survey من التوكيل

[refattosa]

من شوية كلمني محمد كامل مدير فرع مدينة نصر وقاللي انهم بيعملوا survey للعملاء اللي اشترت فيات في الفترة الفاتت

لانهم نازلين السنة الجديدة باستراتيحية جديدة فبياخدوا اراء العملاء في اللي ممكن يتعمل ( ده حسب كلامه)

و سالني شوية اسئلة و الاجابات بتبقي اختيار من خمسة اوافق . اوافق بشدة . محايد اعترض اغترض بشدة

و طبعا اكتر حاجة شددت عليها في اجاباتي هي مراكز الخدمة و الاعلانات و طبعا خيكلم كل الناس اللي لسة شارية

فياريت كانا نشدد علي الموضوعين دول .... يمكن التوكيا يفوق و يشتغل شوية

[Moe86]

صباح الغباء, بيخادوا رأيى الناس اللى لسة شارية على أسا اية ؟
الناس اللى لسة شارين دول أغلبهم مالحقوش يروحوا مراكز الصيانة و اللى راح فى صيانة ال10,000 مثلا يا دوب غير زيت و فلتر زيت. يعنى مش زى صيانةال40,000 مثلا لما واحد يستنى من 9 الصبح لحد 3 العصر و تجيله الفاتورة معدية ال2000 جنية
الناس اللى لسة شارية ما احتاجوش يغيروا قطع غيار بالشيء الفولانى, زى الفانوس أبو 1300 جنية و لا الاكصدام اللى معدى 1500
الناس اللى لسة شارية مظهرش عندهم عيوب بسيطة فى العربية, و يروحوا التوكيل 3 مرات على ما يعرف يحلها و أحيانا ما بتتحلش كمان!
الناس اللى لسة شارية ما حدش فيهم احتاج يبيع العربية و يلاقى سعرها واقع علشان مافيش دعاية ليها
الناس اللى لسة شارية الحياة مع أوماترا لسة وردية بالنسبالهم !

[Medo.Malek]

صباح الغباء, بيخادوا رأيى الناس اللى لسة شارية على أسا اية ؟
الناس اللى لسة شارين دول أغلبهم مالحقوش يروحوا مراكز الصيانة و اللى راح فى صيانة ال10,000 مثلا يا دوب غير زيت و فلتر زيت. يعنى مش زى صيانةال40,000 مثلا لما واحد يستنى من 9 الصبح لحد 3 العصر و تجيله الفاتورة معدية ال2000 جنية
الناس اللى لسة شارية ما احتاجوش يغيروا قطع غيار بالشيء الفولانى, زى الفانوس أبو 1300 جنية و لا الاكصدام اللى معدى 1500
الناس اللى لسة شارية مظهرش عندهم عيوب بسيطة فى العربية, و يروحوا التوكيل 3 مرات على ما يعرف يحلها و أحيانا ما بتتحلش كمان!
الناس اللى لسة شارية ما حدش فيهم احتاج يبيع العربية و يلاقى سعرها واقع علشان مافيش دعاية ليها
الناس اللى لسة شارية الحياة مع أوماترا لسة وردية بالنسبالهم !

امال تقول اية يا دكتور عليا
بخبط المشوار من المنصورة من الساعة 6 الصبح .. اوصل عندهم 8 او 9 ... العربية تدخل الساعة 11.. و استلمها و المركز خلاص بيقفل ابوابه على 5 او 6 و كل ده ليه ؟!! عشان صيانة ال 5000 او ال10000 او حتى ال 20000 اللى على حسب كلامك مش مهمة او هامشية
و بعد كل الانتظار ده باخد العربية و فيها حاجات مش متصلحة و كمان باخدها فيها حاجة بايظة ((( لازم كل مرة اخد فيها العربية اروح الاقى فيها حاجة بايظة )))
يعنى يا ريت حتى مهتمين بالعملاء الجداد

[fadyspot]

انا كمان كلمني النهاردة الأستاذ أنطوان أسعد من فرع سيدي بشر في اسكندرية و سألني نفس الاسئلة و الراجل الصراحة كان متعاون جدا و هو من اكتر مندوبين المبيعات اللي قابلتهم احتراما ، بس هو الصراحة مرضيش يأكدلي على ميعاد افتتاح المركز بتاع الصيانة و هو مرضاش يقول وعد عشان ميكونش رجع في كلامة.
بس الصراحة حركة كويسة و ايجابية جدا من فيات و يا ريت زي ما الاعضاء ذكروا ان احنا نركز على موضوع مراكز الخدمة و الدعاية و كمان اسعار قطع الغيارِ.
و ربنا يوفقهم بما فيه الخير لكل الفياتاوية.

[yoko]

تمام انا مستني المكالمة وهن...

[wael17]

الناس اللى لسة شارية ما احتاجوش يغيروا قطع غيار بالشيء الفولانى, زى الفانوس أبو 1300 جنية و لا الاكصدام اللى معدى 1500
الناس اللى لسة شارية مظهرش عندهم عيوب بسيطة فى العربية, و يروحوا التوكيل 3 مرات على ما يعرف يحلها و أحيانا ما بتتحلش كمان!
الناس اللى لسة شارية ما حدش فيهم احتاج يبيع العربية و يلاقى سعرها واقع علشان مافيش دعاية ليها
الناس اللى لسة شارية الحياة مع أوماترا لسة وردية بالنسبالهم !

