رحله تظبيط الفيورا

[أبو إياد]

السلام عليكم ورحمة الله وبركاته

بداءت الرحله من يوم 2010/10/15 عند شرائى لسياره فيورا مركونه فتره لا تقل عن 10سنوات ولكوا ان تتخيلوا حاله الصاج والفرش ومكونات الموتور والعربيه عموما .............................

بدايه المشوار الميكانيكى شغل الموتور بعد تركيب بطاريه ووضع بنزين ومياه للريداتير وتغيير البوجيهات وفلتر البنزين وزيت الموتور ومواسير ماستر الفرامل وبعد كده السروجى علشان يفك كل حاجه فى الصالون
واستقرت العربيه عند السمكرى

السمكره :-

العربيه يكاد لا يكون فيها اى خبطات ياعنى مافيش فيها اى دق ولا الكلام ده انما الشغل اللى كان فيها عباره عن زراجين وبارومه وظبط ابواب وخوابير للابواب والكلام ده استغرق حوالى شهر كامل

وده شغل العربيه ساعتها

الدوكو :-

بتاع الدوكو بداء شغل فيها قبل العيد الكبير بحوالى 10 ايام وبما انى مش مستعجل على العربيه قولتله خلص الاهم عندك وخلى عربيتى فى الاخر على رواقه
الشغل اللى هايتعمل :
بالنسبه للدوالخل (رش الكارتيرات والقوائم) وطبعا بدرجه لون العربيه القديمه
عزل ارضيه السياره والرفارف بمواد عازله
بالنسبه للخوارج العربيه لونها هايفتح عن اللون الاصلى وكنت ناوى على السماوى بتاع اللانوس لكن تراجعت وباذن الله هاخليه افتح درجه ياعنى تقريبا هايكون زى بتاع الفيرنا وطبعا ميتالك

فى يوم الجمعه اللى فاتت الموافق 17 /12 العربيه خلصت رش الدواخل ياعنى اكتر من شهر بالاضافه الى تجهيز السياره من الخارج واللى فاضل وش فيلر فقط

راحت على بتاع الابواب وشراء كاوتش ابواب جديد للابواب والكابوت والشنطه وظبط الكلام ده كله ورجت تانى عند بتاع الدوكو علشان يخلص باقى الشغل (رش الخوارج)

اليوم 12/21 بدايت شغل رش الخوارج المفترض انه هياخد 3 ايام


ومنتظر اقتراحتكوا ودعواتكوا

يتبع ..................





.

[amrmeme]

بقولك ايه يا باشا انا معايا 127
لو عوزت اي حاجه كلمني انا بشد عربيات كتير وليا خبره في المجال ده لو عوزت اي حاجه انا تحت امرك
السمكري بتاعك شغلوا نضيف بصراحه انا شايف الصور بتتكلم
وبتاع الدكو اديه حلوه برده
انت عايز قبل ما ترش تظبط عفشتك كلها عشان لو اترشت ممكن بتاع العفشه يزعلك البويه الجديده ولا حاجه
وظبط الكهرباء كلها كسلوك وفيش وخلافه
وفك التابلوه بتاعها ورشه لون فاتح شويه عن ده خليه ينطق العربيه وحط تحتيه لباد حراري عشان يعزل الحراره بتاعت الماتور
وقولي انت منين يا باشا

[maka]

بالتوفيق يا ابو اياد و متابع معاك خطوة بخطوة

و عاوز اعرف خلصت فيها على كام

[kh_talaat]

بالتوفيق يا ابو اياد ... وان شاء الله تطلع احلى مما تتوقع بعد الرش

بس متنساش احجزلي اول لفه بالعربية

عشان استعيد الذكريات هههههه

[mohamed2002]

بسم الله ما شاء الله أنا بحترم العربية دي أوي

[heshamzaky]

ما شاء الله الله أكبر أنا عملت تقريبا زيك كدة بس لما رشيت عملتها ميتالك لون الهيونداى و شكلة على الحقيقة كويس جدا و لو عاوز أفكار شوف شكل الشبكة دى لو تعجبك

[أبو إياد]

بقولك ايه يا باشا انا معايا 127
لو عوزت اي حاجه كلمني انا بشد عربيات كتير وليا خبره في المجال ده لو عوزت اي حاجه انا تحت امرك
السمكري بتاعك شغلوا نضيف بصراحه انا شايف الصور بتتكلم
وبتاع الدكو اديه حلوه برده
انت عايز قبل ما ترش تظبط عفشتك كلها عشان لو اترشت ممكن بتاع العفشه يزعلك البويه الجديده ولا حاجه
وظبط الكهرباء كلها كسلوك وفيش وخلافه
وفك التابلوه بتاعها ورشه لون فاتح شويه عن ده خليه ينطق العربيه وحط تحتيه لباد حراري عشان يعزل الحراره بتاعت الماتور
وقولي انت منين يا باشا

عندك حق فى موضوع العفشجى لكن للاسف المنطقه اللى انا فيها مفيش فيها عفشجى كويس واللى بتعامل معاه فى الجيزه فاهضطر اروحله بعد العربيه ما تتقفل

والكهربائى طبعا هو اول واحد هايشتغل فى العربيه بعد الدوكو علشان يقفلى الوصلات قبل ما يقفل الارضيه
وانا فى فيصل وشاكر ليك جدا

[أبو إياد]

بالتوفيق يا ابو اياد و متابع معاك خطوة بخطوة

و عاوز اعرف خلصت فيها على كام

شكرا ليك يا مكه وهاكيد هاشرح كل التفاصيل لغايه لما تقف على رجليها وانا خلصت العربيه على 8000ج بالاضافه للضريبه المتاخره والتامين وعليها فحص متاخر وهى موديل 85

