها منهم وأنا بكرة إن شاء الله هكلمهم أتأكد

بصراحة يا يوكو محدش ادنى ورق

مفيش غير ورقة المعاينة المبدئية

وعلى العموم أنا هأبقى اتصل بيهم أشوف موضوع السيرفو ولو متحلش هآخد ورقة بالكلام ده وهأتصرف