فيات بونتو كلاسيك (اسكندرية)

[Moe86]

فعلا أنا رحت توكيل الطارق مرتين قبل كدة و ماكنتش عارف ان فى توكيلات أسوء من أوماترا بتاع جسر السويس !

[M_wahba]

يا جماعة انا موافق على كل الكلام
بس فعلا مفيش توكيل 100% و كمان دلوقتى اوماترا حتفتح فى اسكندرية قريب اكييييد دة حيرحمنا من عيب التوكيل
بتاع الطارق
على فكرة كمان احنا لو كلنا ايد واحدة بجد فى اسكندرية بالذات انا حاسس اننا ممكن نعمل حاجة كويسة
ممكن نشتكى لحد لما يظبطوا نفسهم
يا جماعة احنا كمان عملاء و فى اوروبا كلها ودى عن تجربة شخصية العميل اهم من اى حاجة عندهم

[mostafa omran]

ألراجل دا رقم تليفون بتاعو كاااااام ؟ ضروري

[mamdouhelsayd]

الحمد لله أخيرا لاقيتكم الفكرة ممتازة جدا ياجماعة أنا أول واحد معاكم فى الجروب وأرجو إن الموضوع يتم تثبيته علشان كل الفيتاوية ينضموالينا أنا شخصيا معايا بونتو كلاسيك 2004 وأنا وأسرتى الصغيرة من حبنا فيها مسمينها (دنيا ) والدلع (دون دون)ههههههههههههه
على فكرة العربية بسم الله ماشاء الله عليها فى الثبات والسرعة والتكييف وصيانتها سهلة جدا أنا من إسكندرية (أبوقير) كل حاجتها موجودة زى ماقالوا حبايب قلبى الزملاء الموجودين فى الجروب الجديد بتعنا فى صلاح الدين ورشدى وأيضا بيبو فى سيدى بشر جنب النفق مباشرة وعلى فكرة قطع غيارها معمرة جددددددددددددا بس أهم حاجة الصيانة بتعتها من تربيط عفشة وغيار زيوت وسيور وتيل فرامل ..........إلخ أنا بعمل كل ده بنفسى كل 7000كم (أقسم بالله العربية كأنها زييييييرو)
أه على فكرة أنا غيرت الماستر العلوى للدبرياج من حوالى 7شهور لأنه كان بينزل تحت ويعلق ومايطلعش إلا لما أزقه برجلى وجبته من صلاح الدين إيطالى أصلى وشغال زى الفل حتى الأن (أنا غيرته بنفسى والله ) أنا مش ميكانيكى أنا موظف عادى بس ساعة الأزمات ننفع يعنى هههههههههههههههههههههههههه
أنا معاكم بقلبى وأى حاجة أنا تحت أمركم .
بس إزاى نقدر نثبت موضوعنا ده ونكبره؟؟؟؟؟؟
لأن فى إستفسارات كتيييير بعوزها وبكتبها ومبلاقيش رد فأنا محتاج أرائكم كمان معايا زى مثلا الفوجات بتاعت العربية ضعيفة جدا نقويها إزاى ؟

[mamdouhelsayd]

يا جماعة عاوزين نعمل موضوع بجد عن رأى الناس و مشاكلهم فى البونتو كلاسيك و خاصة الإسكندرانية
عاوزين نكون جوب جامد
العربية بسم الله ما شاء الله بدأت تنتشر فى شوارع الإسكندرية
عاوزين نقول لبعض تجاربنا معاها و كمان العارف عيوب التوكيل الهنا يقول
ولما التوكيل الجديد يفتح على الصحراوى اليروح يقول رأية
انا معايا بونتو كلاسيك موديل 2011 و لسة عامل صيانة فى التوكيل بتاعت 5000 كم من اسبوع
عاوز الناس تتكلم و ناخد اراء بعض
ولو بجد حد عاوز اى استفسار عن العربية انا موجود و تحت امرة

ياريت يا أستاذ m-wahba