صيانة ال 5000 للايفو

[osamy]

السلام عليكم

انا خلاص داخل على ال 5000 (4100 دلوقتي)
ممكن تدوني معلومات عنا الصيانة
احجز قبليها بأد ايه
اروح بعد ولا قبل ال5000؟
هل اقابل واحد هناك معين؟
هدفع فلوس ولا لا؟
اربط العفشه عندهم ولا لا
العفشه اصلا بتتربط كل اد ايه؟
كنت قريت انه الاحسن اني اعملها في بريدجيستون الي في مدينه نصر
طب لو كده بكام وهل الي في الجيزه برضه كويس؟
هل بيغسلوا العربيه في الصيانه ؟
ولو بيغسلوها بفلوس ولا ببلاش؟
انا لحد دلوقتي مغسلتهاش في بنزينه في حد بيغسلهالي كل اسبوع او اسبوعين بجردل
فهل غسيل البنزينه مهم علشان يغسلها من تحت ومن الكاوتش وكده؟

انا سألت كتير بس معلش دي اول صيانه ليا وحاسس اني تايه شويه

شكرا

[wael17]

أنا عامل 2400 كم و ان شاء الله هاعمل صيانة ال 5000 علي اخر يناير... و نفس الاسئلة دي محتاج أعرف اجابتها .

[osamy]

عاوز اعرف كمان 5000 في شهرين كتير؟

[wael17]

عاوز اعرف كمان 5000 في شهرين كتير؟

مفيش حاجة تكتر عليك يا باشا
احسبها بالسنة عشان تعرف تقارن...5000 في شهرين يعني 30,000 كم في السنة

أنا اخر عربية كانت معايا من يناير 2007 لحد نوفمبر اللي فات عملت 80,000 كم يعني تقريبا 20,000 في السنة
انا ساكن في أكتوبر و بانزل الشغل في المنيل بمتوسط 5 مرات في الاسبوع...نادر لما اسافر و خروجي مش كتير بعد ما ارجع من الشغل...يعني صعب انزل القاهرة مرتين في يوم واحد
30,000 في السنة عادي لو ساكن بعيد عن شغلك أو دراستك...لكن لو المسافة دي في مشاوير كتير فسح و خروجات و لف يبقي حاول تقلل شوية عشان ما تهلكش العربية...و متنساش ان عند اعادة البيع العداد هيرق معاك قوي

[damasry]

السلام عليكم

انا خلاص داخل على ال 5000 (4100 دلوقتي)

الف مبروك يا باشا وعقبال صيانة ال50 الف :)

ممكن تدوني معلومات عنا الصيانة
احجز قبليها بأد ايه

احجز قبلها باطول مدة عشان المركز زحمة ومش بيدوا مواعيد قريبة

اروح بعد ولا قبل ال5000؟

عادى مش ها تفرق، 100 او 200 كيلو قبل او بعد مش ها تأثر

هل اقابل واحد هناك معين؟

ابدا مفيش، بتروح وتدخل مكتب الاستقبال وتسيب الرخصة للاستاذة رانيا وهى اللى ها تقولك العربية ها تكون مع انهى مهندس وتروح للمهندس يستلم منك العربية وبعدين يقولك اتفضل انتظر فوق فى الاستراحة وتطلع فوق وتشرب المشروب (على حسابهم) وواجهة الاستراحة زجاج تقدر تشوف العربية وهى بيتعمل ليها الصيانة من فوق

هدفع فلوس ولا لا؟

ابدا مفيش فلوس خالص، صيانة ال5 الاف مجانية

اربط العفشه عندهم ولا لا

انت حتى لو حاولت تطلب هما مش ها يربطوا حاجة

العفشه اصلا بتتربط كل اد ايه؟

يستحسن كل 5 الاف خصوصا مع الطرق المصرية الجميلة

كنت قريت انه الاحسن اني اعملها في بريدجيستون الي في مدينه نصر
طب لو كده بكام وهل الي في الجيزه برضه كويس؟

