السلسلة التعليمية: فك و تغير فلتر التكيف لفيات تمبرا و لانشيا

[heshamzaky]

تكملة للسلسلة التى قام بها العزيز يوكو حا نتكلم عن تغير فلتر التكيف لفيات تمبرا و لانشيا
الفلتر بتاع التكيف مكانة خارج الصالون بمعنى أدق مش ممكن يتشاف أبدا الا لو عارف مكانة حتى بتوع قطع الغيار ما بيعرفوش أن فية فلتر تكيف للتمبرا و الانشيا و شكل الفلترين مختلفين شوية بس نفس المكان بالظبط ببدا الفك بأذن الله
اولا افتح كبوت العربية و قم بفك المساحات بتوع الزجاج الامامى و يكون معاك الان كى نجمة أعتقد مقاسة 125 و ابدا بفك كل المسامير الموجودة أمامك زى الصورة الاولى دى كدة
......................
بعد فك جميع المسامير و نصيحة أنا شخصيا بعملها محتفظ معايا فى العربية بمغناطيس بشبك فية كل المسامير علشان مفيش مسمار يضيع
بعد الفك أبدأ فى سحب الكاوتشة الكبيرة الى محزمة الحوض الى راكب فية ماكينة المساحات بالشكل دة كدة و خخليك حريص و انت بتشد المرايا البلاستيك لان خراطيم المية بتاعت المساحات راكبة فى الرشاشات من الاسفل

بعد كدة برضو مش حا تشوف الفلتر لانة مستخبى تحت غطاء بلاستيك الى فى الصورة دى كدة


أنزع هذا الغطاء برفق و هوة بتخلع بطريقة غريبة بيتلف شوية كدة حا يتخلع معاك و دى نفس طريقة تركيبة برضو
................... بكدة حا يظهر الفلتر أمامك و شكل بتاع التمبرا مختلف شوية عن بتاع الانشيا و فية منة شكل شبة فلتر الهواء يتاع الموتور يالتقريب و لما تشيلة حا تلاقى تحتية المروحة بتاعت التكيف يالشكل دة كدة لما تشيلة من مكانة

[yoko]

تمام يا باشا بس يا ريت كنت تصغر الصور عشان يتفتح الموضوع بسرعة
وإن شاء الله هيتم عمل فهرس بالمواضيع

[heshamzaky]

و دة شكل الفلتر

[heshamzaky]

تمام يا باشا بس يا ريت كنت تصغر الصور عشان يتفتح الموضوع بسرعة
وإن شاء الله هيتم عمل فهرس بالمواضيع

الف شكر يا باشا و و الله مش عاوز أقولك علشان أرفع الصور خدت وقت طويل جدا مش عارف لية موقع رفع الصور تقيل جدا جدا

[JUVENTUS]

موضوع متميز يا استاذ هشام من شخص اكثر تميزا و ده شئ متعودين عليه دايما من حضرتك

[heshamzaky]

موضوع متميز يا استاذ هشام من شخص اكثر تميزا و ده شئ متعودين عليه دايما من حضرتك

الله يخليك يا أحمد و أنا مش قد الكلام الكبير دة يا باشا أنا ترس واحد فى رابطة التمبرا و كل الرابطة بتكمل بعضها يا باشا و الف شكر ليك

[yoko]

الف شكر يا باشا و و الله مش عاوز أقولك علشان أرفع الصور خدت وقت طويل جدا مش عارف لية موقع رفع الصور تقيل جدا جدا

هبعتلك برنامج يعمل تصغير ويرفع في ثواني
بس بكرة عشان أنا خلاص بنام

[heshamzaky]

هبعتلك برنامج يعمل تصغير ويرفع في ثواني
بس بكرة عشان أنا خلاص بنام

ماشى يا باشا و تصبح على خير دلوقتى هههههههههههههه

[yoyomano]

ايه الجمال دة يا جدو
هو دة الشغل ولا بلاش
ما انت حوفريت اهو

[kete]

شكرا جزيلا للموضوع القيم شكراااااااااااااااااااااااااااااااااا

[eng_tefa]

الف شكر يا استاذ هشام
والله 100 100
بس انا عايز اسئل سؤال مبتدئين
هو ايه وظيفته وليه بيتغير؟

[heshamzaky]

شكرا جزيلا للموضوع القيم شكراااااااااااااااااااااااااااااااااا

منور المنتدى كلة يا فندم الف شكر

[heshamzaky]

الف شكر يا استاذ هشام
والله 100 100
بس انا عايز اسئل سؤال مبتدئين
هو ايه وظيفته وليه بيتغير؟

بص يا تيفا انت مش ساعات و انت مشغل التكيف تلاقى تراب طالع من فتحات التكيف و ساعات ورق الشجر الصغير قوى دة السبب ان الفلتر دة راكب فوق المروحة و الحوض الى راكب فية الفلتر ساعات ورق الشجر الصغير قوى دة بيتجمع فية من خلال الخروم الى فى المرايا السوداء البلاستيك الى فيها فتحات اخراج مياة المساحات و راكب تحتها المساحات و لو بصيت من الجنب الشمال و انت وشك للعربية حا تلاقى خرطوم نازل من الجنب دة زى خرطوم فايز للمياة الى بتتجمع داخل هذا الحوض يعنى بالبلدى الفلتر دة بيمنع الاتربة من الدخول للصالون و الحتة الصاج الى راكبة عند المروحة بتاعت التكيف أسمها بوابة الشارع

[د.محمود صلاح]

الله ينور .. موضوع رائع ياريت تطبع نسخة منه في قسم صيانة التكييف

[heshamzaky]

الله ينور .. موضوع رائع ياريت تطبع نسخة منه في قسم صيانة التكييف

الله يخليك يا فندم بس الموضوع صغير قوى يعنى ليس بهذا الثقل لينال شرف طباعتة فى قسم زى صيانة التكيف و الف شكر لحضرتك