صور كتيير للالبيا (من الواقع)

[Ghamrawy]

السلام عليكم يا جماعة
ليكوا وحشة ...واحد واحد
اعذرونى انا مش عارف ادخل على المنتدى بسبب عطل فنى غريب و لخبطة كده و ان شاء الله جارى حلها مع كريم منير جزاه الله كل خير

اللينك ده فيه صور كتيير للالبيا انا كنت مصورهم بنفسى و لكن مش عارف ارفعهم على المنتدى بسبب العطل الفنى اللى عندى .. و خدوا بلكوا الصور دى غاليه عليا اوى لانها كلفتى باب عربيتى اليمين :) بس مافيش حاجة تغلى عليكم و الحمد لله على كل شيئ
فاممكن اى اخ منكوا يرفعها على المنتدى فى موضوع منفصل او فى الموضوع ده

ده اللينك :

ImageShack Album - 45 images

تم اضافة الصور بواسطتى

مشرف القسم
101219
11:00p.m

[Ghamrawy]

صور كتيير للالبيا (من الواقع)

تم اضافة الصور بواسطتى

مشرف القسم
101219
11:00p.m

[eng_ghazaly]

جميله و شبه البترا,, بس اعتقد انها كده هتوقع من البترا مش هترفع سعرها المستعمل

[moh.aboelkheir]

و الله انا شايف انها مش بطاله على سعرها ده 72500 ... و حتى موتورها مش وحش برده ... اللي مغليها كده ممكن الاير باجز

[yoko]

تمام يا باشا وإن شاء الله هبلغ الإشراف بتعديل الصور

[mohmdomar]

ايه الي حصل لباب العربية؟؟

[moh.aboelkheir]

ايه الي حصل لباب العربية؟؟

تقريبا واحد يوم الجو العاصف طارمن على الكورنيش و لبس في باب عربيه الاستاذ غمراوي ...هو ده اللي حصل ؟؟ :)

[ahmadmidop]

العربيىة دي انا شااااااايف انها احسن من اللوجاااااااااااااان بكتييير

[damasry]

الله ينور يا محمد بيك

تسلم ايدك الصراحة على الصور

وطمنى يا باشا على موضوع الباب

[gladuter]

العربية شكلها وامكانياتها وتقفيلها حلو جدا وهتتغلب علي اللوجان والفيرنا
بس لو يتعملها حماة دعاية زي اللوجان هتبيع كويس

[Ghamrawy]

شكرا يا جماعة
شكرا لمشرف القسم على مجهوده الطيب فى رفع الصور
وشكرا لاحمد يوكو
و شكرا ليكوا على الردود الجميلة
العربية دى الفئة التانية من اللالبيا اللى هى ب 77 و شوية (مش فاكر السعر بدقة)
هى تختلف عن الفئة الاولى فى بعض التفاصيل زى المفتاح الريموت لفتح و غلق الابواب و العتب الفيبر الاسود و الكاسيت و التقفيل الداخلى و الايرباج التانية و شكل الطاسات و شوية حاجات بسيطة كمان زى فتح الشنطة من الداخل و الازاز الكهربا و الايريال اللى فوق السقف و شنطة العدة.
موضوع الباب ده حصل يوم السبت باليل اللى هو يوم 11-12 و انا راكن قدام المعرض بتاع اوماترا
كان الهوا بشع ..انا نفسى ما كنتش عارف افتح باب العربية علشان كان ممكن يطير كله و الناس طلعت من المعرض مسكوا الباب و نزلونى و و انا ماشى على الرصيف الهوا زقنى و و قعت نص و قعة ( المعرض على البحر و على ناصية شارع و الرياح سرعتها زى ما قالوا كسرت سرعة 70 كيلو فى الساعة )
المهم و انا قاعد جوه الناس بتوع الامن قالوا فى واحد طار و دخل فى الباب طبعا انا ما اخدتش فى بالى و شوية كده قمت بصيت لقيت الباب مطبق لجوه ...السوكة اللى فى الباب دخلت لجوه و الباب من فوق بقى طالع و نازل و شكله غريب .الحمد لله انا تقبلت الموضوع و كويس ان الراجل ما دخلش فى الازاز و كسره فى يوم مطرة زى ده و لا مثلا سند على المراية و خلعها .
فوت اسبوع و رحت للسمكرى عمله على البارد بس ماعرفش يجيبه كله لان الباب مليان قضبان من جوه (اتنين) عملين شكل 8 و نقطة لقائهم عند مفصلة الباب .. طبعا الحتت اللى فاضلة شكلها معضعض و عايزة تسخين و رش لما الشتا يخلص ابقى اروح اعمله على روقان ان شاء الله

[eng_ghazaly]

صحيح انا عمري ما شوفت اعلان لفيات عن عربية,,ولا حتى اعلان في الشارع,,,,انا مش عارف مش مهتمين بالدعاية ليه,,,لوعملوا حتى اعلان في الراديو هيبيعوا,,و هيعملوا سمعه احسن من اللى بيعملوا اعلانات للطموحين فقط

[semsem_uno]

هيعملوا سمعه احسن من اللى بيعملوا اعلانات للطموحين فقط

مفيش كلام بعد التعليق ده
فعلا لازم دعايا و اما بخصوص العربية فا زي منا كنت قايل عليها قبل كده "تحفة فنية "

[khaled_amer]

المهم العربيه دي صيني و لا تركي و لا ايه؟؟؟؟؟؟؟؟؟؟؟؟؟؟؟؟

[moh.aboelkheir]

صحيح انا عمري ما شوفت اعلان لفيات عن عربية,,ولا حتى اعلان في الشارع,,,,انا مش عارف مش مهتمين بالدعاية ليه,,,لوعملوا حتى اعلان في الراديو هيبيعوا,,و هيعملوا سمعه احسن من اللى بيعملوا اعلانات للطموحين فقط

انا بقول كده احصن ... خاي الناس اللي تشوف العربيه في الشارع تستعجب