اى فرع لبيردجستون كويس بس انا بفضل فرع عمارات العبور، الولد اللى هناك كويس وفاهم وبستريح ليه
وبريدجستون فتح فرع جديد فى شارع الجيزة قبل اولاد رجب بشوية

هل بيغسلوا العربيه في الصيانه ؟

المفروض يغسلوها

ولو بيغسلوها بفلوس ولا ببلاش؟

الغسيل ببلاش لكن لو عملوا الموتور بفوم بيدفعوك فلوسه

انا لحد دلوقتي مغسلتهاش في بنزينه في حد بيغسلهالي كل اسبوع او اسبوعين بجردل
فهل غسيل البنزينه مهم علشان يغسلها من تحت ومن الكاوتش وكده؟

بنزينة واحدة بنصح بيها اللى عند المطار (بنزينة التعاون) بتعامل مع واحد هناك اسمه ميدو مش عايز اقولك على اللى بيتعمل فى العربية لما بروحله وب20 جنيه بس وانا خدت يوكو مرة وهو جرب اللى بيحصل هناك.

انا سألت كتير بس معلش دي اول صيانه ليا وحاسس اني تايه شويه

يا باشا اسأل براحتك واحنا فى الخدمة

شكرا

[yoko]

مينفعش أتكلم بعد دماسري

[Medo.Malek]

الف مبروك و عقبال صيانة 1000000 ان شاء الله :)) روح بس بدرى عن المعاد و حاول تحجز فى فترة الصبح يعنى الساعة تسعة
و يعنى حاول كل شوية تمم على العربية اثناء الشغل فيها
و متستلمش الا اما تتأكد من كل حاجة فيها و تتطمن
و بالتوفيق ان شاء الله

[damasry]

مينفعش أتكلم بعد دماسري

شكرا يا احمد بيه

الف مبروك و عقبال صيانة 1000000 ان شاء الله :)) روح بس بدرى عن المعاد و حاول تحجز فى فترة الصبح يعنى الساعة تسعة
و يعنى حاول كل شوية تمم على العربية اثناء الشغل فيها
و متستلمش الا اما تتأكد من كل حاجة فيها و تتطمن
و بالتوفيق ان شاء الله

يا باشا هى صيانة ال5 الاف بيتعمل فيها حاجة اصلا!!!!!

[Medo.Malek]

شكرا يا احمد بيه



يا باشا هى صيانة ال5 الاف بيتعمل فيها حاجة اصلا!!!!!

يا محمد بيك قاسم اسأل التوكيل السؤال ده مش انا !
انا فى صيانة ال5000 سلمتلهم العربية تقريبا 10 و نص الصبح مستلمتهاش غير الساعة 5 المغرب !
ملحوظة ده اللى بيحصل معايا فى كل الصيانات ! من 9 صباحا لحد اخر اليوم !
و انتو عارفين اللى حصلى مع التوكيل اللذيذ ده
عشان كده بقول يطمن على العربية
و بالتوفيق
اوى حد يزعل من كلامى انا بس حبيت انقل تجربتى ليكوا عشان تستفادوا بس مش اكتر

[osamy]

مفيش حاجة تكتر عليك يا باشا
احسبها بالسنة عشان تعرف تقارن...5000 في شهرين يعني 30,000 كم في السنة

أنا اخر عربية كانت معايا من يناير 2007 لحد نوفمبر اللي فات عملت 80,000 كم يعني تقريبا 20,000 في السنة
انا ساكن في أكتوبر و بانزل الشغل في المنيل بمتوسط 5 مرات في الاسبوع...نادر لما اسافر و خروجي مش كتير بعد ما ارجع من الشغل...يعني صعب انزل القاهرة مرتين في يوم واحد
30,000 في السنة عادي لو ساكن بعيد عن شغلك أو دراستك...لكن لو المسافة دي في مشاوير كتير فسح و خروجات و لف يبقي حاول تقلل شوية عشان ما تهلكش العربية...و متنساش ان عند اعادة البيع العداد هيرق معاك قوي

لا انا الاغلبيه بسبب شغلي بعمل 50 رايح جاي في 5 ايام في الاسبوع غير خروجه كل اسبوع على الاقل
ومباسافرش ممكن في السنه مره ولا مرتين بالكتير