[أبو إياد]

بالتوفيق يا ابو اياد ... وان شاء الله تطلع احلى مما تتوقع بعد الرش

بس متنساش احجزلي اول لفه بالعربية

عشان استعيد الذكريات هههههه

حبيبى خالد بك فعلا انا محتاج لدعواتكوا لانى مشكلتى فى الوقت وعدم التفرغ وطبعا لازم اخليك تستعيد الذكريات ونبقا نعمل تيست درايف بيها مع بعض (على اساس انى هاركب موتور بورشه ههههههههههههه)

[أبو إياد]

بسم الله ما شاء الله أنا بحترم العربية دي أوي

شكرا ليك يا محمد باشا

[أبو إياد]

ما شاء الله الله أكبر أنا عملت تقريبا زيك كدة بس لما رشيت عملتها ميتالك لون الهيونداى و شكلة على الحقيقة كويس جدا و لو عاوز أفكار شوف شكل الشبكة دى لو تعجبك

ما شاء الله ربنا يباركلك فيها
انا كنت هاموت واعملها اللون الازرق بتاع المازدا 3 بس كنت فاكر ان الرخصه مكتوب لونها ازرق ولما لقيته سماوى قولت اخليه سماوى ميتالك وخلاص

كنت عاوز اسالك على اسبويلر السقف ده سعره كام علشان انا لقيته ب 70ج استغليته لانى لقيته غير قيم وقولت اكيد ارخص من كده

اما الوش فانا جيبت الشبكه والفوانيس بتوعها على اساس انى بابعد اى مشاكل فى الفحص لان العربيه بقالها فتره مش مرخصه والموضوع ده قالقنى

[heshamzaky]

ما شاء الله ربنا يباركلك فيها
انا كنت هاموت واعملها اللون الازرق بتاع المازدا 3 بس كنت فاكر ان الرخصه مكتوب لونها ازرق ولما لقيته سماوى قولت اخليه سماوى ميتالك وخلاص

كنت عاوز اسالك على اسبويلر السقف ده سعره كام علشان انا لقيته ب 70ج استغليته لانى لقيته غير قيم وقولت اكيد ارخص من كده

اما الوش فانا جيبت الشبكه والفوانيس بتوعها على اساس انى بابعد اى مشاكل فى الفحص لان العربيه بقالها فتره مش مرخصه والموضوع ده قالقنى

الله يخليك يا باشا و تسلم و بص أنا الرخصة مكتوب فيها أزرق مش فارقة بقى سماوى و لا أزرق لان لون العربية يعتبر أصلا بترولى و بالنسبة للشبكة مش ممنوعة الا لو كان فيهم فوانيس صفراء و الشبكة دى كنت مركب أختها بس الاصلى من زمان قوى و الاسبويلر الى على السقف و دة برضو جايبوة من زمان قوى بس الى عندى كان مستورد مش زى الى موجود دلوت بدليل أنة بقالة 20 سنة بالظبط على العربية مركبهم سنة 90 و طبعا مش فاكر كان بكام ههههههههه و بص كان زمان برضو فية أسبويلر بيركب على الشنطة تحت المساحة الخلفية و دة مش بشوفة حاليا لو شوفتة قولى و الاسبويلر بتاع السقف كان زمان فية واحد مرتفع بس بشكل اخر برضو مش موجود حاليا

[abosharbat]

عاوزين بقى منكم افكار ترويق وترويش العربية لان انا ناوى ادخل بعد اسبوع سمكرة ودوكو للسيارة
وياريت لو حد مروش العربية بتاعتوا نشوف الصور
اية غير الاساسيات - الكماليات يعنى -
وجزاءك الله خير
بالمناسبة معاى فيورا 87
والف شكرا للكل

[أبو إياد]

عاوزين بقى منكم افكار ترويق وترويش العربية لان انا ناوى ادخل بعد اسبوع سمكرة ودوكو للسيارة
وياريت لو حد مروش العربية بتاعتوا نشوف الصور
اية غير الاساسيات - الكماليات يعنى -
وجزاءك الله خير
بالمناسبة معاى فيورا 87
والف شكرا للكل

ادعيلى بس انى اخلص من الاساسيات وارخص العربيه وبعد كده نبداء بقا فى الكماليات
بس اللى ناوى عليه باذن الله الحاجات العاديه زى جنوط اسبور وطاره اسبور وديفل وساوند سيستم وزينون وسنتر
وفرش جلد لان الصالون مساحته مش هتساعدنى انى اعدل فيه حاجه

وربنا يباركلك فى عربيتك

[heshamzaky]

ادعيلى بس انى اخلص من الاساسيات وارخص العربيه وبعد كده نبداء بقا فى الكماليات
بس اللى ناوى عليه باذن الله الحاجات العاديه زى جنوط اسبور وطاره اسبور وديفل وساوند سيستم وزينون وسنتر
وفرش جلد لان الصالون مساحته مش هتساعدنى انى اعدل فيه حاجه

وربنا يباركلك فى عربيتك

نصيحة لو ناوى تركب طارة أبعد عن الطارات الى موجودة فى التوفيقية دى منظر على الفاضى بتتقطم هات طارة كويسة حا تعيش انا مركب طارة مومو من زمان برضو و بصراحة زى الفل و شغالة انا الطارات الجديدة لو أتكيت جامد على الطارة بتتقطم بعد شوية