استفسار عن الفتيس اال dualogic

[ahmadmidop]

تماام انا فهمت فكرة عمله وانه بدبرياج كهربي .... وفهمت بردو ان ممكن اعمل على ال m وانقل ااانا من غير دبرياج بس لما شوفت شكل الفتيس النقلات مش فاهمها يعني الاول فين والتاني وكده ولااانا فهمت غلللط

[hazemezzz]

انت لو جايب الفتيس على الوضع اوتوماتيك بتلاقى حرف a صغير مكتوب جنب رقم الغيار اللى على الشاشة , طبعا وانت واقف انت جايب ال n . تدوس فرامل وتدى الغيار الاول وتطلع عادى خالص والعربية تنقل لوحدها خالص زى اى عربية اوتوماتيك بس الميزة انك تحس فى سحبها انها مانيوال بالظبط وكمان بيكتبلك على الشاشة انت على انهى غيار 1, 2 , 3 ...........وممكن تسقط غيارات زى المانيوال بالظبط ,يعنى لو انت ماشى على الخامس وعلى سرعة قليلة وفجأة عايز تسحب تقوم دايس بنزين للاخر هتلاقى العربية سقطت نقلتين او تلاتة كمان والعربية سحبت سحب عالى جدا

اما لو انت جايب على الوضع المانيوال مش بتلاقى حرف ال a اللى على الشاشه . برضه بتدوس بنزين وتجيب الغيار الاول وتطلع بس فى الحالة دى العربية مش هتنقل على الغيار 2 الا لو انت نقلت عن طريق انك تزق الفتيس زقة صغيرة كده لقدام , ساعتها هتلاقى نفسك نقلت على الغيار التانى واتكتب على الشاشه 2 وهكذا 3 , 4 , 5

[hazemezzz]

تغيير النقلات فى الوضع المانيوال عن طريق زقه بسيطة للفتيس قدام للغيار الاعلى وزقه ورا للغيار الاقل

[Formulator]

لما الفتيس يرجع من N او R على A/M... او حتى وهو مكانه وتديله تاتش (+) ...>>> كده الأول (لازم تبقى دايس فرامل)

خدت الأول يا معلم:
(+) >>> تانى
(+) >>> تالت و رابع ....لحد السادس (او الخامس)

ولو عايز تسقط (-) ترجع خامس و كده

[refattosa]

n -
a/m + r

الفتيس بتبقي حاراته كذة ده بالنسبة للاوتو خبطة شمال تتنقل ما بين الاونو

و المانيوال + عشان تجيب الاول و بعدين التاني التالت و هكذا - عشان تنزل

بالنقلات خامس رابع و هكذا ال reverse زي العربيات المانيوال يمين ورا

و ال n زي الخامس في المانيوال يمين قدام

[Formulator]

انت لو جايب الفتيس على الوضع اوتوماتيك بتلاقى حرفa صغير مكتوب جنب رقم الغيار اللى على الشاشة

بيكتب كلمة Auto

[ahmadmidop]

الفففف شكر ياجماعة طب انقل ازااااي من ال الاوتو للمانيوال والعكس .... والمفروض لما اطفي العربية يكون الفتيس على ايه ولما اجي ادور يبقى على اييه !

[moh.aboelkheir]

الفففف شكر ياجماعة طب انقل ازااااي من ال الاوتو للمانيوال والعكس .... والمفروض لما اطفي العربية يكون الفتيس على ايه ولما اجي ادور يبقى على اييه !

حرك عصايه الفتيس للشمال هتقلب مانيول و حركها تاني تقلب اوتو

[wildesso]

لما تدور و تطفي لازم تكون علي n
أنا مجربتش أنقل من أوتو ل مانيول و أنا ماشي (لازم أكون واقف)

[Formulator]

لما تدور و تطفي لازم تكون علي n
أنا مجربتش أنقل من أوتو ل مانيول و أنا ماشي (لازم أكون واقف)

لما تدور لازم تكون على N ... او تبقى دايس فرامل وتجيب اللى انت عاوزه (من غير N)
أنما لما تطفى على N الكومبيوتر هيفضل يديك alarm وحرف N بيعمل flash فى الشاشة ..... يعنى غلط..!!!!!!!!!!!

الصح انك تديها غيار (+ اول مثلا) او R وبعدين تطفى (حسب ال Slope بتاع الركنة)...... كده صح ومش هتديك alarm

[hazemezzz]

بيكتب كلمة auto:10d5c8w1107:

انا ماخدتش بالى فعلا .. بيبقى مكتوب auto فعلا مش حرف a بس

[loodaa]

اللي اعرفه ان ينفع تحول بين manual و automatic و العربية ماشيه عادي مش لازم تقف

[sweetvolcanoo]

انا ببطل العربية فعلا و هيا auto 1 و بسيبها راكنة كدة,,لان لما تيجي تبطل و هيا n بتدي alarm يعني غلط,,,و انا في المعرض كمان لما كنت بستلم كانت كل العربيات راكنة كدة علي الاوتو,,بس لما تدور لو دوست بنزين مش حتمشي لازم انقل n و بعدين auto تاني ساعتها لما بدوس بنزين بتتحرك

[sweetvolcanoo]

ده فعلا يا خالد ممكن ,,انا جربت القصة دي و العربية بتغير من اوتو لمانيول و هي ماشية عادي من غير فرامل كمان و مش بتدي alarm و لا حاجة يعني العملية سليمة

[Formulator]

اللي اعرفه ان ينفع تحول بين manual و automatic و العربية ماشيه عادي مش لازم تقف

أجمد حاجة فى الفتيس ده انك ممكن تتدخل manually و هى على auto
يعنى مش لازم تنقل full manual... لأ د انت ممكن تسقط او تعلى نقلة وهى على الأوتو

الأوتو مود بيسمحلك تتدخل معاه و بعدين هو بيكمل عادى....