shift light

[Ghamrawy]

كنت عايز اجيب حاجة اسمها shift light و قولت اخد رأيكم
ال shift light ده بيبقى عبارة عن جهاز أو علبة اسطوانية صغيرة و فيها لمبة و الناحية التانية مؤشر للضبط و كل مهمتها انها تنور على عدد لفات موتور معين تكون انت مظبطه مثلا على 3500 لفة او 4500 لفة بدل البص كل شوية على عداد لفات الموتور اللى مش بينفع وقت الجرى و الشد المفاجئ علشان بيشتت الانتباه و فعلا النهارده كنت حاركب رصيف بسبب الموضوع ده و كمان العربية صوتها مش بيعلى للدرجة انك تعرف من غير ما تبص انت وصلت لكام لفة
حد عنده فكرة عن الموضوع ده و هل طريقة تركيبه سهلة ولا فيها تخريب و لعب كبير ؟

[yoko]

بلاش علشان الecu بيقرأ الrpm والموضوع ده ممكن يأثر عليه
وفين سينس النقلة يا باشا

[MNabeih]

بس اختراع ظريف والله!!!!
بس تفاصيل توصيلاته اة؟؟

[Ghamrawy]

بلاش علشان الecu بيقرأ الrpm والموضوع ده ممكن يأثر عليه
وفين سينس النقلة يا باشا

للاسف انا مش بافوق و اخد بالى غير بعد فوات الاوان يعنى على 5000 او 5200 لفة و ده كتيير بصراحة على العربية على المدى الطويل و ممكن يطلعنى بره الضمان ده غير انه حايطير اسطوانة الدبرياج و حايبخر زيت زيادة و يخرب التربو بدرى بدرى

[yoko]

للاسف انا مش بافوق و اخد بالى غير بعد فوات الاوان يعنى على 5000 او 5200 لفة و ده كتيير بصراحة على العربية على المدى الطويل و ممكن يطلعنى بره الضمان ده غير انه حايطير اسطوانة الدبرياج و حايبخر زيت زيادة و يخرب التربو بدرى بدرى

الأحسن تحاول تعود نفسك دلوقتي من غير الrpm بعرف أني في حدود ال2500 وال3000 وبحس أول ما اقرب من ال3000 أو أعديها ولما أكسر ال5000 لو ركزت هتحس بفرق الأصوات بس لو الراديو عالي إنسى تحس لإن صوت الموتور أصلا واطي

[MNabeih]

الكلام دة جميل طول ما انت ما بتشدش او الغيارات اللي فوق,
انما الاول مالهوش حل نادرا لما بعرف اظبطه في حالة الجري طبعا!!!!

[Ghamrawy]

الأحسن تحاول تعود نفسك دلوقتي من غير الrpm بعرف أني في حدود ال2500 وال3000 وبحس أول ما اقرب من ال3000 أو أعديها ولما أكسر ال5000 لو ركزت هتحس بفرق الأصوات بس لو الراديو عالي إنسى تحس لإن صوت الموتور أصلا واطي

فعلا بس لو انت طالع من على الاول over boost انسى الموضوع ده تماما
انا مرة كنت فى شارع ضيق باليل متأخر و دخل واحد فى المعاكس و هديت علشان اعديه و بعد ما عدى قرصت اتارينى كنت ناسى انى لما هديت جبت الاول و القرصة وصلتنى على الاول ل 70 كيلو
للاسف التركيز انعدم عندى علشان كده عايز حاجة تصحينى و انا سايق
انا بافكر جديا اخد اجازة طويلة من السواقة

[Angel_wolf]

أنت قصدك على الـ RPM ابو لمبة شفت زى دة

[Ghamrawy]

أنت قصدك على الـ rpm ابو لمبة شفت زى دة

تمام يا باشا
بس انا عايز اللمبة بس من غير العداد
ينفع ؟

[mrghost]

الللمبه دى متوصله على العداد وانت بتظبط اللمبه عن طريق العداد اساسا فلازم العداد طبعا
وفى احجام اصغر من كده وده عداد rpm خارجى

[ahmedbasto]

كلامك صح

[semsem_uno]

يا جماعة في لمبة بتتباع لوحدها و بتتظبط علي النقلة
مش شرط العداد ابو لمبة

[Ghamrawy]

يا جماعة في لمبة بتتباع لوحدها و بتتظبط علي النقلة
مش شرط العداد ابو لمبة

طيب فين يا باشا ؟ انت شوفتها فعلا فى مصر ؟

[semsem_uno]

طيب فين يا باشا ؟ انت شوفتها فعلا فى مصر ؟

شوفتها في شارع دمشق عند محل ابراهيم لما كنت بركب ار بي ام لأونو بتاعت واحد حبيبي عالمنتدي بردو

[Adham]

فية عدادات ار بي ام متعددة الاضائة

يعني اضائتها زرقاء لغاية 3000 ثم خضراء لغاية 4000 ار بي ام

و برتقالي لغاية 5000 ار بي ام ثم حمراء بعد ذلك (مثلاً)

و تقدر تضبط رينج اللون بنفسك

و اضائتها نسبيا واضحه لان العداد كلة (الباكجراوند) بتنور باللون دة و العدادات دي نسبياً كبيرة كمان