ريجاتا موديل 86

[emadelmahdy]

سؤال بخصوص الاطارات اطارات الخلفى 175/70 والامامى 165/70 لو مشيت عادى على هذة الاطارات او فى اى مشكلة وانا اشتريت العربية بهذا الشكل فى الاطارات افيدونى وشكرا

[nicegypt]

انا كان عندى نفس القصة دى بالظبط اول مشتريت العربية .. المشاكل اللى بتحصل من تركيب اكبر ف الخلف الاتى : حسب تجربتى
1 - بـهدلة ف العفشة الخلفية
2 - هتاكل جـلب مقصات بطريقة مبالغة جداَ .. انا كنت بغيرها كل اسبوعين !!
3 - هتخليك تحس بأي نقرة ف الارض ... واي مطب
4 - هتسمع صوت هـبدة .. او خبطة ... او حاجة بـتخبط ورا " صوت فظيع "
5 - عدم ثبات السيارة على السرعات حتى البطيئة .


سبب ان الكاوتش الاكبر ف الخلف هو محاولة اعلاء الريجاتا من الخلف .. والريجاتا اساسا عالية ومش محتاجة دة
الافضل حضرتك تخلي العربية كلها 165 على 70 .. دة المقاس الاساسى بتاعتها بتاع الفبريكة .

ولو عايز ثبات افضل اعمل الاتى :
ركب 175 على 70 جنوط 13 ... الاربع فرد يكونو جداد ويابانى . " انا مركب كدة حالياَ "
بعد كدة ... لازم ترصص الكاوتش لانة جديد ... لازم ترصصة عند حد بتاع كوتش محترم الاربع فرد
بعد كدة .. تروح تظبط زوايا ... حضرتك كفاية تظبطة مرة واحدة فقط ودة ضروري امامى وخلفى بـ 60ج
فى اي بنزينة محترمة .
لا تنسى : تعمل زيارة لعفشجى يطمن لك على حالة الجلب .. ولو تقدر تركب جلب البيجو 504 وتوسع عند الخراط المقص هيكون افضل
انا بجري بالعربية لسرعة تصل لـ 140 ك .. والمتوسط 100 ك .. ثبات الحمد لله جيد ..علما ان كان معايا زيرو لانسر بومة .. وكنت بجري
بيها باردو .. التظبيطات اللى قلتها لحضرتك دى هتخليك لحد 140 ممتاز تخيل ؟ ودة اداء اتفاجأءت بية من الريجاتا بعد ظبطها . بس لازم العفشة تكون 100 % سليمة .. اتمنى ردى يكون افاد حضرتك

[amro1965]

الله ينور عليك
دائما مشرفنا فى المنتدى