ويا باشا مفيش حاجه تكتر عليك انت كمان
كل الي معاهم ايفو مفيش حاجه تكتر عليهم

[osamy]

السلام عليكم

انا خلاص داخل على ال 5000 (4100 دلوقتي)

الف مبروك يا باشا وعقبال صيانة ال50 الف :)

ممكن تدوني معلومات عنا الصيانة
احجز قبليها بأد ايه

احجز قبلها باطول مدة عشان المركز زحمة ومش بيدوا مواعيد قريبة

اروح بعد ولا قبل ال5000؟

عادى مش ها تفرق، 100 او 200 كيلو قبل او بعد مش ها تأثر

هل اقابل واحد هناك معين؟

ابدا مفيش، بتروح وتدخل مكتب الاستقبال وتسيب الرخصة للاستاذة رانيا وهى اللى ها تقولك العربية ها تكون مع انهى مهندس وتروح للمهندس يستلم منك العربية وبعدين يقولك اتفضل انتظر فوق فى الاستراحة وتطلع فوق وتشرب المشروب (على حسابهم) وواجهة الاستراحة زجاج تقدر تشوف العربية وهى بيتعمل ليها الصيانة من فوق

هدفع فلوس ولا لا؟

ابدا مفيش فلوس خالص، صيانة ال5 الاف مجانية

اربط العفشه عندهم ولا لا

انت حتى لو حاولت تطلب هما مش ها يربطوا حاجة

العفشه اصلا بتتربط كل اد ايه؟

يستحسن كل 5 الاف خصوصا مع الطرق المصرية الجميلة

كنت قريت انه الاحسن اني اعملها في بريدجيستون الي في مدينه نصر
طب لو كده بكام وهل الي في الجيزه برضه كويس؟

اى فرع لبيردجستون كويس بس انا بفضل فرع عمارات العبور، الولد اللى هناك كويس وفاهم وبستريح ليه
وبريدجستون فتح فرع جديد فى شارع الجيزة قبل اولاد رجب بشوية

هل بيغسلوا العربيه في الصيانه ؟

المفروض يغسلوها

ولو بيغسلوها بفلوس ولا ببلاش؟

الغسيل ببلاش لكن لو عملوا الموتور بفوم بيدفعوك فلوسه

انا لحد دلوقتي مغسلتهاش في بنزينه في حد بيغسلهالي كل اسبوع او اسبوعين بجردل
فهل غسيل البنزينه مهم علشان يغسلها من تحت ومن الكاوتش وكده؟

بنزينة واحدة بنصح بيها اللى عند المطار (بنزينة التعاون) بتعامل مع واحد هناك اسمه ميدو مش عايز اقولك على اللى بيتعمل فى العربية لما بروحله وب20 جنيه بس وانا خدت يوكو مرة وهو جرب اللى بيحصل هناك.

انا سألت كتير بس معلش دي اول صيانه ليا وحاسس اني تايه شويه

يا باشا اسأل براحتك واحنا فى الخدمة

شكرا :f_eyeb1[1]:

مش عارف اقولك ايه
يعني بجد شكراااا ليك يا باشا

في بس حاجتين مش واضحين
سعر تربيط العفشه في بريدجستون كام وايه عنوانهم في العبور بالضبط؟
حكاية احجز قبليها بكتير دي
يعني بأسبوع مثلا ولا اكتر؟

شكرا ليك

[osamy]

الف مبروك و عقبال صيانة 1000000 ان شاء الله :)) روح بس بدرى عن المعاد و حاول تحجز فى فترة الصبح يعنى الساعة تسعة
و يعنى حاول كل شوية تمم على العربية اثناء الشغل فيها
و متستلمش الا اما تتأكد من كل حاجة فيها و تتطمن
و بالتوفيق ان شاء الله

الله يبارك فيك يا باشا :)

هوه يوم السبت بيبقى زحمه عن باقي الايام؟
وليه اروح بدري ما اروح متأخر مش هيه كدا كدا هتخلص قبل خمسه؟
يعني لو روحت اتنين تلاته مثلا؟
وهل هما فاتحين الجمعه؟

