السلسلة التعليمية: فك وتركيب فلتر التكيف (لينيا)

[yoko]

بسم الله الرحمن الرحيم

نبتدي أول درس من الدروس التعليمية ويا رب السلسلة دي تكبر وتبقى أقوى سلسة في المنتدى

أولا العده:


طقم مفكات الانكيه نجمة
إدعوا لfunnymickey عشان هو الي جبلي العدة

http://www.nilemotors.net/Nile/190972-a.html

هنحتاج منهم المقاس ده T25


ذراع ربط

الخطوات:
نروح لدرج التابلوه


ونفتحة

ونبص فوق عند الblue&me هنلاقي مسمارين



هنفكهم بالألانكيه النجمة وذراع الربط




هينزل وحده البلو أند مي زي كده (هتلاقيها رخمة شدها متخفش)



هتلاقيها متوصله بوصلتين دي أول واحده



هتشد الذراع الإسود هتلاقي الوصله طلعت



دي الوصلة التانيه وفكها صعب (معرفتش أفكها) بس كده كده مش هتضايقنا


هنبعد بقى الوحده دي عن سكتنا عشان نغطس

هتلاقي ورا البلاوي دي حته بلاستيك كده


هنشدها من الشمال وكإننا بنلفها زي الباب



نلاقي عمو الفلتر



نقوم شدينه ونطلعة بره خلوا بالكم من إتجاه السهم عشان ساعة التركيب



مبروك الفك ننضفة بهواء ونرجعة تاني

طبعا خطوات الفك زي التركيب
[caution]

• طبعا ده مش معناه إننا منغيرش الفلتر في الصيانة لأ نغيرة في ال20 الف
• بس طبعا الفلتر بيتسد من 5 ل10 الاف فيتنضف عشان الهواء بيبقى ضعيف

[/caution]
طبعا أي سؤال انا تحت أمركم

[M!SHO]

الله ينور يا أبوحميد

[moh.aboelkheir]

يا يوكو يا جامد ... الشغل موجود اهوه ذي الفل ... انا و الله عايز اشتغل بس كده هضيع التيرم ده و خصوصا اني هعمل التقرير عن العربيه بكره .... ممكن اظبط وقت كده لتغيير الكاوتش :)

[Moh.Abdelbaset]

100100 يا باشمهندس

[yoko]

الله ينور يا أبوحميد

الله يخليك

يا يوكو يا جامد ... الشغل موجود اهوه ذي الفل ... انا و الله عايز اشتغل بس كده هضيع التيرم ده و خصوصا اني هعمل التقرير عن العربيه بكره .... ممكن اظبط وقت كده لتغيير الكاوتش :)

تمام وانا عملت الموضوع عشان أحمس الناس شويه وغالبا الباقي في أجازة نص السنة عشان الواحد ضايع والجداول نزلت خلاص وعملين جدول غبي ماده مش مدينا قبليها غير يوم واحد والمادة تقيله جدا

100100 يا باشمهندس

الله يخليك وشوفت فيات حطه الفلتر فين بتعذبنا

[Moe86]

مبروك أول على أول درس تعليمى
بس اية رأيك لو الباقى يبقى فيديو؟ أعتقد هايبقى أحسن بكتير

[yoko]

مبروك أول على أول درس تعليمى
بس اية رأيك لو الباقى يبقى فيديو؟ أعتقد هايبقى أحسن بكتير

فيديو لازم يبقى 2 واحد يصور وواحد يشتغل ده غير إنه معتقدش هيبقى واضح قوي يعني الحاجات الي جوه كنت لازم أشغل الفلاش وأصور 5 أو 6 صور وأشوف أوضحهم!!

[Moh.Abdelbaset]

الله يخليك وشوفت فيات حطه الفلتر فين بتعذبنا

بتعذبك بمكان الفلتر
لكن مدلعاك بالتربو
ربنا يبارك لك فيها و يحفظك و يحفظها لك من كل سوء

مبروك أول على أول درس تعليمى
بس اية رأيك لو الباقى يبقى فيديو؟ أعتقد هايبقى أحسن بكتير

كنت عايز أقول كده
و AHMEDCAR عامل كده في هيونداي
لكن أنا شايف إن الصور كافية جداً في الدرس ده

[MNabeih]

الف مبروك اول درس,
الله ينور يا يوكووووووووو
استمر, لما ارجع ان شاء الله هانضفه, والا الحوجة للتوكيل:)))))))))

[yoko]

بتعذبك بمكان الفلتر
لكن مدلعاك بالتربو :f_eyeb1[1]:
ربنا يبارك لك فيها و يحفظك و يحفظها لك من كل سوء

طبعا ده مش دلع بس ده أحلى دلع
وأمين يا رب
أما موضوع الفيديو أنا شايف إن الصور أحسن وكل واحد يعمل موضوعة بالطريقة الي تريحة

الف مبروك اول درس,
الله ينور يا يوكووووووووو
استمر, لما ارجع ان شاء الله هانضفه, والا الحوجة للتوكيل:)))))))))

الله يبارك فيك والتوكيل للأسف بيقول مقربلوش غير لما أغيره في ال20 الف وهو بيتسد بعد 5 الاف أصلا فيتنضف مرتين ولا 3 في النص على ما يتغير

[ainshouka]

توضيح جميل

واول خطوة لاذابة الثلوج حول فيات مصر

[Medo.Malek]

جزاك الله خيرا يا احمد

[damasry]

الف مبروك يا احمد وتسلم ايدك

منتظرين باقى الدروس

[ecybrarian]

تقرير هايل..الصور دقيقة والشرح مسهل الامور..تسلم يا هندسة

[Ghamrawy]

بارك الله فيك يا أحمد بك
انا حاولت ادور عليه عندى و ماكنتش عارف الاقيه
كده بقى حانضفه بنفسى ان شاء الله