الناس اللي لسه شارية بتقولك ....كفاااااااااية.....العربيات هاتولع بينا!!!!!!!!!!!

انت فعلا معاك حق...هو المفروض يهتم بقاعدة أوسع من العملاء مش بس اللي لسه شاريين عشان عددهم قليل

[mnomno]

انا كمان كلمني النهاردة الأستاذ أنطوان أسعد من فرع سيدي بشر في اسكندرية و سألني نفس الاسئلة و الراجل الصراحة كان متعاون جدا و هو من اكتر مندوبين المبيعات اللي قابلتهم احتراما ، بس هو الصراحة مرضيش يأكدلي على ميعاد افتتاح المركز بتاع الصيانة و هو مرضاش يقول وعد عشان ميكونش رجع في كلامة.
بس الصراحة حركة كويسة و ايجابية جدا من فيات و يا ريت زي ما الاعضاء ذكروا ان احنا نركز على موضوع مراكز الخدمة و الدعاية و كمان اسعار قطع الغيارِ.
و ربنا يوفقهم بما فيه الخير لكل الفياتاوية.

ازيك يا فادى انت اشتريت و لا لسه انا اخر مره كان قبل ان يقع المنتدى و كنت فى انتظار الاستلام بعدالعيد

[fadyspot]

ازيك يا فادى انت اشتريت و لا لسه انا اخر مره كان قبل ان يقع المنتدى و كنت فى انتظار الاستلام بعدالعيد

ازي حضرتك يا فندم انا كويس الحمد لله،،
انا الحمد لله استلمت يوم12\8 و العربية الحمد لله ممتازة ربنا يكفينا شرها و بجد المعرض اكتر من ممتاز و لو حضرتك تحبي اي خدمة او تشوفي العربية انا تحت امرك ،، و الاستاذ انطوان في المعرض هناك قمة في الاحترام و الادب و بجد بيساعد من قلبه .
و انا تحت امر حضرتك في اي استفسار.

[Moe86]

معلش أنا شايط من أوماترا شوية و قررت ما روحلهمش تانى بعد المهازل اللى حصلت فى صيانة ال ٢٠،٠٠٠
أستاذ أنطون فعلا راجل محترم، هو كان شغال فى أوتوميشو زمان أيام لما إشتريت عربيتى من عندهم

[refattosa]

[

الناس اللي لسه شارية بتقولك ....كفاااااااااية.....العربيات هاتولع بينا!!!!!!!!!!!

انت فعلا معاك حق...هو المفروض يهتم بقاعدة أوسع من العملاء مش بس اللي لسه شاريين عشان عددهم قليل

ايوة كدة يا دكتور دافع عننا احسن انا اتخضيت من المدافع اللي فرقعت في وشي دي

يا جماعة الاستقصاء دة بيعملوا الناس بتوع المبيعات يعني مالهمش دعوة بقصة المركز و الصيانة و الكلام ده

و الاسئلة من نوعية اية اللي اثر في قرار شراءك الانترنت ولا الاصدقاء ولا ملاحق السيارات و اسعار سيارات فيات

بالمقارنة بالسيارات الاوربية المنافسة رايك في المعارض و اسئلة من النوعية دي

المفروض بيبقي في ناس تانية من خدمة ما بعد البيع هما اللي يكلموا الناس بعد كل صيانة يسمعوا شكواهم

زي ما رينو بعملوا معايا بعد كل صيانة و كان فية واحدة من التوكيل عاملة باب هنا في المنتدي المفروض كانت بتابع

شكاوي الاعضاء بس مش عارف راحت فين ... يا ريت لو يوكو او دامصري يشوفلنا الموضوع دة

[ahmadmidop]

الموضوع ما يعتبرش جديد ياجماعة ... هما بيعملو الحوااار ده من زمااان لما بتروح التوكيل بيدوك الاستقصاء اللي في الصورة وفي نفس الاسئلة دي الدعاية وغلبت اكتب واكتب في الملاحظات الدعاية ومراكز الخدمة ....ولكن اوماترا

[moh.aboelkheir]

كامني الاستاذ محمد كامل النهارده علشان ال survey هي فعلا ملهاش دعوه بالصيانه ... و لكن هدفها المبيعات ... و انا قلت رأي بكل صراحه

[Moe86]

[


ايوة كدة يا دكتور دافع عننا احسن انا اتخضيت من المدافع اللي فرقعت في وشي دي

يا جماعة الاستقصاء دة بيعملوا الناس بتوع المبيعات يعني مالهمش دعوة بقصة المركز و الصيانة و الكلام ده

معلش أنا كنت عنيف فى كلامى فعلا علشان جايب أخرى من الناس دى و مش عايز الناس اللى شارية عربيات جديدة يحصلهم مواقف بايخة من التوكيل بعد كدة