[damasry]

مش عارف اقولك ايه
يعني بجد شكراااا ليك يا باشا

في بس حاجتين مش واضحين
سعر تربيط العفشه في بريدجستون كام وايه عنوانهم في العبور بالضبط؟
حكاية احجز قبليها بكتير دي
يعني بأسبوع مثلا ولا اكتر؟

شكرا ليك

ايه يا باشا الشكر ده كله، احنا اخوات ومفيش بينا الكلام ده

التربيط مش ها يزيد عن 10 جنيه بالكتير لكن مش فاكر كام بالتحديد.

الحجز عايز اقولك ان فيه ناس بيتصلوا يحجزوا يقولولهم كمان شهر

الله يبارك فيك يا باشا :)

هوه يوم السبت بيبقى زحمه عن باقي الايام؟
وليه اروح بدري ما اروح متأخر مش هيه كدا كدا هتخلص قبل خمسه؟
يعني لو روحت اتنين تلاته مثلا؟
وهل هما فاتحين الجمعه؟

السبت بيكون زحمة لانه يوم اجازة، افضل حاجة هى يوم فى نص الاسبوع

ولا طبعا لو رحت متأخر ها تتأخر وهى الفكرة مش انك تروح امتى، انت لما بتحجز بيدوك يوم الحجز والساعة كام بالظبط ولازم تروح في الميعاد.

والتوكيل كان فاتح الصيانة يوم الجمعة بس لغى الموضوع ده مش عارف ليييه

[Medo.Malek]

مش عارف اقولك ايه
يعني بجد شكراااا ليك يا باشا

في بس حاجتين مش واضحين
سعر تربيط العفشه في بريدجستون كام وايه عنوانهم في العبور بالضبط؟
حكاية احجز قبليها بكتير دي
يعني بأسبوع مثلا ولا اكتر؟
و الله يا باشا انت اتصل بيهم بكرة مثلا و شوف اول معاد هايدهولك امتى لو مناسب خير و بركه مش مناسب اقعد زن على نافوخهم لحد مايقربوه شوية او يبعدوه على حسب المناسب ليك ولو ما وصلتوش ل حاجة سيبلهم رقم تلفونك و هما يكلموك لما معاد يفضى او انت كلمهم تانى بعدها بكام يوم :)
شكرا ليك

الله يبارك فيك يا باشا :)

هوه يوم السبت بيبقى زحمه عن باقي الايام؟
بيبقى زحمة ايوة و اعتقد باقى الايام زحمة برده بس مش زى يوم السبت
وليه اروح بدري ما اروح متأخر مش هيه كدا كدا هتخلص قبل خمسه؟
ياريت الموضوع بالبساطة دى :) انت لو رحتلهم متأخر و عندك كذا حاجة فى العربية عايزة تتعمل بكل بساطة هاتتكتب فى امر الشغل و هاتلاقى المهندس بيقولك اختار اية اللى هايتعمل انهارده عشان مش هانلحق نعمل كل ده انهارده و اللى مش هاتختاره هايتكتبلك عليه يؤجل :) ( انا عندى كان فيه ظبط زاوايا .. فك و ظبط الاكصدام الخلفى يعنى هايفك و يركب بس مش هايعمل حاجة ..صيانة ال 20 .. ظبط التابلوه كانوا بوظوه الصيانة اللى قبلها .. و التكييف كان بايظ و كان عندى مشكلة فى الفتيس فى الغيار الخلفى تحديدا .. و بالصلاة على النبى متعملش غير الصيانة و التكيف و التابلوه :) مع انى رايح من الساعة 9 الصبح و استلمت على الساعة 4 و نص تقريبا :)
يعني لو روحت اتنين تلاته مثلا؟
وهل هما فاتحين الجمعه؟

[yoko]

على فكرة الزحمة خفت جامد أنا يوم الخميس الي فات حجزت الإتنين الي بعده ونصيحة خد معاد 8.30 الصبح وروحلهم فيه كبيرك ساعتين وهتكون ماشي وبرده حاول تخش للمهندس أحمد