أخر الأخبار من اوماترا طنطا

[ahmedbasto]

بسم الله الرحمن الرحيم
الحمد لله تم تغيير مسئول المبيعات فى فرع اوماترا طنطا وفعلا راجل قمة فى الذوق وفاهم شغله كويس اووى نيجى للعربيات
الألبيا على فكرة نظيفة جدا يا جماعة انا ركبتها هى لازم تنافس وبقوة كمان لانها فىها اوبشنز عالية على سعرها اللى هو 72 ألف للكاملة وأى أسئلة انا جاهز

[ahmedbasto]

شكرا 23 دخول ولا رد

[ahmadmidop]

انا بقوول كده بردووو ومهما كان ولو هجيب هفضلها على اللوجاان

[MaZaGAngeE]

شكرا على الخبر
ممكن صور و شوية بيانات عن العربية

[Medo.Malek]

اوماترا هيا اوماترا حتى لو جابولها كليوباترا ...

[Medo.Malek]

الف شكر على الخبر و على الموضوع يا احمد باشا :))

[ahmedbasto]

ان شاء الله يا رجالة فى تقرير كامل يوم السبت لولا ظروف المدرسة كنت روحت صورت العربية النهاردة بس اعمل ايه الحمد لله .

[ahmedbasto]

دة اختبار التصادم بتاعها عايز اعرف رأيكم:
YouTube - Fiat Albea Siena Palio Crash Test EuroNCap

[yoko]

شكرا يا أحمد ومعلش فيه ناس بتخش ومبتردش زي عشان ببقى مستعجل بس بفتح تاني يوم وأرد
وإختبار الأمان مش حلو وإن كان دهه العادي في فئتها

[ramy01011]

ممكن معلومات اكتر عن الالبينا؟

[macdiv]

شكرا يا أحمد ومعلش فيه ناس بتخش ومبتردش زي عشان ببقى مستعجل بس بفتح تاني يوم وأرد
وإختبار الأمان مش حلو وإن كان دهه العادي في فئتها

ازيك يا احمد شد حيلك في الامتحانات ،،،،هو انت ليه قلت ان الاختبار مش حلو ؟؟؟ القايمين الييمين و الشمال الاماميين زي ماهما و مخصلهمشي اي تاثير ده بالضافه ان الزحاج الامامي زي منت شايف برده سليم ....انا شايف ان النتيحه حلو جدا عى عربيه بالسعر ده .. بس عادي لان هي دي فيات

[eng_ghazaly]

انا كنت سامع من السنه اللى فاتت و قريت الخبر كمان في الجرنان ان فيات هتفتح مراكز صيانة في طنطا او المحلة,,,هل ده حصل ولا عملوا الخبر و عملوا ودن من طين و ودن من عجين .

[ahmedbasto]

لا مراكز صيانة لا انما دى صالة عرض بس

[ahmedbasto]

ممكن معلومات اكتر عن الالبينا؟

العربية دى نازلة بموتور 1400 سى سى 78 حصان عزم 115 نيوتن متر بها 2 ايرباج كاسيت سى دى 2 زجاج كهرباء امامى والخلفى أكر ويوجد بها ايضا زر لتعديل ارتفاع الضوء وشنطتها واسعة اووى بالنسبة للفئة بتاعتها والعربية من جوه واسعة وقاعدتها مريحة بالنسبة لفئتها وسعرها كاملة مانيوال لأن مفيش منها اوتوماتيك 72ألف جنيه مصرى تقييمى ليها هى كويسة جدا بس فى حدود فئتها يعنى هى ممكن تكون أحسن من الأفيو بس كتصميم خارجى الأفيو تكسب

[ramy01011]

العربية دى نازلة بموتور 1400 سى سى 78 حصان عزم 115 نيوتن متر بها 2 ايرباج كاسيت سى دى 2 زجاج كهرباء امامى والخلفى أكر ويوجد بها ايضا زر لتعديل ارتفاع الضوء وشنطتها واسعة اووى بالنسبة للفئة بتاعتها والعربية من جوه واسعة وقاعدتها مريحة بالنسبة لفئتها وسعرها كاملة مانيوال لأن مفيش منها اوتوماتيك 72ألف جنيه مصرى تقييمى ليها هى كويسة جدا بس فى حدود فئتها يعنى هى ممكن تكون أحسن من الأفيو بس كتصميم خارجى الأفيو تكسب

شكرا شكرا